Abu_Muawiya_As_Selefy (Channle)

አሰላሙአለይኩም ወራህመቱላሂ ወበረካቱህ


https://t.me/+HPZ_SCW1UI0zYWY0

✅ የእህታችን መዲና ሞት አሳዛኝ የሚያደርገው ምንድነው ?

ክፍል ሁለት

እህታችን መዲና ህመሟ ወደ ሞት የተሳፈረችበት መጓጓዣ መሆኑን ስታውቅ ከልጆቿ ጋር የነበራትን ሁኔታ ቀየረች ። የመጀመሪያው ጠዋት ወጥቶ ወደ ተቀጠረበት ሱቅ ስለሚሄድ እቤት ብዙ አይገኝም ። ሁለቱ ልጆቿ አንዱ ወንድሞችን አስቸግሬ የአመት እንዲከፈልለት አድርጌ ሁለተኛውን ደግሞ ት/ቤቱን ስላለው ሁኔታ አስረድቼ እንዲቀበሉት አድርጌ እየተማሩ ነው ።
እነዚህ ልጆች ከእናታቸው ውጪ የሚያውቁት የለም ከት/ ቤት ሲመጡና በእረፍት ቀን ካጠገቧ ዞር አይሉዩም ።
እሷ አልጋ ላይ እነርሱ መሬት ላይ ሆነው ይተያያሉ ። እናት ለልጆቹ ተንሰፈሰፈ ሲባል የሷ አቻ የለውም ። የሆነ ሳአት ወጥተው ከተጫወቱ ይታጠቡ ልብስ ይቀየርላቸው ትላለች ። ቢያንስ በቀን ሁለቴ ታጥበው ልብስ ይቀየርላቸዋል ። በሳምንት ሁለቴ ገላቸው ይታጠባል ። ምግባቸው እሷ ሳታየው አይቀርብላቸውም ። የመጨረሻውዎቹ ሁለት ወሮች አካባቢ በልጆቿ ላይ ሁኔታዋን ቀየረች ።
ይህ የሆነው በሞት እንደምትለያቸው ስታውቅ ነበር ። አጠገቧ እንዳይቀመጡ ማድረግ ጀመረች ። ፊት ነሳቻቸው ታመናጭቃቸዋለች ። ይህን የምታደርገው ውስጧ እየተሰቃየ ስለያቸው እንዳይጎዱ ይጥሉኝ በሚል አሳዛኝ ውሳኔ ነው ። ምክንያቱ በማይገባቸውና በማያውቁት ሁኔታ የእናታቸው ሁኔታ የተቀየረባቸው ህፃናቱ ግን መሄጃ የላቸውምና ወደርሷው ነው የሚመለሱት ። ትስቅልን ይሆናል ታቅፈን ይሆናል በሚል ያዩዋታል ይቀርቡዋታል ይጠጉዋታል ። ሁኔታዋ ከእለት እለት እየተባባሰ ሁለመናዋ እየከዳት መጣ ። አይኗን መክፈት ያቅታት ጀመር ምላሷ በምትፈልገው መልኩ ማዘዝ አቃታት ። አጠገቧ ላሉ እህቶች እያቃሰተችና በተራ ተራ ፊደሎችን በትግል እያወጣች ለልጆቼ እናታችሁ አላህ ወስዷታል በሉዋቸው አለቻቸው ። መጨረሻ ላይ አላህ ሆይ ልጆቼን አደራ ብላ ከአላህ በኋላ የልጆቼን አደራ እኔን ለማዳን ለተሯሯጡ እህቶቼና ወንድሞቼ ሰጥቻለሁ ብላ በዱንያ ላይ ላታያቸው ትታቸው ወደ ማይቀረው አገር አኼራ ሄደች ።

ክፍል አንድን ለማግኘት
👇👇👇👇👇👇👇👇👇👇👇👇

https://t.me/bahruteka/5731

https://t.me/bahruteka

🔷 የእህታች መዲና ሞት አሳዛኝ የሚያደርገው ምንድነው ?
ክፍል አንድ

እህታችን መዲና ደምሴ ለሞቷ ሰበብ የሆነው የጡት ካንሰር እንደነበር እናውቃለን ። አላህ በሰው ልጆች ላይ የፃፈው ሞት ቅሮት የለውም ። ሳአቱን ጠብቆ ይመጣል ሰበብን ከሰበቡ ባለቤት ጋር እንዲገናኝ ያደረገው አላህ ለማንኛውም ሰው ሞት ሰበብ አድርጎለታል ። የእህታችንም ከዚህ የተለየ አልነበረም ።
ይሁን እንጂ ከሞት ሰበቦች ውስጥ አንዱ ህመም ነው ። የህመሙ አይነት በጣም ቢለያይም ሰዎች በተለያየ መልኩ ህመምተኛውን ከህመሙ እንዲድን ሰበብ ያደርሳሉ ። በሰበቡ እንዲድን አላህ የፈቀደው ይድናል ። አላህ በሰበቡ እንዲድን ያልፈቀደለትና ያ ህመም ለመሞቱ ሰበብ የሚሆነው በዛው ወደ አኼራ ይሄዳል ። ነገር ግን ሰበብ በማድረሱ ቤተሰብና ዘመድ ሰበብ አድርሰናል የአላህ ውሳኔ ነውና ምንም ማድረግ አንችልም ብሎ ይፅናናል ።
በጣም በሚገርም መልኩ ብዙ ቤተሰቦች ከቤተሰባቸው ሞት ይልቅ ሰበብ ባለማድረሳቸው ሁሌም ፀፀት ሆኖባቸው ይኖራሉ ።
ወደ እህታችን መዲና ስንመለስ በሽታዋ ካንሰር መሆኑ ከታወቀ በኋላ የሚቻለው ሁሉ ሰበብ ለማድረስ ሁሉም ተረባርቧል ። ቅስም የሚሰብረውና ውስጥን የሚያደማው ግን እህታችን የጡቷ ህመም ሲጀምራት ለመታየት ሐኪም ቤት ለመሄድ አቅም ማጣቷ ነው ።
እራሳቸውም ከህይወት ጋር ትግል ውስጥ ካሉት ወንድሞቿ አንዱን ጡቴን እያመመኝ ነው ሐኪም ቤት ለመታየት ትንሽ ሳንቲም ፈልግልኝ ብትለውም ወንድሟ ሊያገኝላት ባለመቻሉ ሳትታይ ትቀራለች ። የጡቷ ህመም ግን ስር እየሰደደ አቅሙን እያዳበረ ነበር ። አደጋው እያወቀችውና እየፈራችውም ግን ለማን ትንገር እህቶቿን ማስቸገር አልፈለገችም ከህመሟ ጋር ግብግብ ቀጥላ ቀናቶች ለሳምንታት ሳምንታት ለወራቶች ቦታ እየለቀቁ ህመሟ ከአቅሟ በላይ ሲሆን ለአንድ እህቷ ትናገራለች ። እህት ደንግጣና ፈርታ ወደ ሀኪም ቤት ይዛት ትሄዳለች ስትመረመር የፈራችው አልቀረም በጣም ዘገያችሁ ወደ ካንሰርነት ተቀይራል ተባሉ ። የዚህን ጊዜ ነበር ጉዳዩ ወደኛ የደረሰው እንደምታውቁት ብዙ እህትና ወንድሞች ርብርብ አድርገው የሚቻለው ሁሉ ህክምና ተደርጎላት ነበር ። መጀመሪያ ሐኪም ቤት ለመሄድ 500 ብር ያጣችው እህታችንን ህይወት ለመታደግ እስከ 800, 000 ወጥቷል ።
እህታችን መዲና አላህ በጀነት የምታርፍ ያድርጋት እንጂ ህይወቷ በፈተና የተሞላ ነበር ። ባለትዳርና የሶስት ልጆች እናት የነበረችው መዲና የትዳር አጓርዋ የሳንቲም ድህነት ብቻ ሳይሆን የሁሉም ነገር ነበር ማለት ይቻላል ። ብዙ ወንድሞች የተለያየ ከሸክም እስከ ሊስትሮ ከዘበኝነት እስከ ፅዳት ሰራተኝነት አነስተኛ ስራ እየሰሩ ቤተሰባቸውን ያስተዳድራሉ ። ይህ የሀላፊነት መሰማት ውጤት ነው ሀላፊነት የማይሰማው የሆነ አካል ችግር ሲመጣ ጥሎ ይጠፋል ። የመዲናም ባለቤት ከእነዚህ አንዱ ነበር ። በካንሰር ተይዛ ከካንሰሩ በላይ የልጆቿ ረሃብ በሽታ ሆኖ የሚያሰቃያትን ባለቤቱን ለመርዳት ከመጣር ይልቅ ጥሎ መሸሽ ነበር የመረጠው ። እናቱ ኬሞ ስትጀምር የሰውነቷ ፀጉር ሲረግፍ ያየው የመጀመሪያ ልጇ የ9 ጠኛ ክፍል ትምህርቱን ትቶ የእናቱን ሸክም ለመቀነስና ለማሳከም ሲል ሰው ቤት ተቀጠረ ። ‼
ይሁን እንጂ ይህ ውሳኔ በእናቱ ላይ ሌላ ሸክምና ህመም የሚጨምር ነበር ። ልጇ ከእድሜው በላይ ጫና ውስጥ ገብቶ ትምህርቱን ማቋረጡ ሌላ ህመም ሆነባት ። ህመሟ በወንድሞችና እህቶች እርዳታ ህክምና ጀምራ በተለይ ከውጭ ሀገር ይምጣ የተባለው መርፌ ከጀመረች በኋላ ተስፋ ሰጪ ሁኔታ ላይ የነበረ ሲሆን ከጊዜ ወደ ጊዜ ግን ሁኔታው አስከፊ መሆን ጀመረ ። ሁለቱ ልጆቿ እድሜያቸው ገና ሲሆን ሶስተኛው አምስት አመቱ አካባቢ ነው ። እነርሱን እያየች ስታለቅሰ አጠገቧ እየተቀመጠ ጡትሽ ስለተቆረጠ ነው ወይ የምታለቅሺው አይዞሽ ይበቅላል ይላታል ። የእነዚህ ልጆቿ ሁኔታ ፊት ለፊቷ እያዘገመ እየመጣ ካለው ሞት የበለጠ እንደውጋት ቀስፎ እየያዛት በአካልና የውስጥ ህመም ውስጥ ሆነች ። ከቀናት በፊት ባለቤቴ ልትጠይቃት ሄዳ ሳለች በእንባዋ ትራሷ ርሶ አየች ምን ብላ ልታፅናናት እንደምትችል ግራ ገብቷት እያለ ትንሹ ልጇ እናቴ አትሙችብኝ ብሎ ያቅፋታል ። ከብዙ መረባበሽ በኋላ አላህዬ ያንተን ውሰኔ እቀበላለሁ ግን ለእነዚህ ልጄቼ ብኖር ደስ ይለኝ ነበር ብላ የበለጠ ተረብሻ ባለቤቴም የሚያፅናናት ሲያስፈልጋት ትታ ወጣች ።

https://t.me/bahruteka

አሸይኽ አቡ ዘር አላህ ይጠብቃቸው
በኦን ላይን ሙሀደራ እያስተላለፉ ነው ጆይን በሉ
⤵️⤵️⤵️⤵️⤵️⤵️⤵️⤵️⤵️

https://t.me/adama_ahlusuna_weljemea?videochat
https://t.me/adama_ahlusuna_weljemea?videochat