🍂ተጨማሪ ጾም ነክ ህግጋቶች

🍃 በረመዷን ወቅት የሰለመ(እስልምናን የተቀበለ) ሠው ያመለጡትን የጾም ቀናት ቀዷ አያወጣም።ከፊቱ ያሉትን የረመዷን ቀናቶች ግን በጾም ያሳልፋል።


🍃በረመዷን ወቅት ከእስልምና የወጣ(ካፊር የሆነ-አሏህ ይጠብቀን) ተመልሶ ወደ እስልምና ከገባ በክህደት ዘመን ያመለጠውን ፆም ቀዷ ማውጣት ይኖርበታል(የመዛሂቦች ኺላፍ ሊኖር ይችላል)


🍃አንድ ሰው ከእስልምና ከወጣ(ከከፈረ) በኋላ ተመልሶ ሙስሊም ከሆነ ያመለጡትን ጾሞች ሁላ (ሶላትን ጨምሮ ) ቀዷ ያወጣል ወይስ አያወጣም በሚለው ላይ ሊቃውንቶች የሃሳብ ልዩነቶች ይታይባቸዋል። አብዛኛዎቹ የሃነፊያ፡ሻፊኢያ እና ሃናቢላ ኡለማኦች የጾሙን ቀዷ ያወጣል የሚል ብያኔ ሰጥተዋል።


🍃እድሜያቸው የገፋ አዛውንቶች በረመዷን ወቅት መብላት ይችላሉ።(ከቻልይ ሚስኪኖችን የሚያበሉ ወይም ዘመድ አዝማዶቻቸው የሚጾኑላቸው ይሆናል)

🍃አንድ ጾመኛ በረመዷን የመጀመሪያ ሌሊት ላይ ያሰባት ኒያ ለተቀሩት የጾም ቀናት ታብቃቃዋለች።ማለትም በአንድ ኒያ ሙሉውን ረመዷን መጾም ይችላል። በየጾሙ ኒያን ማደስ ተወዳጅ መሆኑ አይዘነጋም።


🍃ከረመዷን ውጪ ላሉ የሱና ጾሞች ከፈጅር በፊት መነየት መስፈርት አይደለም ። ጸሃይ ከወጣች በኋላ ሃሳቡን ቀይሮ ^ጾመኛ ነኝ ^ማለት ይችላል። ረሱላችን (ሶለላሁ አለይሂ ወሰለም) በቤታቸው ምግብ በማይኖርበት ግዜ በቀኑ ክ/ግዜ ጾምን ይነይቱ ነበር።

🍃ምንም ማፍጠሪያ ያላገኘ ጾመኛ በልቡ መብላትን ይነይታል(ያስባል) እንጂ አንዳንድ ሰዎች እንደሚያደርጉት ጣቱን አይጥባ፡ምራቁንም አጠራቅሞ አይዋጥ (ኢብኑ ኡሰይሚን-ረሂመሁሏህ)

🍃ረሱላችን (ሶለላሁ አለይሂ ወሰለም) በሚያፈጥሩበት ወቅት ተከታዩን ዚክር ይሉ ነበር፡

ذهب الظمأ وابتلت العروق وثبت الأجر إن شاء الله
ጥማት ተወገደ ፡ ጅማቶችም ረጠቡ። ምንዳም በአሏህ ፍቃድ ተረጋገጠች።



🍃ሌሊት ላይ ሱሁርን መብላት ግዴታ ያልሆነ ተወዳጅ ሱና ነው።ሱሁርን መብላት ለጾመኛው በረካ እንደሆነ ረሱላችን( ሶለላሁ አለይሂ ወሰለም) በሃዲሳቸው አስተምረውናል) ።

🍃ሱሁርን ወደ ሌሊት ማገባደጃ(ፈጅር) አረፋፍዶ መብላት ሱና ሲሆን አህለል ኪታቦችን የሚጻረር ተግባር ስለሆነ እጅግ ተወዳጅ ሱና ነው።

🍃አንዳንድ ኡለማኦች እንደሚሉት - እጃችን ላይ የሚጠጣ ውሃ ይዘን ሳለ አዛን ካለብን የያዝናትን መጠጣት እንችላለን😊።(ፈትህ ዚል ጀላሊ ወል ኢክራም)