Waloo Debela Etana

Siif na haa dhukkubu
Fedhus na haa ajjeesu
Na jibbiteef jedhee
Si jalachuun dhiisu

Sin jaaladha jedhee
Na jibbuu keen aadu
Jaalalti kennuu malee
Deebii hin barbaadu

Osoo ta'ee toluyyuu
Jaalalli gama lachuun
Deebii keetii miti
Anaatif gammachuun

Duuba  na jibbituu
Si jaalachuun dhiisu
Isa gammachuun koo
Osuma na dhiphisuu

✍️Debela etana
𝚓𝚘𝚒𝚗 𝚘𝚞𝚛 𝚌𝚑𝚊𝚗𝚗𝚎𝚕
𝚏𝚘𝚛 𝚖𝚘𝚛𝚎 𝚙𝚘𝚎𝚖'𝚜
༆༆༆༆༆༆༆༆༆༆༆
➪    @debela_etana
➪    @debela_etana
e𝚍𝚞𝚌𝚊𝚝𝚒𝚘𝚗&𝚏𝚞𝚗𝚗𝚢
༆༆༆༆༆༆༆༆༆༆༆
👍    ❤      🗨️       ♂️
ˡⁱᵏᵉ  ʳᵉᵃᶜᵗ ᶜᵒᵐᵐᵉⁿᵗ ˢʰᵃʳᵉ

JANNATA ARGE

Gaafas argeen ture
qananii manichaa
Akkaan ilaaleera
gammachuu gamichaa

Hedduu nama hawwata
urgooftuun achirraa
Namas komachiisa
jireenya dachiirraa

Gaafas;

Gorora kee dhamdhamuuf
sitti na rarraasise
Hidhii keetti of fannisuu
akkaan na dharraasise

Gaafas;

Nadhii sirraa utuun dhuguu
yaadakoon samii uree
Dhungoo afaan kee keessatti
jannatayyuu argeen ture.

✍️ Wada Getachew
𝚓𝚘𝚒𝚗 𝚘𝚞𝚛 𝚌𝚑𝚊𝚗𝚗𝚎𝚕
𝚏𝚘𝚛 𝚖𝚘𝚛𝚎 𝚙𝚘𝚎𝚖'𝚜
༆༆༆༆༆༆༆༆༆༆༆
➪    @debela_etana
➪    @debela_etana
e𝚍𝚞𝚌𝚊𝚝𝚒𝚘𝚗&𝚏𝚞𝚗𝚗𝚢
༆༆༆༆༆༆༆༆༆༆༆
👍    ❤      🗨️       ♂️
ˡⁱᵏᵉ  ʳᵉᵃᶜᵗ ᶜᵒᵐᵐᵉⁿᵗ ˢʰᵃʳᵉ

Na jaallatta, anatti aanta.
Naaf obsita, naaf dhossita.
Suuta jettee na gorsita.

Na gargaarta, ofitti qabdee
Iccitii koo diidatti baastee
yoom lallabde!

Jettee fi jechaan, na tuttuqxee
nan waraantu
fuula guurtees na ifattee,
narraa in siiqxu

Jaalataakoo abbaa sirrii,
Hunda caalu
Waa’ela koo, warraa fi firrii,
Sin madaalu!

✍️Debela etana
𝚓𝚘𝚒𝚗 𝚘𝚞𝚛 𝚌𝚑𝚊𝚗𝚗𝚎𝚕
𝚏𝚘𝚛 𝚖𝚘𝚛𝚎 𝚙𝚘𝚎𝚖'𝚜
༆༆༆༆༆༆༆༆༆༆༆
➪    @debela_etana
➪    @debela_etana
e𝚍𝚞𝚌𝚊𝚝𝚒𝚘𝚗&𝚏𝚞𝚗𝚗𝚢
༆༆༆༆༆༆༆༆༆༆༆
👍    ❤      🗨️       ♂️
ˡⁱᵏᵉ  ʳᵉᵃᶜᵗ ᶜᵒᵐᵐᵉⁿᵗ ˢʰᵃʳᵉ

Guys kana boodaa guyyaa dilbata irraan kan hafe guyyaa hunda sa'a 11:00 irratti walaloo tokko tokko isiniif gadhiisuuf qophii xumurree jirra waan taheef isin active taha nu eegaa jechaa react gochuu immoo hin dagatiinaa.


REACT NOW

Ani...
Akka lukkuu lafa hin haadhu
Akka risaattan barrisa
Samii keessas lafa gubbaas
Hunduu banaadha karrisaa

Filannoo kooti hundumtuu
Lafa haadhuun samii keessi
Maarree ofiikootiifimmoo
Gurri koo hamaa dhageessii

Gad deebi'ee hin funaanu
Kosii keessaa raammoof raqa
Samii gubbaatti ol ba'een
Bakka miidhagaa san dhaqa

Kosii keessi naaf hin malu
An hin fedhu raammoo nyaachuu
Ol fagaadheen balali'a
Hin fedhu dacheerra kaachuu

Haalaaf wanta darbu laalee
Daandii kiyyarraa hin maqu
Dudduuba koo hin ilaalu
Bakka naaf hin malle hin dhaqu

Kaayyoo kiyya hin liqeessu
Addunyaa fakkeessituudhaaf
Duuka bu'ee harka hin reebu
Waan hunda akkeessituudhaaf

✍️Debela etana
𝚓𝚘𝚒𝚗 𝚘𝚞𝚛 𝚌𝚑𝚊𝚗𝚗𝚎𝚕
𝚏𝚘𝚛 𝚖𝚘𝚛𝚎 𝚙𝚘𝚎𝚖'𝚜
༆༆༆༆༆༆༆༆༆༆༆
➪    @debela_etana
➪    @debela_etana
e𝚍𝚞𝚌𝚊𝚝𝚒𝚘𝚗&𝚏𝚞𝚗𝚗𝚢
༆༆༆༆༆༆༆༆༆༆༆
👍    ❤      🗨️       ♂️
ˡⁱᵏᵉ  ʳᵉᵃᶜᵗ ᶜᵒᵐᵐᵉⁿᵗ ˢʰᵃʳᵉ

• BORU AKKA HIN GAABBINE

Abdiin jira bor guddatee firii kenna
Har'a garuu hin guddattu ittiin jenna
Inni beeka ka'umsasaa
Tolfateera ga'umsasaa

Nuti garuu biqiltucha gad cabsina
Firii hin laattuu oduu gaddaa itti labsina
Hin guddattu gogdee badda
Bu'aa maaltu sirraa madda

Habaaboo guddachaa jiru
Wal gargaarree daboon ciruu
Hamma hongeen sitti dhufa
Jirmi kees dadhabee kufa

Akkas jennee gogsuuf yaalla
Akka ta'uu qabuun faallaa
Kunuunsuu akka qabnu haalla
Gogsuudhaaf karaa ilaalla

Garuu inni hundee cimaa
Akka qabu hundatti hima
Jecha keenyaaf bakka hin laatu
Kuufatee qaba waan nyaatu

lnni garuu of hin shakku
Akka kennu bu'aa lakkuu
Albuuda gaarii yaabbatee
Hundeensaa cimee dhaabbate

Hongee dhufus damdamachaa
Boru laachuuf firii dachaa
Qophii hundaa xumureera
Dagaaguuf garaa mureera

Kanaaf nuti
Kan haamilee gad cabsine
Badii irratti labsinee
Gaabbii boru nu eeggatu
Namni hunduu haa beekkatu

Kunuunsinee guddisuudhaaf
Aramaa irraa buqqisuudhaaf
Dirqamni utuu nurra jiruu
Isa jigii yaane ciruu

Bor gaabbiidhaan quba nyaachaa
Firii habaabichaa baachaa
Yeroo jiraannu lafarra
Hammeenya keenya safarra

Kanaaf
Bor gaabbiin akka nu hin waadne
Kunuunsuudhaaf har'a yaadnee
Haamileedhaan haa guddisnu
Aramaa irraa haa buqqisnu

✍️Debela etana
𝚓𝚘𝚒𝚗 𝚘𝚞𝚛 𝚌𝚑𝚊𝚗𝚗𝚎𝚕
𝚏𝚘𝚛 𝚖𝚘𝚛𝚎 𝚙𝚘𝚎𝚖'𝚜
༆༆༆༆༆༆༆༆༆༆༆
➪    @debela_etana
➪    @debela_etana
e𝚍𝚞𝚌𝚊𝚝𝚒𝚘𝚗&𝚏𝚞𝚗𝚗𝚢
༆༆༆༆༆༆༆༆༆༆༆
👍    ❤      🗨️       ♂️
ˡⁱᵏᵉ  ʳᵉᵃᶜᵗ ᶜᵒᵐᵐᵉⁿᵗ ˢʰᵃʳᵉ

Asirratti dhangaa walaloo barsiisoo fi bashannansiisoo ta'an waliin unachaa akkasumas barreeffamoota adda addaa waliif qoodaa waliin imalla.
Hiriyoota keessan affeeraa nu waliin ta'aa!
IMALA GAARII NUUF HAA TA'U🙏

Share➬ @debela_etana
Share➬ @debela_etana

DU'UMAN TUFFADHE 

Jaatanii jireenya koof 
Utuun daandiirra jooruu,
Fudhadhee manaa ba'ee 
Qalbii kiyya isa booruu,

Gaaf tokko xiiqeffadhee,
Ija koo diimeffadhee,
Onnee koo bokokfadhee,
Sodaa kiyya dhokfadhee,

Gootomee leenca ta'ee,
Obboroon manaa ba'e.
Baroodee sodaa dhoraa, 
Booree ofitti horaa,

Utuun ganda sodaa 
Keessa darbaa jiruu,
Sodaan dur yaada koo 
Bakka lamatti hiru, 

Karaarraa na waamee 
Sin sodaadhe jedhee,
Ergaa natti dhaame. 
Sodaan dur sodaadhu 
Har'a na sodaatee, 
Onneen koo gootomtee 
Ittuu goota taate.

Sodaan sodaachise.
Sodaa koon baachise.
Gootummaa koon caalee
Mirga sodaas sarbee,
Ganda sodaa keessa 
Sodaa kaa'een darbe. 

Achii utuun fiiguu 
Jabina uffadhee, 
Daandii koorratti argee 
Du'as nan tuffadhe.

Du'a goota ajjeesuun 
Maal na goota jedhee, 
Fuuldurasaa ijaajjeen
Dhaadadhee akkan fedhe. 

Du'a sodaatamaa 
Du'uman tuffadhe.
Goota daangaa darbe 
Sibiilan uffadhe. 

✍️Debela etana
𝚓𝚘𝚒𝚗 𝚘𝚞𝚛 𝚌𝚑𝚊𝚗𝚗𝚎𝚕
𝚏𝚘𝚛 𝚖𝚘𝚛𝚎 𝚙𝚘𝚎𝚖'𝚜
༆༆༆༆༆༆༆༆༆༆༆
➪    @debela_etana
➪    @debela_etana
e𝚍𝚞𝚌𝚊𝚝𝚒𝚘𝚗&𝚏𝚞𝚗𝚗𝚢
༆༆༆༆༆༆༆༆༆༆༆
👍    ❤      🗨️       ♂️
ˡⁱᵏᵉ  ʳᵉᵃᶜᵗ ᶜᵒᵐᵐᵉⁿᵗ ˢʰᵃʳᵉ