Silaa walaloon durba taatee....🙍

Ani kun lafaa ka'een, waloo ta'een,
Fiixa quba kootii qara mutaan direen,
Marama qoodiroo dirra lamaan hireen,..

Walaloo jechootaan mookseen,
Toora itillee qubootakoon hookseen

Dhim'uu dhiiga kootii qubeedhaan xaragaa,
Suutashee qaqqabeen, miiraan ishee tapheen
Siree barruurratti gadishee maraga!

Maaltu haferee...
Rirrittaa qubakoon miira keessa galtee,
Walaloon shaarmuxxee erga siree kortee..

Ani waloon, maafan hin sagaagaluu,
Walalootti ejjee, maan gaannamin-galu?

© Oli Wak