👂 #ምን_ተሰማ⁉️ 👂

የባየር ሙኒክ ደጋፊዎች ተቃውሟቸውን አሰምተዋል

የጀርመኑ ኃያል ክለብ ባየር ሙኒክ ባሳለፍነው ሳምንት መጨረሻ ከባየር ሊቨርኩሰን ጋር ባደረገው የቡንደስሊጋ ጨዋታ በርከት ያሉ የክለቡ ደጋፊዎች ከመለያ ጋር የተገናኘ ከፍ ያለ ተቃውሞ አሰምተዋል። በዚህም የባየርን ደጋፊዎች በክለቡ የመለያ ቀለሞች እና በተሻሻለው አዲሱ የኦክቶበርፌስት አርማ ደስተኛ አለመሆናቸውን በድምፅ እና በተለያዩ ምስል እና ፅሁፍ አዘል ባነሮች ሲገልፁ ተስተውሏል።

ተቃውሞው ባየርኖች በዘንድሮው የውድድር ዘመን ከባህላዊ ቀለማቸው ለመውጣት በመወሰናቸው የተሰጠ ምላሽ እንደሆነ ተሰምቷል።

ዘንድሮ ቡድኑ ወደ ጥቁር የተጠጋ ቀይ መለያ (ጥቁር ማርዮን) እንደ መጀመሪያ መለያ ሲጠቀም የቆየ ሲሆን ከሌቨርኩሰን ጋር በተደረገው ጨዋታ ደግሞ ልዩ ግራጫ የኦክቶበርፌስት መለያ (በተሻሻለው አርማ የተሰራው) ተጠቅሟል።

ባየርን የሚታወቅባቸው ቀይ እና ነጭ መለያ ቀለሞችን ማሻሻያ በማድረግ የዘንድሮውን የውድድር ዘመን የጀመረ ሲሆን የደጋፊዎቹን ተቃውሞ በማጤን ወደ ቀደመ ቀለሙ የሚመለስበትን ማሻሻያ ያደርጋል ወይስ የሚለው ጉዳይ የሚጠበቅ ሆኗል።

@goferesportswear