✍️በአሁኑ ወቅት በማህበራዊ ሚዲያ በተለይም በቲክቶክ (TikTok) መድረክ ላይ የሚታየው አካሄድ እጅግ አሳሳቢ እና ከዲን ስነ-ምግባር ያፈነገጠ እየሆነ መጥቷል። ሰዎችን ወደ መልካም ከመጥራት እና በለዘበ አንደበት ከማረም ይልቅ፣ የሰዎችን ጥቃቅን ስህተት እየመዘዙ ከሱና ማስወጣት (ተብዲዕ)፣ ስም ማጥፋት እና ማሸማቀቅ የተለመደ ይዘት (Content) ሆኗል።
ስህተትን ማረም እና ሱናን መጠበቅ አስፈላጊ ቢሆንም፣ ሂደቱ ከግለሰባዊ ፍላጎት፣ ከስሜታዊነት እና ማህበራዊ ሚዲያ ከሚፈጥረው የትዕይንት ፉክክር የጸዳ መሆን አለበት። ሰዎችን ማዳን የሚቻለው በማቀፍ እና በማስተማር እንጂ በማሸማቀቅ እና በማግለል አይደለም።