የአሜሪካኗ እውቋ የፊልምና ኪነጥበባት ማምረቻ የሆሊውድ ምድር ሎስአንጀለስ በከባድ የሰደድ እሳት እየነደደች ትገኛለች።

እስካሁኗ ሰዓት ድረስ 57 ቢሊየን ዶላር የሚገመት ሀብትና ንብረቶች ወደ አመድነት የተቀየሩ ሲሆን ፤ በሺዎች የሚቆጠሩ ነዋሪዎች ተፈናቅለዋል በአራት አቅጣጫ የተነሱትን እነዚህን አውዳሚ እሳቶች ለመቆጣጥ ከአቅም በላይ የሆኑ ሲሆን በከፍተኛ ሁኔታ ወደ ተለያየ አቅጣጫ እየተዛመቱ ይገኛሉ።

እስካሁን ድረስ ከ105 ስኴር ኪሎ ሜትር (ከ11 ሺህ ሄክታር) በላይ አካባቢዎች እየነደዱ ነው። እስካሁን አምስት ሰው ሞቷል፣ ከ70 ሺህ በላይ ነዋሪዎች አካባቢውን ለቀው ወጥተዋል፣ ከ1.6 ሚሊዮን በላይ ቤቶች የኤክትሪክ ሃይል አቅርቦት አጥተዋል፣ ከ1000 በላይ ቤቶች፣ ህንጻወችና መሰረተ ልማቶችም ወድመዋል።

ይሄው ሰደድ እሳት ከፍተኛ ሃይል ባለው አውሎ ነፋስና በአካባቢው ከፍተኛ ድርቅ እየታገዘ እየተስፋፋ ነው። በዚህም ሳብያ 157 ሺህ የአካባቢው ነዋሪወች ባስቸኳይ አካባቢውን ለቀው እንዲወጡ ታዘዋል።

በርካታ ሰዎች በታዘዙበት ወቅት ወድያው ከአካባቢው ለቀው ባለመውጣታቸው ጉዳት እየደረሰባቸው ነው። በዚህም ሳቢያ የሟቾች ቁጥር ሊጨምር እንደሚችል ተገልጿል።

ፕሬዝዳንት ጆ ባይደን አካባቢውን ከፍተኛ የአደጋ አካባቢ በማለት አውጀው ከፌደራል መንግስት አስቸኳይ የእሳት አደጋ መከላከልና የእርዳት ድጋፍ እንዲሰጥ አዘዋል።