Etv Afaan Oromoo

Mariin Sirna nyaataa itti fufiinsa qabu irratti xiyyeeffate sadarkaa Ardiitti Finfinneetti ni taa’ama
***********************
Waltajjiin marii ol’aanaan raawwii sagantaa sirna nyaataa (FSRP) itti fufiinsa qabu irratti mari’atu Gurraandhala 25, bara 2017 eegalee Finfinneetti akka adeemsifamu himame.

Waltajjii marii kana Baankii Addunyaa, Komishiinii Gamtaa Afrikaa, IGAD fi Giddugaleessa Qindeessaa Qorannoo fi Misooma Qonnaa Afrikaa Kibbaatu (CCARDESA) waliin ta’uudhaan qopheesse jedhameera.

Waltajjiin marii ol’aanaa kun, raawwii sagantaa sirna nyaataa naannoowwan Afrikaa Bahaa fi Kibbaatti deeggarsa maallaqaa Baankii Addunyaatiin hojjetamaa jiru irratti akka xiyyeeffatu, odeeffannoo IGAD irraa argate waabeffachuudhaan kan gabaase Tajaajila Oduu Itoophiyaati.

Obbo Awwaluu Abdii Godina Shawaa Kaabaatti misooma Qamadii dargaggoonni waldaadhaan gurmaahanii jallisiin misoomsaa jiran daawwatan.
**********************************
Itti aanaan Pirezidaantii Mootummaa Naannoo Oromiyaa Obbo Awwaluu Abdii Godina Shawaa Kaabaa Aanaa Sulultaatti, misooma Qamadii dargaggoonni waldaadhaan gurmaahanii jallisiin misoomsaa jiran daawwataniiru.

Kana malees, hojiiwwan misooma jallisii, misooma Qurxummii fi hojiiwwan dameewwan qonnaa garaa garaatiin hojjetamaa jiranis daawwachuu isaanii, odeeffannoon Waajjira Pirezidaantii Mootummaa Naannoo Oromiyaatii argame ni mul’isa.

Hoggantoonni fi miseensonni Mana Marii Waliinii Paartilee Siyaasaa Giddugala Konveenshinii Idil-addunyaa Addis daawwatan
*********************************
Hoggantoonni fi miseensonni Mana Marii Waliinii paartilee siyaasaa fi bakka bu’oonni waldaalee siivikii adda addaa Giddugala Konveenshinii Idil-addunyaa Addis daawwataniiru.

Hoggantoonni mana marii waliinii paartilee siyaasaa, giddugalichi sadarkaa Itoophiyaadhaaf maluun ijaaramuu isaatti baayyee gammaduu isaanii dubbatan.

Daawwannaa isaanii Kanaan, pirojeektota akkanaa maqaa gaarii biyyattii gabbisan irratti mootummaa waliin hojjechuun kan itti fufan ta’uus himan.

Muummeen Ministiraa Abiyyi Ahimad (Dr.), giddugala Konveenshinii Idil Addunyaa Addis yeroo eebbisan lammiileen Itoophiyaa giddugalicha akka daawwatan affeeruun isaanii ni yaadatama.

"Giddugalli Konveenshinii Idil-Addunyaa Addis, Magaalaa keenyaafis ta’ee biyya keenyaaf carraa guddaa kan uumuudha; ijaarsa maqaa gaarii biyyaa fi tuuristoota hawwachuuf gahee guddaa qaba”
Kantibaa Adaanach Abeebee

Muummen Ministiraa Abiyyi Ahimad(Dr.) Giddugala Konveenshinii idil-addunyaa Addis (Addis International Convention Center) eebbisan

Eebba

“Injifannoon Adwaa Faajjii gurraachotaa walqixxummaa namoomaa dhugoomsedha” – Obbo Shimallis Abdiisaa
*******************
Pirezidaantiin Naannoo Oromiyaa Obbo Shimallis Abdiisaa guyyaa inifannoo Adwaa 129ffaa ilaalchisuun ergaa dabrsnii jiru. Ergaan isaanii guutuun akka armaani gadiitti dhiyaata:-

Dhalli namaa birmadummaa guutuu gonfachuuf wareegama kaffala; Kan walqixxummaatti hin amanne ammoo kan biraa garboomsuuf yaaluu seenaan darbe ni mul’isa. Taateen waltajjii marii konfiraansii Baarlin Afrikaanota qircachuuf taa’ame madaala namoomaa kan diige garaa garummaa ilma namaa jidduutti kan bu’uureesse ture.

Mirmaduufi Garba akkasumas warra boodatti hafoo fi qarooman jechuun ilmaan namaa gargar qoode.

Ergaa PMO Obbo Shimallis Abdiisaa