ፒያሴንዛ በአንድ ቀን ሁለት አሰልጣኝ አሰናብቷል !

የጣልያን አራተኛ ሊጉ ክለብ ፒያሴንዛ በአንድ ቀን ውስጥ ሁለት አሰልጣኞችን ማሰናበቱ ተገልጿል።

ክለቡ ማክሰኞ ጠዋት አሰልጣኙን አሰናብቶ አሰልጣኝ ሲሞኒ ቤንቲቮግሊዮ የሾመ ሲሆን አሰልጣኙ ቡድኑን ለአንድ ጊዜ ብቻ አሰልጥነው ከሰዓት መሰናበታቸው ተነግሯል።

ፒያሴንዛ አዲሱን አሰልጣኝ በአንድ ቀን ያሰናበተው የክለቡ ደጋፊዎች የልምምድ ማዕከሉን ሰብረው በመግባት አሰልጣኙ እንዲሰናበት በመጠየቃቸው መሆኑ ተገልጿል።

አሰልጣኙ ከዚህ በፊት የጨዋታ ማጭበርበር ፈፅመዋል በሚል የተቀጡ መሆናቸው የክለቡን ደጋፊዎች እንዲያስቆጣ ምክንያት መሆኑ ተነግሯል።

በአንድ ቀን ውስጥ ሶስተኛ አሰልጣኝ የሾመው ፒያሴንዛ በመጨረሻም በ 24 ሰዓታት ውስጥ ሶስት አሰልጣኞች የመሩት የመጀመሪያው ክለብ ሆኗል።

ፒያሴንዛ ከአመታት በፊት በጣልያን ሴርያ ተወዳዳሪነቱ ይታወቃል።

@Tikvahethsport    @kidusyoftahe