WAL FAANA DUUNA

Akka asheeta boqqolloo
sinsinniidhaaf si nyaadhuu?
Akka daa'ima xiqqoo
achii ol fuudhee si baadhuu??

Bakka bu'aa kee ta'ee
waan hundumaa siif ta'uu?
Miidhama kee haaloo ba'uuf
Isa si dha'ee dha'uu?

Billaa siif qarametti darbee
morma Koo laadhuu?
Yo duuti si waamtellee
siin dhoksee ofii owwaadhuu?

Boolla siif qotametti
ofii kootii awwaalamuu??
Maqaa abbaan koo naaf baase
dhiisee keetiin waamamuu??

Sin jaalladha siin jedhee
afaaniin wacuu dhiisee
Bareechee si dhungadhuu
gidduu harma keetii ciisee?

Moo si taphachiisu baadhee
ofirra naannessee
Naaf kokkolfita mitii
gidduu Luka Koo teessee?

Dheebuu jaalala kootii
budduqsee sirraa dhuguu?
Yooti narkatti laaftes bakka
kee bu'ee muguu?

Qaama kee hundarra fiigee
ichimee siif sukkuumuu?
Jaalala keetiin baqee
akka shaamaa gad dhumuu?

Qaama keetti maxxansee
foon Koo foon kee taasisuu?
Illim godhee si fuudhee
warra keessan naasisuu?

MOO...

Jaalalumaan jiraanna
waadaa walii kabajnee?
Warra nu inaafurraa
gurra keenya qabannee.

Suutuma jennee suutaan
karoorsinee wal fuuna
Amm waadaa walii galla
du'as wal faana duuna.

SHARE➬ @debela_etana
SHARE➬ @debela_etana