👂 #ምን_ተሰማ⁉️ 👂

ከቀናት በፊት በስፔን ቫሌንሲያ ግዛት ባጋጠመ ድንገተኛ የጎርፍ አደጋ ከ214 በላይ ዜጎች ህይወታቸውን ያጡ ሲሆን በርካቶች ደግሞ በአደጋው ቀያቸውን እንዲለቁ ተገደዋል።

ከማዝናናት ባለፈ ለተለያዩ ማኅበራዊ ጉዳዮች አለሁ የሚለው እግርኳስም በዚህ ሳምንት ከአደጋው ጋር በተያያዘ ያስመለከተን ነገር ልብን የሚያሞቅ ነው።

በስፔን ሴጉንዳ ዲቪዚዮን ሌቫንቴ ኤልቼን ባስተናገደበት መርሐ-ግብር "እንቁራሪቶቹ" የሚል ቅፅል ስም ያላቸው ሌቫንቴዎች በጨዋታው ለብሰውት ወደ ሜዳ የገቡት መለያ ሙገሳ እንዲቸራቸው አድርጓል። በዚህም ሁሉም ተጫዋቾች በከተማው የደረሰውን የጎርፍ አደጋ በማሰብ ጭቃ የተለወሰ እንዲሁም ከወገኖቻቸው ጎን መሆናቸውን የሚያሳይ ማሊያ ለብሰው ወደ ሜዳ ገብተዋል። ማሊያዎቹም በጨረታ ተሸጠው ድጋፍ ለሚሹ የአደጋው ተጠቂዎች እንዲውሉ ተደርጓል።

@goferesportswear