GENIUS ACADEMY

ከላይኛው የቀጠለ...

በዚህም የመምህርነት ሞያውን በደብረዘይት ከተማ "BCI Academy " ከዛሬ ስድስት ዓመት በፊት በፊዚክስ አስተማሪነት ይጀምራል።

ለ3 ዓመታት በመምህርነት ተቀጥሮ ከሰራ በኋላም በቢሾፍቱ ከተማ "School of My Seed" የሚባል የማጠናከሪያ ትምህርት መስጫ ተቋም አቋቁሞ የፊዚክስ የትምህርትን እያስተማረ በማኅበራዊ ሚዲያዎች ላይ ቪዲዮችን መልቀቅ ጀመረ።

በተለያዩ የማኅበራዊ ገፆች ላይ ያሉት አብዛኞቹ ቪዲዮዎቹ የሚቀረጹት በማጠናከሪያ የትምህርት ፕሮግራም ላይ ሳለ የቀረጻቸው መሆኑን የሚናገረው መምህር ዳኛቸው የዚህን ያህል ተቀባይነት ይኖረዋል ብሎ እንዳላሰበ ይናገራል።

የማጠናከሪያ ትምህርት ተቋሙን ከባለቤቱ ጋር በመመካከርጀመረው 16 ተማሪዎችን በመያዝ ነበረ። ከጊዜ ወደ ጊዜ ግን የተማሪዎች ቁጥር እየጨመረ ሌሎች መምህራንንም ቀጥረው ማስተማር ቀጠሉ።

በቢሾፍቱ ከተማ ለመጀመሪያ ጊዜ በነፃ 24 ሰዓት የሚያገለግል የተማሪዎች ቤተ-መጽሐፍ ቤት በማዘጋጀትም ማንኛውም ተማሪ በነፃ አገልግሎት እንዲያገኝ አድርጎም እንደነበር አስታውሷል።

መምህር ዳኛቸው ከ2000 በላይ የሚሆኑ ተማሪዎችን ማስተማሩን ይናገራህ። ሆኖም ይህ ጥረቱ ሳያስበው በአጭርተቀጨ። ተቋሙ ተዘግቶ ማስተማር አትችልም የሚል ትዕዛዝ ተሰጠው።

ምን ተፈጠረ ?

በዘንድሮው ዓመት 50 አካባቢ የ12ኛ ክፍል ተማሪዎችን ለማስተማር አቅድ ማውጣቱን፤ ነገር ግን የተመዝጋቢዎች ቁጥር ግን ከ300 መሻገሩን ይጠቅሳል።

"ሁሉንም የምናስተምርበት አቅሙ ስላልነበረን ግዴታ ተማሪዎቹን መፈተን ነበረብን እና ፈትነን መቶ ተማሪዎችን በውጤታቸው መርጠን ማስተማር ጀመርን'' ሂደቱን ያስረዳል።

ሥራቸውን ከጀመሩ በኋላ ግን ማስተማር አትችልም ተብሎ ተቋሙ እንደተዘጋበት እና በመጀመሪያ የተለያዩ ምክንያቶች ቢቀርቡለትም ኋላ ላይ ግን ነገሩ ሌላ መሆኑን እንደተረዳ ይናገራል።

መምህር ዳኛቸው ገለጻ ሳይመረጡ ከቀሩት ተማሪዎች መካከል አንዷ ተማሪ የከተማው "ከፍተኛ ባለስልጣን " ልጅ እንደነበረችና እና፣ እሷን ባለመምረጣቸው ተቋሙ እንዲዘጋ ትዕዛዝ እንደወጣበት ይናገራል።

በቻለው አቅም ከሚመለከታቸው አካላት ጋር ለመግባባት ቢሞክርም ሳይሳካ ቀርቶ ወደ አዲስ አበባ በመምጣት በኦንላይን ማስተማር ጀምሯል።

መምህር ዳኛቸው አሁን ላይም ከሀገር ውጭ ያሉ 16 ተማሪዎችን በኦንላይን እያስተማረ ይገኛል።

ከቲክቫህ ኢትዮጵያ ጋር በነበረው ቆይታ በቢሾፍቱ ከተማ ያቆሙትን የማስተማር ስራቸውን በአዲስአበባ ከተማ ለማስቀጠል ጥረት እያደረገ እንደሆነ ነግሮናል።

በቀጣይስ ?

"አንድ ነገር እፈልጋለሁ፣ ሰርቭ ( serve ) የማደርግበት መንገድ ቢመቻችልኝ፣ ልጆች አንድም ለእናት የለቅሶ ምክንያት፣ ለአባትም የጉስቁልና ምክንያት እንዳይሆኑ ባደርገቸው ነፍሴ ታርፋለች " ይሄን ለማድረግ ጥረት እያደረኩ ነው። የመንግስት አካላም ሆነ የግል ድርጅቶች እድሉን እንዲያመቻቹልኝ እፈልጋለሁ " በማለት ይናገራል።

ተማሪዎቹ ምን ይላሉ ?

እሱ ካስተማራቸው ተማሪዎች አሁን ላይ በአዲስ አበባ ዩኒቨርስቲ ትምህርታቸውን የሚከታተሉ አሉ። ስለቀረቤታቸው ሲናገሩም ''መምህራችን የሚለው ቃል ያርቅብናል፣ ብቻ እሱ ከቤተሰብም በላይ ነው፡፡ እንደተማሪና መምህር ሳይሆን እንደ ልጅ እና አባት ነው፡፡'' ሲሉ ምስክርነት ይሰጣሉ።

የሚያስተምሩበት መንገድ በጣም ቀላል እና ግልፅ ከመሆኑ የተነሳ ሳይገባቸው ያለፉት ነገር እንደሌለ እና የሀገር አቀፍ ፈተና ጥሩ ውጤት ለማምጣታቸውም የመጀመሪያውን ድርሻ የሚወስዱት መምህር ዳኛቸው መሆኑን ይጠቅሳሉ።

አሁን ላይ በቢሾፍቱ ማስተማራቸውን እንዲያቆሙ መደረጉ መጭው ትውልድን መበደል ነው ሲሉም የቀድሞ ተማሪዎቻቸው ይናገራሉ።

@genius_acadamy
@genius_acadamy

💶 በOnline ገንዘብ መስራት ይፍልጋሉ?💶

የኢትዮጵያ መከላከያ ዩኒቨርሲቲ ከመጭው አመት ጀምሮ የዩንቨርስቲ ምርጫ ውስጥ ሊገባ ነው

የኢትዮጵያ መከላከያ ዩኒቨርሲቲ ከ2018 ዓ.ም ጀምሮ የተማሪዎች የከፍተኛ ትምህርት ዩኒቨርሲቲ ምርጫ ውስጥ እንደሚገባ የትምህርት ሚኒስቴር ተናግሯል።

ዩኒቨርሲቲው እያከናወናቸው ላሉ ሥራዎች በጥናት ላይ የተመሰረተ ድጋፍ እንደሚያደርግ ሚኒስቴር መስሪያ ቤቱ ገልጿል። ከቀጣይ ዓመት ጀምሮም የተማሪዎች የከፍተኛ ትምህርት ዩኒቨርሲቲ ምርጫ ውስጥ የኢትዮጵያ መከላከያ ዩኒቨርሲቲም እንደ አንድ አማራጭ እንደሚካተት ተጠቁሟል።

@genius_acadamy
@genius_acadamy

በዮኒቨርሲቲ ቆይታችሁ እነዚህ ነገሮች ብታረጉ ጥሩ ነው ❗️

💡....ዲያሪ መፃፍ .....

🎓 የካንፓስ ቆይታ በጣም የሚገርሙ moment ያሉበት ነው ።በቃ 3 or 5 የደስታ ዘመናት ... የሚገራርም ሰው ታያላችሁ ....የሚወዛገብ ፤ የሚወሳሰብ የሚፈላሰፍ ፤ ምንም ዲጭ የማይልበት  ፤ ተንከሲሲስ ፤ በጣም ጅል ፤ አራዳ ነኝ ባይ ገገማ ....ኧረ ምኑ ቅጡ ....በህይወታችን አዳዲስ ነገሮች ይከሰታሉ ። ነገር ግን እንረሳቸዋለን ቶሎ ቶሎ አዳዲስ ነገር ስለሚፈጠሩ ይረሳል ። እናንተ ደግሞ ከፈለጋችሁ መፃፍ ብታረጉት ፤ ወደፊት ፊልም የመስራት ዕቅድ ካላችሁ ሚገራርሙ ገፀባህራያት ታገኛላቹሁ....ብቻ በላይፋቹ የማታገኙት ዕድል ስለሆነ በርትታቹሁ?...አዳዲስ ነገር ሲኖር በወረቀት (ዲያሪ)  "ወይም ስልካቹም ላይ ቢሆን አስፍሩት ..! ትዝታዎቻቹ ናቸው እንዳትረሱት...ሙድ የተያዘባችሁ ሙድ የያዛችሁትን ...የሚያስቅ ፤ የሚያሳዝን፤ የሚያናድድ ብቻ ....ቸክችኩ ቢያንስ ልጆቻችሁ ትሰጧቹሃላቹ እነሱም ካምፓስ ሊገቡ ሲሉ ....በየቀኑ ሳይሆን የሆነ ነገር ሲፈጠር ፃፉት ...አሁን ምንም ላይመስላቹሁ ይችላል ግን አልፎ ስታዩት  የምርም ትደሰታላቹሁ .....

💡አዲስ ቋንቋ መማር ......❗️

📚 ዶርም የምትሰባሰቡት ከየአቅጣጫው ነው ። ብዙ የማታውቁትን የሚያቁ ይሄም አለ❓...  ያምሃል...!  የሚያስብሉ ዕውቀቶች ታገኛላችሁ ። አንዱ ደሞ ቋንቋ ነው ። በተለይ ኢትዮጵያ ውስጥ በርከት ያለ ተናጋሪ ያላቸው እንደ ኦሮሚኛ ፣ሲዳመኛ ፣ትግረኛ፣ ሱማሌኛ ቋንቋዎች የሚችሉ ልጆች ዶርም ካገኛችሁ በቀን 5 ቃልም ቢሆን ቀስ እያላችሁ ተማሩ .....የምር ይጠቅማቹሃል ። ቋንቋ መልመድ ጥሩ ነው ። ሁላቹም ጋር አዲስ ቋንቋ ከሌለ ደሞ ጓደኞቻችሁን የምታስታውሱበት አለ ኣ በቃ ....አዲስ የባህርማዶ አንድ ቋንቋ በጋራ ተለማመዱ ...ስፓንሽ ወይ ደሞ ፈረንች ...የተመቻችሁ በጋራ በቀን ትንሽ ነገር አጥኑ ። የ3 or 5 አመት ጓደኞቻችሁን ስትለዮዎቸው ማስታወሻ ይሆናቹሃል ። ፈታ እያላችሁ ጠዋት ላይ 5 ቃላት ምናምን ሸምድዱ የምርም ጓደኝነታችሁ ለማጠንከር ያግዛቹሃል ።

💡መክሊታችሁን ማዳበር ......!

📚 የሰው ልጅ በተፈጥሮ የተለያዩ መክሊቶች ተሰጥቶታል ። ታዲያ እናንተም የተፈጥሮ ስጦታችሁን በክበብ በመሳተፍ ማሳደግ አለባቹሁ፣ በገገሙ ትምህርት ብቻ ካንሰር ነው  የሚሆንባቹሁ ...ትወና የምትሞክሩ....ግጥም መጣጥፍ የምትሞክሩ ....ስዕል ....ሃይማኖታዊ ነገሮች የምትሞክሩ  ብቻ ግቢ ላይ ብዙ ክበቦች አሉ ...የሴቶች ...የበጎአድራጎት ...የሌለ የለም ....እና ተሳተፉ ማህበር  አለ ...ዕቁብ፣ ዕድር ሁላ አለ (ቀልዴ ነው ...) ....በቃ በዓል ግዜ ደስ ይላል ። የምትወዱት ከኖርማል ትምህርታቹ ላይ የሚደበል ...ዘፈን ከሆነ ...ስፓርት ከሆነ ...ኳስ ከሆነ .....ብቻ የምትወዱትን አንድ ነገር አዳብሯቹሁ ። ተገኙ .....በገገሙ ትምሮ ብቻ አይነፋም ...!


💡 የተለያዮ EVENT እና TOUR  እንዳትቀሩ ...

በግቢ ቆይታ ፍራንክ ባይኖራቹ ራሱ ተበዳድራቹ  ሀገር መጎብኘት አሪፍ ነው ። በቃ ceremony  ሲኖር ....ይሂዱ ባክህ አትበሉ ዳግም የሚገኝ ነገር አይደለም ጦቢያን የምር የምታውቁበት ነው ። ትምህርተ ጋር ካልተጋጨ በየ ግዜው  በአስተባሪዎች ጉዞ ይኖራል ። ስለዚህ.... አትቅሩ ...የመፅሀፍ ምረቃዎች ....አነቃቂ ንግሮች ...ትያአታራዊ ዝግጅቶች ይደረጋሉ .....አትቅሩ ....ታዋቂ ሰዎች በየግቢ እየመጡ በተለይ ወጣቶች የህይወት ልምዶቻቸውን ስለሚያጋሩ .....የምታደንቋቸው ሰዎች በየትኛው መንገድ ነው የተሳካላቸው ....የሚለው የህይወት ጉዞን ትማሩበታላቹሁ ...የፈታ ኢቨንቶችም አሉ በቃ ....ፈተና ሲያልቅ ምናምን ከች የሚሉ እና ሳትንዘላዘሉ ተሳተፉ ....እነ ሮፍናን ደግሰው መቼስ አይቀርም .....እነ እሸቱ መለሰ እየቀለዱ መቅረት ይከብዳል ....


⏰️ አዳዲስ ነገሮች ሞክሩ ...አትፍሩ ❓

📚 አዳዲስ ነገሮች የማድረግ ዕድሉ ስለሚኖረን ምንአቧቱ በእናት ሆድ አይለመድ አትፍሩ ሞክሩ ....ታዲያ ሱስ ምናምን ሳይሆን አሪፍ የሚባሉ ነገሮች የፍቅር ህይወትም ቢሆን ትምህርትን በማይነካ መልኩ ቢደረግ አይከፋም (ታዲያ ለሴሚስተር የሚቆይ ሳይሆን የምር መሆኑኑን ካመናችሁ ..) ....በግ ተራም ቢሆን አንዳንዴ መሄዱ ለክፉ አይሰጥም (አመራችሁ ዴ ቀልዴ ነው..)  .....ሀገራቹ ሄዳቹሁ ለማውራትም ኮ መሞከሩ አይከፋም ።ግን ብዙ አትንዘላዘሉ ...ቸክሉ ...በቃ የሚያስደስታችሁን አዲስ ነገር ሞክሩ .....ብዙዎች ካንፓስ ሃይማኖተኛ ያረጋቸዋል አንዳንዶች ደሞ ...."ፈላስፈ አንዳነዶች ....ዘልዛላም ይሆናል ....አንዳንዴ ሳታስቡት ሃርድ ውስጥ ትገቡ ይሆናል ....ታዲያ ያን ግዜ አትጨናነቁ ...Normal ነው ። በተረፈ መልካም ካንፓስ!

💬በመጨረሻም ካንፓስ ላይ ቆይታቹሁ ልትደሰቱበት የሚችሉበትን የማትፀፀቱበትን ነገር ብቻ ከውኑ ። በቃ ያማረ የግቢ ቆይታ እንዲሆንላቹ ምኞቴ ነው ። ጥሩ ጥሩ ነገሮች ሊያውም የማይደገሙ ሲያጋጥማቹሁ አትለፉ እርግጥ ዋናው ጉዳያቹሁ ትምህርት ቢሆንም ...መደሰቱ መሳተፉ አይከፋም ። አይዞን በቆንጆ ሁኔታ ይታለፋል ።

@genius_acadamy
@genius_acadamy

1GB ስንት MB ነው?