☀ሁዳ መልቲሚዲያ |HUDA MULTIMEDIA

እኔም እፎይ ነኝ ማለት ምን ማለት ነው?
---------------------
አንድ በስርቆት ሀገር ያስፈታ ሌባ ተይዞ ለፍርድ ሊቀርብ ሲል ጉዳዩን ያልተረዱ ጥቂቶች "ንፁሁን ሰው ሌባ ብለው ሊፈርዱበት ነው!" ብለው ወሬ በመንዛታቸው "ሀገሬው እኔም ሌባ ነኝ" የሚል አድማ ማስነሳቱ ትክክል ይሆናል ወይ?

አዲት ጋለሞታ የሀገሬውን ባለትዳር በማማለል በማስሸፈቷ የተነሳ ለፍርድ ትቅረብ ሲባል ጉዳዩን በቅጡ ያልተረዱ ጥቂቶች "ንፁኋን ልጅ ጋለሞታ ብለው ሊፈርዱባት ነው!" ብለው ወሬ ስለነዙ መንደሬው "እኔም ጋለሞታ ነኝ" የሚል አድማ ማንሳቱ ልክ ይሆናል ወይ??

እፎይ በሶሻል ሚዲያ የሚያስተላልፈው መልክት የኦርቶዶክስን እምነት የሚያስተምር ሳይሆን በሀይማኖቱ ስም ተደብቆ እስልምናን በፀያፍ ቃላት የሚሳደብ በብልግና የተሞላ የዱርዪ ስራዎችን የሚያቀርብ ልጅ ነው። ሀይማኖተኝነት እኮ ስነስርአት ነው። በርካታ ሀይማኖተኛ ኦርቶዶክስ ጓደኞች አሉን! ሀይማኖት ያስተማራቸው ስነምግባርን መሆኑን ታይባቸዋለህ!! ሰው ሀይማኖተኛ ሲሆን ስነምግባርም ይኖረዋል! እፎይ ግን እንኳንስ ሀይማኖተኛ ሊሆን ቀርቶ የለየለት ዱርዪ ነው። በሶሻል ሚዲያ ፀያፍ ቃላትን እየተጠቀመ ነብይን የሚሳደብ፣ አፉ በብልግና ቃላት የተጨማለቁ ዱርዪ እንጂ ሀይማኖተኛ አይደለም።

ታዲያ አንድ ኦርቶዶክስ መጥቶ "እኔም እፎይ ነኝ!" ሲል ምን እያለ ነው? ጉዳዩ ከሁለት ምርጫ አይወጣም!!

1, የሀይማኖቱ አስተምሮ እንደ እፎይ በብልግና የተሞሉ ፀያፍ ንግግሮችን ማስተላለፍና በስነምግባር የዘቀጠ ባህሪ ማሳየትን ነው ማለትን ነው።
ይህ ደግሞ እንኳንስ በቤተ እምነቱ ደረጃ ቀርቶ እኛ እንኳ እንደ ሙስሊም ስለ ኦርቶዶክስ ብንጠየቅ "ይህን አያደርጉም" ብለን የምንለው ምርጫ ነው።

2, እፎይ ኦርቶዶክስ ስለሆነ ብቻ የሚያስተላልፈውን መልክት ሳያስተውሉ በጭፍን እየተከላከላችሁለት ነው።
ይህኛው አማራጭ ላይ ከሆናችሁ የምንመክረው ከስሜታዊነት ውጡና የልጁን ማንነት ሚዲያው ላይ ቆም ብላቸሁ ፈትሹትና ተረዱት! ያን ግዜ በጋራ የምናወግዘው ግለሰብ ሆኖ ስለምታገኙት ከጎናችን ትቆማላችሁ!!

በስተመጨረሻም በደፈናው "እኔም እፎይ ነኝ" የሚለው መፈክር አብሮት ብዙ መዘዞች እንዳሉት እወቁ!
"እኔም ዱርዪ ነኝ"
"እኔም ባለጌ ነኝ"
"እኔም ፀያፍና የብልግና ቃላት ለመጠቀም የማላፍር ደፋር ነኝ"
እኔም ተሳዳቢ ነኝ" ወዘተ... ማለትን በውስጡ የያዘ መፈክር ላይ ናችሁ!!

እንደቤተ እምነት "እኔም እፎይ ነኝ.." ማለት ደግሞ መዘዙን ቤተ እምነቱ በደምብ ያላጤነው መሆኑን ያሳብቃል!!

እናም እናነተ እፎይ አይደላችሁምና ተረጋግታችሁ ጉዳዩን ከነ መዘዙ በደምብ አጢኑት!!

ሁዳ መልቲሚዲያ / Huda Multimedia