የየበሎ ሙስሊም

በአንድ አሏህ እመን በቁርዐን ፅና፡
ተጓዝ በቀጥታ በተውሒድ በሱና፡
በእስልምናህ ጠንክር በድንበርህ ክበር፡
ሽርክ ላይ ተዘፍቀህ እንዳትሰባበር፡

ቃልቻው ኪታቡን አስተውለህ ቅራ፡
ሾናት ጭሌ ቆሌ ምንድን ነው ደንቀራ፡
በደል እንደሆነ ከንፁህ ላይ መፍረድ፡
ሽርክ ነው ተጠንቀቅ ጎበደነሰ ላይ ማረድ፡

ከሽርክ ተመለስ ዛሬ ተስተካከል፡
አሏህ ሰው ይመርጣል ከሰወች መካከል፡
በእምነትህ በርታ ተራመድ ወደ ፊት፡
ሚስጥርህን ጠብቅ አትዝራ እንደ ወንፊት፡
የሽርክ ተግባር ነው አትሒድ ቆራፊት

ሙስሊም ጀግና ሆነህ ተወልደህ የበሎ፡
ለምን ትጓዛለህ ወደ አባ-ደበሎ፡
ሾናትና ጭሌ አይጠቅምም ራሒሎ፡
አሏህን ያስቆጣል እውነት ለመናገር፡
የሽርክ ተግባር ነው አንበሶና ጨንገር፡

ቁርዐንህ እያለን አሏህን ተገዙ፡
ሀዲሱም እያለን ነብዩን ታዘዙ፡
ምን ይሰራልሀል ጠና ባዲገዙ፡

ኢስላም ሀይማኖትህ በሐቅ ተውቦ፡
እውነትን ከሀሰት እየለዬ አቅርቦ፡
ለምን ታከብራለህ የክርስቲያን አቦ፡

ጊወርጊስም ማሪያም አይቻልም ማበል፡
ከሽርክ እራቅና ወደ አሏህ ተዘንበል፡
ቁርአኑን አንሳ እውነትን ተቀበል፡
ተናገር ወንድሜ ለአባትና ለእናት፡
የሽርክ ተግባር ነው እንዳይበሉ ሾናት፡

በአሏህ አታጋራ ህዝቤ ሆይ ሁን በሳል፡
ውሸት ነው ቅጥፈት ነው ሐቅ የለውም መሳል..
እሳት እንዳትገባ ከቶ እንዳትሳሳት፡
ጠንቋይ ጋር አትሒድ አሏህን በመርሳት፡

ሸይጧን ሊያጠፋህ ነው የሚመለከትህ፡
አትተው አታቋርጥ ፅና በሶላትህ
የክርስቲያኖችን በአላቶች ማክበር፡
በአሏህ ላይ ማመፅ ነው መተላለፍ ድንበር፡
የተውሒድ አርበኛ ስለሆነ ሙስሊም፡
ሽርክን የፈፀመ ስለሆነ ዟሊም፡
በአሏህ ብቻ እመን የየበሎ ሙስሊም፡
~~
➪በኑረዲን አል አረቢ
http://t.me/nuredinal_arebi
http://t.me/nuredinal_arebi