Barruu laphee koorraa
Akka naaf dubbisuuf,
Asaasa onneekoo,
Sagaleesaa baasee
Akka naaf guddisuuf,

Kan uumame afaanni,
Qooqa dhangi'amee
Jechootaan hudhamee,
Erga gaadi'amee...

Egaa kana booda,
Soora godhadheera
Tasgabbiidhaaf usuu,
Yoo dhaga'ameechi..
Iyyis bu'aa hinbuusu...

Yoo dandeessa ta'eef,
Gaaffiikoo caqasuu
Caqastees deebisuu,

Gurra qalbii keetii,
Lapheekootti hirkisii
Onneerraa caqasi,
Bubbee qara onneekoo,
Gidduudhaa bubbisu...

Kanaachi...dhibeekoo...
Ofumakoo caafee,
Ofumaa hindubbisu!

Gammachuu
@Walaloo_Jaalal