.
.
.

🌍 በዓለማችን ላይ ይኖራሉ ብለው የማይገምቷቸው ፲ (አስር) አስገራሚ ድረ-ገጾች! 🔍

× በአሁኑ ወቅት መጠኑ ይለያይ እንጂ አንዳንዶቻችን በየቀኑ የኢንተርኔት መረቦችን መቃኘታችን የተለመደ ተግባር ሆኗል።

× የምንቃኛቸው ድረ-ገጾችም ብዙ ጊዜ የምናውቃቸውን አልያም በጣም ታዋቂዎቹን ነው።

× አንዳንድ ጊዜም በፌስቡክ ወይንም በተለያዩ ማህበራዊ ሚዲያዎች አማካኝነት ያገኘናቸው መረጃዎች አዳዲስ ድረ-ገጾችን ያስተዋውቁናል።

× እነዚህን አዳዲስ ድረ-ገጾችም ጠቃሚ ሆነው ስናገኛቸው ለሌላ ጊዜ እንድንጠቀማቸው ቡክማርክ አድረገን እናስቀምጣቸዋለን።

× ከዚህ በታች የተዘረዘሩት 10 ድረ-ገጾች ግን ምናልባትም አይተናቸው የማናውቃቸው እና የተለየ አገልግሎት የሚሰጡ ናቸው።


፩. 10Minutemail.com

× ይህ ድረ-ገጽ ለ10 ደቂቃ የሚቆይ የኢ-ሜይል አድራሻ ለመክፈት ያስችላል።

× ድረ-ገጹ የተላላክናቸውን መልዕክቶች እና የኢ-ሜይል አድራሻውን ከ10 ደቂቃዎች በኋላ ሙሉ በሙሉ ያጠፋዋል።

× 10Minutemail.com እንደከፈትነው ምንም ምዝገባ ሳያስፈልገን ራሱ የኢ-ሜይል አድራሻ ይሰጠናል።

× በተጨማሪም Tempmail ለዚህ ይጠቅመናል።

× አጠራጣሪ ድረ-ገጾች ስንከፍት ኢ-ሜይል ሲጠይቁን በዚህ መጠቀም እንችላለን።


፪. Fake Name Generator

× በጣም ዓይናፋር የሆኑ ፣ የግል ጉዳያቸው የሚያስጨንቃቸው እና ትክክለኛ ስማቸውን ይፋ ማድረግ የማይፈልጉ ሰዎች በዚህ ድረ-ገጽ አማካኝነት የሀሰት ስም እና ዝርዝር መረጃዎችን መፍጠር ይችላሉ።


፫. Down for Everyone or Just Me

× አንዳንድ ጊዜ ኮምፒውተርዎ የተወሰኑ ድረ-ገጾችን አልከፍት ሊልዎት ይችላል።

× እናም በዚህ ድረ-ገጽ አማካኝነት እውን ይህ ድረ-ገጽ አልከፍት ያለዎት ስለማይሰራ ነውን? አልያስ ሆን ተብሎ እንዳይከፍቱት ስለተደረገ ነውን? የሚለውን ማረጋገጥ ይችላሉ።


፬. Date and Time

× በዚህ ድረ-ገጽ ደግሞ በቀናት እና በዓመታት መካከል ያሉ ልዩነቶችን ለማስላት ይጠቅማል።

× ለአብነትም ዕድሜያችን በቀናት ለማስላት የተወለድንበትን ቀን ፣ ወር እና ዓመት እና የዕለቱን ቀን ፣ ወር እና ዓመት በማስገባት በምድር ላይ ለስንት ቀናት ቆይታ እንዳደረግን ማስላት እንችላለን።

× የምናሰላው ቀን በዓላትን እና የሳምንቱን ቀናት ማለትም ቅዳሜ እና እሁድን አካቶ አልያም ሳያካትት ስንት እንደሆነም ማወቅ ያስችላል።


፭.. Web Capture

× የተለያዩ ድረ-ገጾችን የፊት ገፅታ ምስል ለማስቀረት እና ወደ JPG ወይምJPEG ፣ PNG አልያም PDF ፎርማት ለመቀየር ይህን ድረ-ገጽ ይጠቀሙ።


፮. Google NCR

× የጉግል ድረ-ገጽን ወይም google.comን ስንከፍት ጉግል ወደ ያለንበት ሀገር ዶሜይን ያስገባናል።

× ለምሳሌ ጉግልን በኢትዮጵያ ስንከፍት google.com.et ወደሚለው ያሸጋግረናል።

× ይህም የሚሆነው ጉግል እንደየሀገራቱ የሚከለክለው እና የሚፈቅደው ህግ ስላለው ነው።

× እናም ጉግልን ያለምንም የሀገራት ገደብ ለመክፈት google.com/ncr ብለን መፈለግ በቂ ነው።


፯. Virustotal

× ከጓደኞቻችን አልያም ከማናውቀው ግለሰብ የሚያጠራጥር ፋይል ከተላከልን እና ከኢንተርኔት በቀጥታ ያወረድነውን ፋይል በዚህ ድረ-ገጽ አማካኝነት የተላከልን ፋይል ወይም ዳውንሎድ ያደርግነው ፋይል ቫይረስ መያዙን እና አለመያዙን ማወቅ እንችላለን።

× ቫይረስቶታል ነፃ የኢንተርኔት የቫይረስ መመርመሪያ (ስካነር) ነው።


፰. IPviking

× በዓለም ዙሪያ እየተከናወኑ ያሉ የመረጃ ምንተፋዎች ፣ የአይፒ አድራሻዎች ፣ የመረጃ ዘራፊዎቹን (የሃከሮቹን) አድራሻ እና የመሳሰሉ መረጃዎችን http://map.norsecorp.com/#/ በተባለው ድረ-ገፅ ላይ መመልከት ይቻላል።


፱. Hackertyper

× ይህን ድረ-ገፅ ከፍተን የተለያዩ ፊደላትን እና ቁጥሮችን ስንጫን መረጃ ዘራፊዎች ወይም ሃከሮች የሚጠቀሙበትን ዓይነት ገጽ ይከፍትልናል።

× በዚህም ጓደኞቻችን እና ወዳጆቻችን የተለያዩ ድርጅቶችን መረጃዎችን እየሰረቅን ለማስመሰልና ለመሸወድ እንችላለን። (ግን ሀላፊነቱን እኔ አልወስድም ፤ ተጠንቀቁ!)


፲. Password Generator

× ጠንካራ እና በቀላሉ ብሬክ የማይደረግ ማለትም የማይሰበር የይለፍ ቃል ለፌስቡክ ፣ ለኢ-ሜይል እናም ለሌሎች ፓስዎርድ ለሚጠይቁ ማህበራዊ ሚዲያዎች በሙሉ ጠንካራ የይለፍ ቃል ወይም ፓስዎርድ ለመመስረት ይረዳናል።


→ Join : @yidnek_tube
→ Join : @yidnek_tube_group

→ Subscribe : https://www.youtube.com/c/YidnekTube