የኦሮማይዋ ፊያሜታ ጊላይ

ሁሌ ጨዋታ እሚያምራት ፍልቅልቅ ያለች ልጅ፡፡ እንደሂሩት ጉልላት ዘወትር ደስታ ብቻ እሚታያት፡፡ ፊያሜታ ለፍቅር የኖረች እራሷ ፍቅር የሆነች ውብ የአሥመራ ልጅ ናት፡፡ “እኔ ያለፍቅር የማውቀው ነገር የለኝም፡፡ ወንዶችን ፍቅር ማስያዝ ደስ ይለኛል፡፡” እያለች የእውነቷን፣ የልቧን መናገር የምትወድ፣ በእኔ ፍቅር ማንም የሚያገባው የለም በማለት በድፍረት የምትናገርና ከእምነቷ ፍንክች የማትል እልከኛ ሴት ናት፡፡ እንደ ሉሊት በውስጧ በኖረ የበቀል ስሜት ሳይሆን፣ ወንዶችን በማጃጃል ከምታገኘው እርካታ የተነሳ ወንዶችን በስሯ የማንበርከክ ፍላጎቷ ከፍ ያለ፣ “ለምወደው ሰው ማርና ወተት ነኝ፡፡ ስኳር ነኝ። የምትል በራሷ የምትተማመን ለራሷ ከፍተኛ ግምት የሰጠች ማራኪ ወጣት ናት፡፡

እውነትም ጸጋዬ ኃይለ ማርያምን ማርካ ሳይታወቀኝ ደሜ ውስጥ ገብታለች አሰኝታዋለች፡፡ ሌሎችንም አነሁልላለች፡፡ ፊያሜታ ቁምነገረኛ ልጅ ናት ልቧን ለሰረቀት ሰው ከጸጋዬና ከሷ ሕይወት ምረጥ ስትል ራስዋን አሳልፋ የሰጠች ብርቱ አፍቃሪ ናት፡፡ አካላዊ መልኳን ስንመለከት ደግሞ ሰው ሁሉ ባያት ቁጥር አንገቱን ወደ እሷ እያዞረ ባይን ” የሚስማት የተባለላት ናት፡፡ ጸጋዬ ኃይለ ማርያም “ብቸኛ ሰሜናዊት አበባ መሰለችኝ ያላትም ለዚህ ነው። ዐይኖቿና ጥርሶቿ ማራኪነት አላቸው፡፡ እንደሂሩት ጉልላት ወልጋዳ ጥርስ አይደለም ያላት፡፡ “የውበት አምላክ በጥንቃቄ የደረደራቸው የቀይ ባህር ዕንቁዎች ይመስላሉ ” ጠጉሯም ዐይንን ይስባል፡፡ የሚነሰነስ የሚናገር ነው፤ እነዚህ ሁሉ ተዳምረው እንደሌሎቹ ኃይለኞች የወንድን ልብ የምትሰልብ አድርገዋታል።

Rama Gutema Olika

📌አሁኑኑ ይ🀄ላ🀄ሉንለ
ለቴክኖሎጅ መረጃዎች⬇️
@BIHERE_TECH
ለየድሮ መፅሐፍቶች↘️
@ETHIO_PDF_BOOKS1
ሁሉንም ሙዚቃ በአንድ ላይ⤵️
@BIHRE_MUSIC
ለተለያዩ ትረካዎች 📉
@BHERE_TREKA