"ርእሰ አንቀጽ"

"…ይህ ከዐማራ ፋኖ ሕዝባዊ ድርጅት ሸዋ ጠቅላይ ግዛት ዕዝ ከመሀመድ ቢሆነኝ ክፍለ ጦር በ7ለ70 ብርጌድ የተሰጠ የአቋም መግለጫ ነው።

"…መግለጫው መጀመሪያ በጽሑፍ የደረሰኝ ሲሆን፣ እኔም ቪድዮ ይታከልበት፣ ማብራሪያም እፈልጋለሁ ባልኩት መሠረት የብርጌዱ አመራሮች ደውለው አግኝተውኝ ማብራሪያም ሰጥተውኛል።

"…7 ለ70 ብርጌድ የተለየው በጋዜጠኛ እስክንድር ነጋ ከሚመራው አዲሱ የአፋሕድ እንጂ ከዐማራ ፋኖ ሸዋ ጠቅላይ ግዛት ዕዝ እንዳልሆነ በቃል በሰጡኝ ማብራሪያ ላይ ገልጸውልኛል።

"…የብርጌዱ አመራሮች ተራ በተራ በሰጡኝ ቃል ላይ ይህንን መግለጫ የሰጡበትን ዋና ምክንያቶች 6 ነጥቦችን በማንሣት በዋናነት ግን "ችግራችንን በውይይትም ሆነ በንግግር መፍታት ከማንችልበት ደረጃ ላይ በመድረሳችን ምክንያት ነው ብለዋል።

"…አመራሮቹ በአጽንኦት አጥብቀው የነገሩኝ ነገር ቢኖር የሚዲያና የጋዜጠኞች ገለልተኛ የመሆን ጉዳይ እጅግ አሳሳቢ ደረጃ ላይ ስለመድረሱ ያነሱት ጉዳይ ነው። እኛ የምንሰጣቸውን መግለጫዎች ለራስ ፖለቲካ ጥቅም ማስፈጸሚያነት ማዋል ተገቢ አለመሆኑንም አበክረው አሳስበዋል።

"…የአራቱም ግዛት የፋኖ አድንደነት በአጭር ጊዜ ውስጥ ወደ አንድነት ይመጣ ዘንድ የራሳቸውን ድርሻ እንደሚወጡ የተናገሩት አመራሮቹ ይህ የሰጠነው መግለጫ ግን ከእስክንድር ድርጅት መውጣትና መለየታቸውን ብቻ በተመለከተ እንጂ አርበኛ መከታው ከሚመራው ከጠቅላይ ግዛቱ የፋኖ አደረጃጀት ስለመውጣታቸው እንዳልሆነ ደጋግመው አደራ ዘመዴ በማለት አሳስበውኛል። እኔም ይሄንኑ አደራቸውን ሳልቀንስ፣ ሳልጨምር እንደወረደ አቅርቤላችኋለሁ። ለመግለጫው እኔን የመምረጣቸውም ምስጢሩ የእኔን ባለማዕተብ መሆን በመተማመን መሆኑን ልብ ይሏል።

• ሙሉ ቪድዮው ይኸው። ሙሉ መግለጫውንም አብሬ እለጥፋለሁ።

• ይኸው ነው።