Situn beekuuf malee
Naan hubattuuf malee
Utuu anaan taatee
Na keessa ilaaltee

Qulqullummaa koo utuu bartee
Hamman si jaalladhu osoo agartee
Silaa...
Silaa atuu naaf gugguufta
Sinsinniitti karra cufta
Ganamaaf galgala gara koo dhufta
Anaaf jecha  of urgufta

Garuu
ati hin beektu kunuunsa jaalalaa
Kunuunsi jaalalaa yoom siif galaa?
Sin eega hanga naaf jiraattu
Hangasitti qalbiin haa hiraartu

© Keenboon Abrahaam