የመጨረሻ ጊዜ eye-contact የነበረንን ጊዜ የሚያስታውሰው አይመስለኝም። እንኳን እሱ እኔ አላስታውስም። ለትንሽ ሰከንድ ትክ ብዬ አይኑን ባየው አፌ ያላወጣውን አይኔ የሚዘረግፈው ይመስለኛል።
"የማውቅህ ተንገብግቤ ያገባሁት ሰው አይደለህም፥ ባሌን የት አደረስከው?!" ብሎ አይኔ እንዳይለፈልፍ ነው የምሸሽው
አንዳንዴ የአምሳል ምትኬን "አንድ ነገር ጎድሏል" የሚለውን ዘፈኗን ከፍቼ መጠበቅ የሚያምረኝ ቀን ይበዛል። ለአንድ እኔ የማይበቃ ሰው እንዴት የሁለት ሶስት ልጆች አባት ይሆናል ብዬ እብሰለሰላለሁ። ንግግሩ የሚያደርገው ነገር በሙሉ ያበሳጨኛል።
እንዴት አይቶኝ አይረዳም ብዬ እስከመጨረሻው እንዳልናደድ ደሞ የኔንም ድክመት አየዋለሁ። ፍላጎቴን በሙሉ ከአኳኋኔ ሁሌ ሊረዳ አለመቻሉን ማወቅ አለብኝ አይደል?!
ግን "ነገር እና ጭራ ከወደኋላ ነው" እንዲሉ የእሱም ግድ የለሽነት የኔም ራሴን አለማስረዳት ያኔ መጀመሪያ ለምን አልበጠበጠንም ነበር?! ያኔ እንቻቻል ስለነበረ ነው? ወይስ እኔን ለማስደሰት ስለሚጋጋጥ ነው ሳልነግረው የሚገባው?
እንጃ
✍ናኒ
https://t.me/justhoughtsss
"የማውቅህ ተንገብግቤ ያገባሁት ሰው አይደለህም፥ ባሌን የት አደረስከው?!" ብሎ አይኔ እንዳይለፈልፍ ነው የምሸሽው
አንዳንዴ የአምሳል ምትኬን "አንድ ነገር ጎድሏል" የሚለውን ዘፈኗን ከፍቼ መጠበቅ የሚያምረኝ ቀን ይበዛል። ለአንድ እኔ የማይበቃ ሰው እንዴት የሁለት ሶስት ልጆች አባት ይሆናል ብዬ እብሰለሰላለሁ። ንግግሩ የሚያደርገው ነገር በሙሉ ያበሳጨኛል።
እንዴት አይቶኝ አይረዳም ብዬ እስከመጨረሻው እንዳልናደድ ደሞ የኔንም ድክመት አየዋለሁ። ፍላጎቴን በሙሉ ከአኳኋኔ ሁሌ ሊረዳ አለመቻሉን ማወቅ አለብኝ አይደል?!
ግን "ነገር እና ጭራ ከወደኋላ ነው" እንዲሉ የእሱም ግድ የለሽነት የኔም ራሴን አለማስረዳት ያኔ መጀመሪያ ለምን አልበጠበጠንም ነበር?! ያኔ እንቻቻል ስለነበረ ነው? ወይስ እኔን ለማስደሰት ስለሚጋጋጥ ነው ሳልነግረው የሚገባው?
እንጃ
✍ናኒ
https://t.me/justhoughtsss