አክሲዮኖችን ወደ ኤሌክትሮኒክ ቅርጽ በመቀየር/Dematerialize በማድረግ በህግ ስልጣን በተሰጠው ማእከላዊ የአክሲዮን አስቀማጭ/Central Securities Depository ማስቀመጥን በተመለከተ በኢትዮጵያ ካፒታል ገበያ ባለስልጣን ያወጣው መመሪያ ጸድቆ ስራ ላይ ውሏል።

በእዚህ መመሪያ መሠረት ከእዚህ ቀደም ለህዝብ ተሽጠው በወረቀት ሰርተፊኬት ማስረጃ የተሰጠባቸው አክሲዮኖች በኤሌክትሮኒክስ ቅርጽ ተቀይረው በማእከል ይቀመጣሉ። አክሲዮኖች በማእከል መቀመጣቸው ባለአክሲዮኖች ያለ ብዙ ውጣውረድ እርስ በእርስ እንዲሻሻጡ እድልን ይፈጥራል።፣ ግብይቱ ስርዐት ይይዛል።

አክሲዮኖች በህግ በተቀመጠ ቀነ-ገደብ ከሻጭ ወደ ገዢ በፍጥነት ይዘወራሉ፣ ሻጭም በእዚህ ቀነ-ገደብ ክፍያውን ያገኛል። በአክሲዮን ግብይት ውስጥ ማን ለማን ይሽጥ በማለት ጣልቃ የሚገቡ አካላት አይኖሩም (አክሲዮኑን የሸጠው ተቋም የትኛው አክሲዮን ለማን መሸጥ እንዳለበት የመወሰን ስልጣን አይኖረውም)።

ከእንግዲህ የተቋማትን አክሲዮን ለሚፈልጉትና ለመረጡት ቡድን ብቻ መሸጥ የሚችሉበት ዘመን አክትሟል። ባለአክሲዮኖች በአክሲዮን ብሮከሮች አማካይነት ለማያውቁት ሰው አክሲዮን የሚሸጡበት ዘመን መጥቷል። ሻጭና ገዥ በማንነት ሳይሆን በገበያ ዋጋ ላይ የተመሰረት የአክሲዮን ሽያጭ ይፈጽማሉ።

ከእነዚህም ባሻገር መመሪያው አክሲዮኖች የህገወጥ መንገድ የተገኘ ገንዘብ መደበቂያ እንዳይሆኑ ተቋማት ሊከተሏቸው ስለሚገቡ የማንነት ማጣሪያዎች /Due Diligence/ ግልጽ ትንታኔን አስቀምጧል።

An interesting time awaits Ethiopian shareholders and corporations.