በዋና ሥራ አስፈጻሚያችን ፍሬህይወት ታምሩ የተመራ የኩባንያችን የሥራ አመራር ከባህር ዳር ከተማ መስተዳድር ከንቲባ እና ኃላፊዎች ጋር በጋራ በከተማዋ እየተከናወኑ የሚገኙ የልማት እንቅስቃሴዎች ተዘዋውረው ጎበኙ፡፡

በዚህም ወቅት ዋና ሥራ አስፈጻሚያችን በባህር ዳር ከተማ እየተከናወነ ያለውን የኮሪደር ልማት ፕሮጀክት የጎበኙ ሲሆን ፕሮጀክቱ ከእቅድ እና ዲዛይን ጀምሮ ከኩባንያችን ጋር በቅንጅት እየተተገበረ መሆኑን አድንቀዋል፡፡

ዋና ሥራ አስፈጻሚያችን አክለውም ኩባንያችን ከመስተዳድሩ ጋር በቅርበት በመስራት የቴሌኮም መሰረተ ልማቶችን በጥንቃቄ እያዘዋወረ መሆኑን በመግለጽ የሚነሱ የቴሌኮም መስመሮች ደረጃውን በጠበቀ ሁኔታ በፋይበር የማዘመን ሥራ እየተከናወነ እንደሚገኝ አብራርተዋል፡፡

በከተማዋ የሚከናወኑ የ5ጂ ሞባይል ኔትወርክ፣ ስማርት ሲቲ እና ሌሎች የልማት ፕሮጀክቶች የባህር ዳር ከተማን ለኢንቨስትመንት፣ ቱሪዝም እና ለነዋሪዎቿ ምቹ እና ተመራጭ በማድረግ ዓለም አቀፍ ተወዳዳሪነት ለመጨመር እንደሚያስችል አጽንኦት ተሰጥቷል፡፡

ኩባንያችን የከተማዋን ዲጂታላይዜሽን የሚያፋጥኑ የ5ኛው ትውልድ የሞባይል ኔትወርክ ጅማሮን ማብሰሩ እንዲሁም የስማርት ሲቲ ፕሮጀክት ተግባራዊ ለማድረግ የሚያስችል የመግባቢያ ስምምነት ከመስተዳድሩ ጋር መፈራረሙ ይታወቃል፡፡

#ዲጂታልኢትዮጵያን_ዕውን_በማድረግ_ላይ

#GSMA #ITU #WorldBank #OECD #AMECO #BahirDarcityadministration