አሜሪካ በዩክሬን የሚገኝ ኤምባሲዋን ዘጋች

ውሳኔው ሩሲያ ልትፈፅመው የምትችለውን የአየር ጥቃት ከግምት ውስጥ በማስገባት የተወሰደ መሆኑ ተገልጿል፡፡

ይህንንም ታሳቢ በማድረግ ስፔን፣ ጣሊያን እና ግሪክ እንዲሁ በዩክሬን የሚገኝ ኤምባሲያቸውን የዘጉ ሀገራት ናቸው፡፡

የአሜሪካው ፕሬዚዳንት ጆ ባይደን ለዩክሬን ሚሳኤል የመጠቀም ፍቃድ ከሰጡ ከ2 ቀናት በኋላ ዩክሬን በምእራባዊ የሩሲያ ድንበር ላይ ጥቃት መሰንዘሯ ተጠቅሷል፡፡

ዩክሬን ወደሩሲያ ዘልቆ መግባት የሚችል አሜሪካ ሰራሽ ሚሳኤል ጥቅም ላይ ስታውል የመጀመሪያው ነው፡፡

የዩክሬን ፕሬዝዳንት ዘለንስኪ የመጀመሪያው ጥቃት ውጤታማነትን በመግለፅ በቀጣይ 3 ሺህ የክሩዝ ሚሳኤሎችን እንደሚያዘጋጁ ጠቁመዋል፡፡

ይህን ተከትሎ ሩሲያ የኒውኩሌር መርኃ ግብር ፖሊሲዋ ላይ ማሻሻያ ማድረጓን የዘገበው ቢቢሲ ነው፡፡

ማሻሻያው ለዩክሬን የሚሳኤል መሳሪያ ድጋፍ የሚያደርግ ሀገር በጦርነቱ በቀጥታ እንደተሳተፈ ይደነግጋል፡፡

በተጨማሪም ፑቲን ከዓለም ትልቁ የኒውክሌር ጦር መሳሪያ ጥቃት እንዲያደርስ ለማዘዝ የሚያስችላቸውን ቅድመ ሁኔታ የሚሰጥ ነው፡፡

ጆ ባይደን ያሳለፉት ውሳኔ ጦርነቱን አቀጣጣይ መሆኑን የቱርኩ ፕሬዚዳንት ረሲፕ ጣይብ ኤርዶጋን ጨምሮ የፖለቲካው ተዋንያን ገልፀዋል፡፡