በሴት አንቀጽ የተቀመጠው ለወንዶችም ተፈጻሚነት አለው።
📌በሀራችን ሁለት ትዳር መመስረት ለየትኛው ተጋቢ በሕግ የተከለከለና በወንጀል ጭምር የሚያስቀጣ ነው።
የኢፌዲሪ የወንጀል ሕግ አንቀጽ 650 /1/

ማንም ሰው አስቀድሞ በሕግ በጸና ጋብቻ ታስሮ ሳለ ይኸው ጋብቻ ከመፍረሱ ወይም ከመሻሩ በፊት ሌላ ጋብቻ የፈፀመ እንደሆነ፤በቀላል እሥራት፣ ወይም ነገሩ ከባድ ሲሆን በተለይም ጥፋተኛው የራሱን እውነተኛ ሁኔታ በመሰወር ከርሱ ጋር ሁለተኛውን ጋብቻ የፈጸመውን ሰው አውቆ ያሳሳተ እንደሆነ፤ ከአምስት ዓመት በማይበልጥ ጽኑ እሥራት ይቀጣል።

ነገር ግን
📌 ትዳሩ በሕግ አግባብ ፍቺ ሳይፈጸምበት ወይም ሳይሻር እንደጸና እያለ ባልየው ቢሞት በንብረት ክፍፍል ረገድ የሁለት ሚስቶች ዕጣ ፈንታ ምን ይሆናል? የሚለው አከራካሪ ነጥብ ነው።
📌 በሕግ አግባብ ከሁለት የአንደኛቸው ሚስቶች ትዳር እስካልፈረሰ ወይም እስካልተሻረ ድረስ በባልየው መሞት ምክንያት ትዳሩ የፈረሰ እንደሆነ ሁለቱም ሚስቶች ከትዳሩ በተፈሩት ንብረቶች ላይ እኩል መብት ይኖራቸዋል።
📌 ከትዳሩ በተገኙ ንብረቶች ላይ እኩል ድርሻ ሊኖራቸው የሚችለው ክርክር የሚደረግበት ንብረት በፈጸሙት ጋብቻ ወቅት የተገኘ እንደሆነ ብቻ ነው።
📌 ለምሳሌ 2ኛዋ ሚስት ከሟች ጋር ጋብቻዋን የፈጸመችው ከ2005 ዓ.ም ላይ የነበረ ከሆነ እና ክርክር የሚነሳበት ቤት የተሰራው ሟች ከመጀመሪያ ሚስቱ ጋር በ1989 ዓ.ም ሲጋቡ የሰሩት ቤት እንደሆነ 2ኛዋ ሚስት ከሟች ጋር ልጅ ያላቸው ካልሆነ በቀር በፈጸመችው ጋብቻ ወቅት ላልተፈጠረ ንብረት ምናልባት ከጋብቻዋ በኋላ በቤቱ ላይ ዓይነተኛ ለውጥ ከሌለ በስተቀር ድርሻዬ ብላ ልጠይቅ አትችልም።