ኮማንደር አትሌት ስለሺ ስህን የኢትዮጵያ አትሌቲክስ ፌዴሬሽን ፕሬዝዳንት ሆነ

አትሌት ስለሺ የኢትዮጵያ አትሌቲክስ ፌዴሬሽን ፕሬዝደንት ሆኖ የተመረጠው ፌዴሬሽኑ ባደረገው 28ኛ መደበኛ ጠቅላላ ጉባዔው ላይ ነው።

በዚህም አትሌት ስለሽ ለቀጣይ 4 ዓመታት ፌደሬሽኑን በፕሬዝዳንትነት የሚመራ ይሆናል።

በምርጫው፣ ከስድስት ክልሎችና ከተማ አስተዳደሮች የቀረቡ ዕጩዎች ተሳትፈዋል ተብሏል።

አትሌት ገ/እግዜአብሄ ገ/ማሪያም፣ አቶ ዱቤ ጅሎ ፣ ወ/ሮ ሪሳል ኦፒዮ፣ ኮማንደር ግርማ ዳባ እና አቶ ያየ ሀዲስ በምርጫው ተወዳዳሪ ነበሩ።

አትሌት ስለሺ ስህን በምርጫው የተመረጠው ከኦሮሚያ ክልል ተወከሎ በመወዳደር ነው።

አትሌቱ የኢትዮጵያ አትሌቶች ማህበር ፕሬዚዳንት በመሆን ማገልገሉ ይታወቃል።

ያለፉትን 4 ዓመታት የኢትዮጵያ አትሌቲክስ ፌዴሬሽንን በፕሬዝደንትነት ለመራቸው ረዳት ኮሚሽነር ደራርቱ ቱሉ ሽልማት ተበርክቶላታል።

ከሸገር 102.1