( ያልጸደቀው ጻድቅ)

ከመስቀሉ ጀርባ
እልፍ አእላፍ ወከባ
ይታየኛል
በጣር ትግል መስቀል ኋላ የሚታትር
የሚታደም ህይወት ከፍሎ ከትያትር
ባልከፈለው ዋጋ ድነት ተከናንቦ
ጀነትን በስራ የሚል ትግል ስቦ
ይታየኛል
ወረድ ብሎ ከዳገቱ
ከጎልጎታ መስቀል ጀርባ
በህግጋት የሚሳፈር
ብኩን ተጓዢ ባለጀልባ
ላይደርስበት መሬት የብሱን
የሚቀዝፍ ውቅያኖሱን።
ይታየኛል
በፈራራሽ በሽክላ ገል
ከብረት ጋር የሚታገል።
ጀርባ ሰጥተው ለመስቀሉ
ለመፅደቄ ደሜ ይፍሰስ ብለው ያሉ
ይታዩኛል ያልገረጡ ወይ ያልሰቡ
ከፅድቅ ደጅ እምነት ይዘው ያልቀረቡ።

ለመኖር ያልኖሩ የታገሉ ለሞት
ከህይወት ሚዛን ላይ አይጭሩም አግራሞት
ክርስቶስን ትቶ ፅድቅ የለም በጥረት
ከመስቀሉ ጀርባ በሚታየው ትርኢት
የፅድቅ መቋጫ የፅድቅ መባቻ
መፍትሔው እምነት ብቻ።


(እንግዳዬሁ ዘሪቱ)

ግጥሜን  ለኢየሱስ
   💙እወዳቸዋለ💙
---------------------------------------------------------
SHARE
@gitim_alem            @gitim_alem
--------------------------------------------------------
SHARE
   Contact me  @abu_ND8