የኢንዱስትሪ ሚኒስትር አቶ መላኩ አለበል የኢትዮጵያ ታምርት ሀገር አቀፍ ንቅናቄ ወደ ስራ ከገባ ጀምሮ በተለያየ ምክንያት ስራ አቁመው የነበሩ ከ625 በላይ ኢንዱስትሪዎች ወደ ስራ እንዲመለሱ መደረጉን ገለፁ።

የመጀመሪያው ግማሽ ዓመት የኢትዮጵያ ታምርት ንቅናቄ የእቅድ አፈፃፀም የስትሪንግ ኮሚቴ የውይይት መድረክ ተካሄደ።

የአምራች ኢንዲስትሪዎች የማምረት አጠቃቀም 46 በመቶ የነበረ መሆኑን የጠቀሱት አቶ መላኩ ንቅናቄው ከተጀመረ አንስቶ እስከ አሁን ያለንበት ደረጃ በአማካይ የማምረት አጠቃቀም ወደ 61 በመቶ ደርሷል ብለዋል፡፡

ንቅናቄው ለአምራች ኢንዱስትሪ ዘርፉ  ከላይ እስከታች ያለው የመንግስት የበላይ አመራሩን ትኩረት እንዲያገኝና በዘርፉ ችግሮች ዙሪያ ተከታታይነት ያለው ውይይት በማድረግ ለችግሮቹ የመፍትሔ ባለቤት በመሆን በጋራ መስራት በመቻሉ የማምረት አቅም አጠቃቀም፣ ገቢ ምርቶችን በሀገር ውስጥ ምርቶች መተካት፣ በራስ ምርት የመኩራትና የመጠቀም ባህላችን እየተሻሻለ መምጣቱን ጠቅሰዋል።

በውይይት መርሃ ግብሩ የሁሉም ክልሎችና ከተማ አስተዳደሮች የኢትዮጵያ ታምርት ንቅናቄ አፈፃፀም መቅረቡን የኢንዱስትሪ ሚኒስቴር መረጃ ያመለክታል።