ኢንግሊዞች ዓለም አቀፍ ኢምፓነራቸውን ለማስፋፋት የረዷቸው ሁለት ነገሮች የባሕር ሃይላቸው እና የስለላ ድርጅታቸው ናቸው። የባሕር ሃይላቸው ዓለም አቀፍ ንግድን እንዲቆጣጠሩና በሀገራት ላይ ወረራቸውን እንዲያሳልጡ የረዳቸው ሲሆን የስለላ ድርጅታቸው ደግሞ ሀገራት ውስጥ ዘልቀው ገብተው ክፍፍልን ለመፍጠር፣ ጠንካራ ሀገራትን ለማዳከም፣ የነሱን ጥቅም የሚያሳልጡ ንቅናቄዎችን ለመመስረት ጠቅሟቸዋል።

ታዲያ ይህንን ካደረጉበት ውስጥ አንዱና በተደጋጋሚ የተፈጠረው በሀገራት ገብተው አዲስ ንቅናቄን ወይም ቡድኖችን መመስረት የተካኑበት ሲሆን ከነዚያም አንዱ የወሃቢዝም እንቅስቃሴ ነው። ይህንንም ያከናወነው ሰላያቸው አንድን ሙሃመድ አብድል ወሃብ የተሰኘ ወጣት በመጠቀም አዲስ የሱኒ እስልምና ክፋይ የሆነ አክራሪ እንቅስቃሴን በፈረንጆቹ 1744 መሠረተ። ይህም እንቅስቃሴ እስከ ዛሬ በኢንግሊዝ የሚደገፍ እና ለብዙ አክራሪ ቡድኖችም የሚመሩበት አይዲዮሎጂ ነው። ይህም እንደ አልቃይዳ፣ አልሸባብ፣ በሶርያ የነበረው ጀባት አል ኑስራ እንዲሁም አይ. ኤስ የዚህ አራማጆችና የአክራሪ ሽብርተኝነታቸው አንኳር የሆነ ነው።

እንዲያውም የአይ ኤስ መስራች የነበረው አንድ ኢንግሊዛዊ ግለሰብ እንደሆነ ሁሉ ይታወቃል። ዛሬ ላይ መካከለኛው ምስራቅ ላለበት የማያባራ ቀውስ እና ጦርነት የኢንግሊዝና ፈረንሳይ የእጅ ስራ ሲሆን ይህ አይዲዮሎጂም አንዱ የዛ ተግባራቸው አካል ነው።

ታዲያ ያንን ሲያደርጉ ከዛው ከአከባቢው ተወላጆች መልምለው ስለሚያሰማሩ እና ተመልማዮቹም ከውጪዎቹ ጋ ያላቸውን ግንኙነት በጣም በጥንቃቄ ስለሚደብቁ የአከባቢው ሰዎች የውጪ ተጽዕኖ ያለበት ንቅናቄ መሆኑን ባለመረዳት ይከተሏቸዋል።