[ኢብን ሽፋ - Ibn Shifa]

ተስፋ አትቁረጥ!! ይልቅ ፈጣንና ብልህ ሁን!!
———
ኢማም ዐብዱል ዐዚዝ ቢን ባዝ (ረሂመሁላህ) እንዲህ ይላሉ:-
“ተስፋ ልንቆርጥ አይገባም!!። የቢድዓ ሰዎች ርስበርሳቸው ይተባበራሉ ተስፋ አይቆርጡም፣ ይልቁንም በሁሉም መዳረሻዎች ወደ ጥመት ይጣራሉ፣ በማህበራዊ ሚዲዎች፣ በቲቪ፣ በጋዜጣ፣ በመፅሃፎች… ይጣራሉ። ይህ እንግዲህ ባጢል ነው። ወደ እሳት ነው የሚጣሩት። እነዚያ ወደ ጀነት የሚጣሩ ሰዎች ከነሱ የተሻለ የሚጓጉ ጀግናና ፈጣን ሊሆኑ ይገባል!!።” [አት-ተዕሊቅ ዐለ ነድወቲ ዘካት ከሚለው ካሴት]

ሸይኽ ብን ባዝ ይህን ያሉበት ወቅት ሶስት አስርተ አመታት ገደማ ነበር። ዛሬ ነገሩ ሸይኹ ከተናገሩትም በርትቷል። የቢድዓ ሰዎች ማህበራዊ ሚዲያዎችንም ሆነ ሌሎችን የብዙሃን መገናኛዎችን በመጠቀም የሱንና ሰዎች እንዳይታዩና ሀቅን እንዳያሰራጩ ጥረታቸውን ተያይዘውታል። ነፍሲያ፣ ስሜትና ቡድንተኝነት የሚጋልባቸው ሰዎች ብሰዋል። በተቻላቸው ሁሉ ሱንናን ይዋጉበታል፣ እስልምና ስሙ እንጂ እንዳይቀር ይተጋሉ፣ (ምክንያቱም ቢድዐና ስሜታዊነት ሲስፋፋ እስልምና ስሙ እንጂ ተግባሩ እየቀረ ይሄዳል።) ባለ በሌለ ሀይላቸው ድፍን ጥቁር የሆነን ውሸት በሰለፊዮች ላይ በመዋሸትም ያጠለሹዋቸዋል!። የሚስኪኑን ለዲኑ የሚጨነቀውን ህዝብ ልብ አውቀው እውነት ሊመስለው በሚችለው ነገር ላይ በሱኒዮች ላይ ውሸት ቀጥፈው ያቀርቡለታል። ሀራሙን ከሀላል፣ ሀላሉን ከሀራም በማደባለቅ ያመሳስሉበታል። ሳያጣራም ይከተላቸዋል፣ እውቅናም ይሰጣቸዋል።

ከምንም በላይ እውቅናን ፍለጋና ሚዲያን ለማግኘት ይተጋሉ። ታዲያ እውቅናንና ሚዲያን ባገኙ ቁጥር ሱኒዮችን ለማጠልሸትና ሰዎች ዘንድ የሀቅ ሰዎች እንዳይታወቁ ሰዎች ወደ እነሱ ሄደው ሀቅን እንዳይማሩ ለመሸፈን፣ መንገድ ለመዝጋት ነው የሚጠቀሙት። ፈፅሞ እንግዳነትና ባይተዋርነት ተሰምቶህ ተስፋ ልትቆርጥ አይገባም!!። ይልቅ ሰበቡን ካደረስክ ዲኑን እንደሚረዳው በአላህ ላይ ፅኑ እምነት ኖሮህ ከምንጊዜውም በላይ ልትነቃና ለህዝባችን በተቻለህ ሁሉ እውነቱን ግልፅ ልታደርግለት፣ ግልፅና ተጨባጭ ማስረጃዎችን ልታስጨብጠው ይገባል። አላህን (ተባረከ ወተዓላ) በሐቅ ላይ ፅናት ልንጠይቀው፣ በሀሳብና በእውቀት በተቻለን ሁሉ ርስበርሳችን ልንደጋገፍና ልንተዛዘን ፍቅር ሊኖረን!! ልንበረታታ ይገባል!!።
✍🏻ኢብን ሽፋ t.me/IbnShifa

የተለያዩ ት/ቶችን ለማግኘት የቴሌግራም ቻናላችን ⤵️ #join በማድረግ ይቀላቀሉ
https://telegram.me/IbnShifa
https://telegram.me/IbnShifa

🔹 ይህ☝️ ኪታብ እጅግ በጣም ወሳኝ ኪታብ ሲሆን! ሺርክና ቢድዓን አንኮታካች ተውሒድና ሱናን አንጋሽ የሆነ ሁሉም ሊያነበው የሚገባ መፅሃፍ ነው። ጠንካራ በሆነ የሱንና ሰው ተተርጉሞ ለአንባቢያን መቅረቡ እጅግ በጣም አንጀት የሚያርስ ደስታን የሚፈጥር ነው።
አላህ ለአዘጋጁ ለሸይኽ ሷሊህ ፈውዛንና ለተርጓሚው ለሸይኽ ዩሱፍ አህመድ በሱንና ላይ እስከ መጨረሻው ከመፅናት ጋር ከክፉ ነገር ሁሉ ጠብቆ የላቀ ምንዳ ይክፈላቸው!!
ኪታቡ ይነበብ!! መቅራት የቻላቹ ጥሩ!!፣ ያልቀራችሁት ግን አማርኛውን በደንብ አንብቡት!!
https://telegram.me/IbnShifa
https://telegram.me/IbnShifa

የጥመት ቡድኖች በአላህ ዲን ያለ እውቀት ይከራከራሉ!!
———
የጥመት አንጃዎችና ቡድኖች በአላህ ዲን ላይ ባጢልን የበላይ ለማድረግ ሐቅን የበታች ለማድረግ ያለ እውቀት ይከራከራሉ። አምላካችን አላህ ይህን አስመልክቶ ሲናገር በተግባራቸውም አመፀኛና ሞገደኛ የሆነውን ሸይጧንን እንደሚከተሉ እንዲህ በማለት ተናግሯል:-

وَمِنَ النَّاسِ مَن يُجَادِلُ فِي اللَّهِ بِغَيْرِ عِلْمٍ وَيَتَّبِعُ كُلَّ شَيْطَانٍ مَّرِيدٍ ۞ كُتِبَ عَلَيْهِ أَنَّهُ مَن تَوَلَّاهُ فَأَنَّهُ يُضِلُّهُ وَيَهْدِيهِ إِلَىٰ عَذَابِ السَّعِيرِ

«ከሰዎቹም ያለ እውቀት በአላህ ነገር የሚከራከር፤ ሞገደኛ ሰይጣንንም ሁሉ የሚከተል ሰው አለ፡፡ እነሆ! የተከተለውን ሰው እርሱ ያጠመዋል፡፡ ወደ ነዳጅ እሳት ስቃይም ይመራዋል ማለት በርሱ ላይ ተጽፏል፡፡» አል-ሐጅ 3 - 4

ታላቁ ሊቅ ሸይኽ ዐብዱረህማን ናስር አስ-ሰዕዲይ (ረሂመሁላህ) ይህን አንቀፅ ሲያብራሩ እንዲህ ብለዋል:-
“ከሰዎች የጥመትን መንገድ የተጓዙ ቡድንና አንጃዎች አሉ። ሐቅን በባጢል መከራከርን ተግባራቸው የደረጉ፣ ባጢልን የበላይ ለማድረግ (ለማረጋገጥ) ሐቅን ደግሞ ውድቅ ለማድረግ የሚከራከሩ አሉ። ሁኔታቸው ድካ በደረሰ አላዋቂነትና ከእውቀት ምንም የሌላቸው ናቸው። እነርሱ ዘንድ ያለው ግብ የጥመት መሪዎችን መከተል ነው። ከአላህና ከመልእክተኛው አፈንጋጭ ሞገደኛና አመፀኛ ከሆነው ሸይጧን ጋር ናቸው። አላህንና መልእክተኛውን ያመፀና ወደ ጀሀነም ከሚጣሩ የጥመት መሪዎች ሆኗል። ˝እነሆ! የተከተለውን ሰው እርሱ ያጠመዋል…˝ማለት:-  ሸይጧን ከትክክለኛው መንገድ ያርቀዋል፣ በትክክልም የሸይጧን ምትክ ነው። ይህ በአላህ መንገድ ላይ ያለ እውቀት የሚከራከር አካል ሁለት ጥመቶችን ሰብስቧል። አንደኛው እራሱን ማጥሙ ሲሆን ሁለተኛው ሰዎችን ከሀቅ መንገድ ዘግቶባቸው ማጥመሙ ነው። እርሱም ለአመፀኛና ለሞገደኛው ሸይጧን ተከታይና በጭፍን ተጎታች ነው። ይህ ደግሞ አንዱ በአንዱ ላይ የተደራረበ ጨለማ ነው። በዚህ ላይ አጠቃላይ ከሀዲዎችና የቢድዐ ባለ ቤቶች ይካተታሉ። አብዘሃኞቹ ጭፍን ተከታዮቻቸው ያለ እውቀት ይከራከራሉ።” [ተፍሲሩ ከሪሚ ረህማን ሊሸይኽ ናስር አስ-ሰዕዲይ - ረሂመሁላህ]
✍🏻ኢብን ሽፋ (t.me/ibnshifa)
የተለያዩ ት/ቶችን ለማግኘት የቴሌግራም ቻናላችን ⤵️ #join በማድረግ ይቀላቀሉ
https://telegram.me/IbnShifa
https://telegram.me/IbnShifa

ይሄው ነው እውነታው። ⤵️⤵️
https://t.me/IbnShifa/4469
ዛሬስ እነ ኢልየስ አህመድ ተስተካክለው ነው? ወይስ እነ ኢብኑ ሙነወር ወርደው ነው ከነሱ ማስጠንቀቁን የተውት? አቅል ላለውና ከጭፍን ተከታይነት ለወጣ ሁሉም ነገር ግልፅ ነው። አልሀምዱ ሊላህ እነ ሸይኽ ሑሰይን ግን ባሉበት ነው ያሉት። አላህ ሳይቀያየሩ በሐቅ ላይ እንዳሉ አላህን እስኪገናኙት ያፅናቸው!! እኛንም ጭፍን ተከታዮች ሳንሆን፣ አላህን እስክንገናኘው ከሐቅና ከተከታዮቹ ጎን ፀንተን የምንቆምና ሐቁንም በማስረጃ ግልፅ ለማድረግ ይወፍቀን!!
#join ⤵️ ቴሌግራም
https://telegram.me/IbnShifa
https://telegram.me/IbnShifa

🔹 ወንድሜ ኢብኑ ሽፋ ባነሳው ሐሳብ ላይ ትንሽ ለማከል የመርከዙ ሰዎች በኢብኑ መስዑድ ስም የሰበሰቡት ገንዘብ የመስራቾቹ የግል ሀብት እንጂ የሰለፍዩ ማህበረሰብ ንብረት አይደለም። ለዚህ ማረጋገጫው ለህብረተሰቡ ለመርከዙ ነው ተብለው የተገዙ ቦታዎችም እንዲሁም መኪኖችና የባንክ አካውንቶችንም ጨምሮ በመስራቾቹ ስም ነው የሚገኙት ። አል ዓፊያ አክሲዮን የያዘው ድርሻ የኢብኑ መስዑድ መርከዝ እንደሆነ ቅርበት ያላቸው ሁሉ ያውቃሉ። ዛሬ ግን ከእነዚህ መስራቾች የግል ሀብትነት ማውጣት የሚቻልበት የህግ አግባብ ያለ አይመስለኝም። ምክንያቱም መሪዎቹ በዚህ ጉዳይ የተካኑ ስለሆኑ። የዛሬ 10 አመት አካባቢ ሸይኽ ዐ/ ባሲጥ (ረሂመሁላህ) በነበሩ ጊዜ ዛሬ በጉያቸው ከከተቱዋቸው ዳዒዎቻቸው ውስጥ ሁለቱ ኢብኑ መስዑድ ላይ ባነሱት ቅሬታ ፉሪ ሐጂ ሪል እስቴት አካባቢ የተወሰኑ ወንድሞች በወንድም ዙበይር ቤት ተሰብስበው የእስትራክቸር ለውጥ መደረግ አለበት ብለው ኢልያስ አሕመድን መልእክት እንዲያደርስ ልከው ቀጠሮ ተይዞ ተገናኝተን ኢልያስ አወል ለተሰብሳቢው ኢብኑ መስዑድ ማለት እኮ ንብረት ነው ለማን እንድናስረክብ ነው የምትጠይቁት ነበር ያለው።
    ይህ ማለት የዛኔ ራሱ ኢብኑ መስዑድ ሀላፊነቱ የተወሰነ የግል ማህበር እንጂ የሰለፍዩ ማህበረሰብ አልነበረም። ዛሬማ በዐቂዳ እንጂ በገንዘብ ከማይገናኙዋቸው ሌሎች ድርጅቶች ጋር ተደምረዋል። ሁሉም የሰበሰበውን ይወስዳል ባይሆን አንዱ ሌላውን እንዳያሸንፍና እንዳይበልጥ ፍልሜያ ነው ያለው።
    የመርከዙ ሰዎች በተጠና መልኩ ከኢትዮዽያ 20 ባለሀብቶች ተርታ ለመመዝገብ በሚያደርጉት ሩጫ የተለያዩ ገንዘብ መሰብሰቢያዎችን በመሀል ከተማ በክ/ሀገርና በውጭ ሀገር ይነድፋሉ። ከእነዚህ ውስጥ ነሲሓ ቲቢ ፣ ነሲሓ በጎ አድራጎት ፣ አልሂዳያ እና የመሳሰሉት ይገኙበታል። የዛሬ አመት አካባቢ በጉመር ወረዳ አረቅጥ አካባቢ ባስገነቡት መርከዝ አማካይነት ገንዘብ ለማሰባሰብ ከላይ ወንድሜ ኢብኑ ሺፋ የጠራቸው አይነት የተለያዩ ባለብትና ነጋዴዎችን እንዲሁም ያብሬት ሸይኽና የቃጥባሬ ሸይኽን የሚያመልኩ ገበሬዎችና ሙሪዶች በተሰበሰቡበት አቶ አዩብ ደርባቸው ፣ ሰላሁዲን መለስና ዐ/ካፊ መሐመድ መድረክ መሪ የነበሩ ሲሆን አዩብ ደርባቸው በአብሬት ሸይኾች ስም መቶ ሺህ ብር በቃጥባሬ ሸይኾች ስም መቶ ሺህ ብር በማለት ቀብር አምላኪው ሱፍዩና አሕባሹም ጭምር እያስጮኸ ነበር ያስነየተው።
     እነዚህ አካላት አጋጣሚዎችን በመፍጠር ወላእና በራእን በማጥፋት ሁሉም የእነርሱን ኪስ እንዲያደልብ መስራታቸውን ከጊዜ ወደ ጊዜ ስልቱን እየቀያየረ የመጣ ጉዳይ ነውና የነሲሓ መዘጋት አጀንዳም የዚህ እስትራቴጂ አንዱ ክፍል ነው ለማለት እወዳለሁ።
https://t.me/bahruteka

ወደ ርእሴ ልመልሳችሁ…
ምክንያት ሶስት:- ሌላኛው የገንዘብ መበዝበዢያ መንገድ ብዙዎቻችን ከሁለት አመት በፊት በአደባባይ ሲሰበስቡ የተመለከትነው "ዳሩ ተውሒድ ፕሮጀክት" በሚል ስም ግዙፍ ህንፃ ገንብቶ ለማከራየት ሲሰበሰብ የነበረው ከፍተኛ ገንዘብ ነው። ይህ ህንፃ ተገንብቶ ከተከራየ ገቢው በቁጥር 1 ለነሲሃ ቲቢ… ወዘተ ወጪ መሸፈኛ ብለው ነው ሲያስተዋውቁት የነበረው። ገንዘቡ 100 ሚሊዮን ብር እንደሚያስፈልጋቸው አስተዋውቀው ስለነበር ብዙ ሰዎች ለዲን ነው በሚል ስም መኪናቸውንና መሬታቸውን ሁሉ ሳይቀር አስረክበዋቸው ካሰቡት በላይ ከፍተኛ ገንዘብ እንደሰበሰቡና የህንፃው ማሳረፊያ ቦታ እንደገዙ በተጨባጭ አውቃለሁ፣ ይህ ብዙዎች የሚያውቁትም የቅርብ ጊዜ እውነታ ነው። ታዲያ በየትኛው ስሌት ገንዘብ አጥቶ ተዘጋ?!

ምክንያት አራት:- ይሀው ልክ በዚህ መልኩ "ነሲሃ ቲቢ ተዘጋ፣ ሊዘጋ ነው…" እያሉ ስንት ጊዜ ነው ብር ያግበሰበሱት? ስንት ጊዜ ነው በዲን ስም ለዲኑ ሲባል በየዋህነት ምስጢሩን ባላወቀው ነገር ያለውን ጠራርጎ የሚሰጠው ህዝበ ሙስሊም ከፍተኛ ገንዘብ ያዋጣው? በቲቢዋ ስም ብቻ ህዝቡን ኪሱን የበዘበዙት ያ ሁሉ ገንዘብ የት ገብቶ ነው አሁንም ተዘጋ ብለው ህዝቡን ሊበዘብዙት የተነሱት?? ልብ ያለው ልብ ይበል!
ክፍል 2 ⤵️
https://t.me/IbnShifa/2628
✍🏻ኢብን ሽፋ (t.me/ibnshifa)
የተለያዩ ት/ቶችን ለማግኘት የቴሌግራም ቻናላችን ⤵️ #join በማድረግ ይቀላቀሉ
https://telegram.me/IbnShifa
https://telegram.me/IbnShifa

ነሲሃ ቲቢ በገንዘብ እጥረት ተዘግቶ አይዘጋም! የሙስሊሙ ህብረተሰብ ኪስ ይበዘበዝበታል እንጂ!!
—————ክፍል አንድ
በ ኢብኑ መስዑድ መርከዝ ስር የሚተዳደረው የሙመይዓ - ኢኽዋኑ ነሲሃ ቲቢ ተዘጋ በሚል ሙሾ አውራጅና አስለቃሽ ጭፍን ተከታዮች በየ ማህበራዊ ሚዲያው በዝተው እየተመለከትኩ ነው። የኢኽዋንና የሙመይዓ የጥምር የጥመት ቡድኖች የሆነው ነሲሃ ቲቢ መስኮት አንዳንድ ምስጢሩ ያልገባቸው ሰዎች በገንዘብ እጥረት ተዘጋ ሲባሉ እውነት መስሏቸዋል። አብዘሃኞቹ ደግሞ አፈቀላጤ የሆኑ ጭፍን አራጋቢ ሙሪዶችን አዘጋጅተው እያስጮሁ ስለሆነ ተጨባጩ ቢነገራቸውም እውነት ብለው ለመቀበል ሊከብዳቸው ይችላል።

በቅድሚያ ነሲሃ ቲቢ እውነት በገንዘብ እጥረት ነው የተዘጋው ወይ? በሚለው ነጥብ ላይ የተወሰነ ልበል።
ነሲሃ ቲቢ በየትኛውም ስሌት በገንዘብ እጥረት ሊዘጋ አይችልም!!።

ምክንያት አንድ:- በተለያየ መንገድ ገንዘብ ለመሰብሰብ እንቅልፍ የማይተኙ በመርከዟ አመራርነት ደረጃ የተቀመጡ ሰዎች በርካታ ቁጥር ያላቸው ከፍተኛ ባለ ሀብቶችን እና በየ ደረጃው የሚገኙ ነጋዴዎችንና በደሞዝ የሚተዳደሩ ደሞዝተኞችን ሳይቀር በተለያየ መንገድ በማጥመድ ለቲቢዋ ድጋፍ እንዲያደርጉ ከስራቸው አድርገዋል። ከነዚያ ባለ ሀብቶች ከፊላቸው በየ ወሩ መዋጮ በማድረግ ከፊላቸው ደግሞ በየ አመቱ ከፍተኛ የሆነ (ተራ ብር እንዳይመስላችሁ እያንዳንዱ ባለ ሀብት በሚሊየን ቤት) መዋጮ እንዲያደርግ አድርገዋል። ልብ በሉ! ገንዘቡ ሳይሰበሰብ እንዳይቀር ሰዎቹ ፖለቲካዊ ጫወታው ላይም የተዋጣልን አካሄድና የብር መሰብስብ ብቃት ያለን ብልጦች ነን ብለው ስለ ሚያስቡ ለባለ ሀብቶች ባለ ሀብት አስተባባሪዎችን ነው ያሰማሩት። ለሌሎች ደግሞ በየ ደረጃቸው በዘመድ፣ በአከባቢ ልጅነት፣ በየ ደርስ ቦታው… ወዘተ በየ ደረጃቸው ተመድቦላቸዋል። የተሰማሩ ባለ ሀብቶች ደግሞ በመሪያቸው ፍቅር ያበዱ የእነሱ ቀንደኛ ተላላኪና እራሳቸው ከፍተኛ የሆነን ገንዘብ ነይተው ሌሎችን በፉክክር የሚያስነይቱ ናቸው። ከባለ ሀብቶቹ ስለ ሚንሃጅ ብዙም ግንዛቤ የሌላቸው ኢኽዋኑም ሙመይዓውም… ሌላውም ለመልካም ነገር (ለዲን) ነው በሚል ስም እንዳሻው የሚያልባቸው አሉ፣ ከጅህልናቸውም ጋር በተለያየ ፊክራ የተዘፈቁ አሉ፣ ከነዚህም ውስጥ በኢኽዋን ፊክራ የተዘፈቁ ሆነው የመርከዙ ሰዎች ከእኛው ጀመዓ (ከኢኽዋኑ) ጋር አንድ ሆነዋል መደገፍ አለብን በሚል ስሜት የሚደግፉ አሉ፣ ቀደም ሲልም መርከዟን ባለ በሌለ ሀይላቸው ለዚህ ደረጃ እንድትበቃ ያደረጉ ለደዕወቱ ሰለፊያ ጉጉት የነበራቸው አሁን የመርከዙ አመራሮች ሲቀልጡ ይዘዋቸው የቀለጡና የሟሙ ከፍተኛ አቅም ያላቸው ባለ ሀብቶች አሉ። አይደለም እንዲህ ተረባርበው ይቅርና ብቻቸውን የቲቢውን ወጪ መሸፈን የሚችሉ ጠንካራ አቅም ያላቸው ባለ ሀብቶች ባሉበት "በገንዘብ እጥረት ተዘጋ" ብለው አስለቃሾችን ቀጥረው ሙሪዶችን አደራጅተው ማስጮሃቸው አሁንም ምስጢራቸውን ያላወቀውን ሙስሊሙን ማህበረሰብ "ና! አይንህን ጨፍንና እናሙኝህ" እያሉት ነው። ልብ ያለው ልብ ይበል!!

ምክንያት ሁለት:- ይህ መርከዝ ከተቋቋመበት ጊዜ ጀምሮ ከላይ እንደጠቀስኩላችሁ ገንዘብ ለማግበስበስ ሌት ከቀን እንቅልፍ በሌላቸው አመራሮቹ አማካኝነት ከፍተኛ የሆነ የእራሱ የገቢ አቅም አለው። ይህ የገቢ አቅምም አዲስ አበባ ላይ ብዙዎች የሚያውቁት አል-ዓፊያ አክሲዮን ማህበር ነው። ማህበሩ በተለያዩ ቦታዎች ጠንከር ያለ ክፍያ እያስከፈ ከሌሎች የግል ትምህርት ቤቶች ጋር የሚወዳደር ከፍተኛ ገቢ ያላቸው ት/ቤቶች አሉት። የእራሱን ቦታ ገዝቶ የገነባውን ሆስፒታል ጨምሮ ሌሎችም አቅሞች ያሉት አክሲዮን ነው። ብዙ ሰዎች ይህን አክሲዮን ከመርከዙ ለይተው ሲመለከቱት ይስተዋላል። አይፈረድባቸውም 1ኛ, እነዚህ በመሪነት ደረጃ ያሉ አካላት ወሳኝ በሆኑ ቦታዎች ካልሆነ በስተቀር ስሙን ከመርከዟ ጋር አያይዘው ማንሳት አይፈልጉም። 2ኛ, ብዙ ሰዎች አመሰራረቱንና አሁን ከሚያስተዳድሩት ሰዎች ጋር ምን ያህል ትስስር እንዳለው በቅርበት የሚያውቁት ነገር ስለ ሌለ እራሱን የቻለ የንግድ ተቋም አድርገው ይመለከቱታል።
መጋቢት 29/2010 ላይ 18 አካባቢ በሚገኘው በመርከዙ ዋና ህንፃ "ከመጅሊሱ ተቀላቅለን ልንሰራ ስላሰብን እንዲሁም ቲቪ ለመክፈት ፕሮሰስ ጨርሰን እቃዎቹን እያስገባን ስለሆነ ልናወያያችሁ አስበን ነው" የሰበሰብናችሁ በማለት ከተለያዩ ቦታዎች በኡስታዝነት ደረጃ ተቀምጠው በስራቸው የሚገኙ ሰዎችንና የሱሩሪያ ፊክራ የነበራቸውን ሰዎች በሰበሰቡበት ወቅት ከመርከዙ በዋና አመራርነት ከሚጠቀሱ ሰዎች አዩብ ደርባቸው የሚባለው አል-ዓፊያ አክሲዮንን አስመልክቶ የመርከዙ ዋና ሀብትና የገቢ ምንጭ መሆኑን ተናግሯል። ይህን መናገሩን ያስታውስ አያስታውስ አላውቅም እንጂ በወቅቱ ወንድሜ ኡስታዝ ሸምሱ ጉልታ (አቡ ሀመዊየህ) ከሀዋሳ መጥቶ ተሳትፎ ነበር። ይህን እውነታ በተጨማሪ አክሲዮኑ ሲመሰረት የነበሩ አንዳንድ በገንዘባቸውም ጭምር ያገዙ ባለ ሀብቶች አጫውተውኛል። ታዲያ ይህ ሁሉ አቅምና የገቢ ምንጭ እያለ ቲቢዋን ዘግቶ የሙስሊሙን ማህበረሰብ ገንዘብ መበዝበዙ ለምን አስፈለገ? ህዝበ ሙስሊሙን መንሀጁንና ገንዘቡን አጭበርብረውት የት ሊያደርሳቸው ይሆን?!

በነገራችን ላይ በመጋቢት 29/2010 ስብሰባ ላይ የነበሩት አብዘሃኞቹ ተሰብሳቢዎች በቅርበት የማውቃቸው ሲያኮርፉና ሲያሻቸው ወደ ሱሩሪዮች ሲላቸው ወደ መርከዟ ልጥፍ የሚሉ የነበሩ የዛኔም ሚናቸውን ያልለዩ በሁለት ማሊያ እየተጫወቱ የነበሩ ሰዎች ነበር የሞሉት። እኔና ወንደሜን አቡ ሀመዊያን ጨምሮ አንድ ከሀረር የመጡ አሁን በትክክል ስማቸውን የማላስታውሳቸው ከመጅሊስ ስለ መስራት ሲነሳ በቁጣና በጩሀት አውግዘው ከተናገሩ በኋላ ጥለው የወጡ ሸይኽና ከባህር ዳር የመጡ በወቅቱ በእጅጉ አውግዘው በመናገር "ለምን እራሳችንን ችለን አንጓዝም?፣ ለሰለፊያ ደዕዋ እንዲህ ያለ መሰረት ካገኘን በኋላ (ህንፃውን ማለታቸው ነው) ለምን ትላንት ስናወግዛቸው ከነበሩት ከኢኽዋንና ከሱፊይ እንጨመራለን?!" በማለት ቁጣ አዘል ጥያቄ ያቀረቡ ሸይኽና በሰለፊያው ጀመዓ የሚታወቁ ጥቂት ሰዎች ብቻ ነው የነበሩት። ከስብሰባው በኋላ በተለምዶ (አባ ዱላ) በሚባለው በመርከዙ መኪና ወደ አየርጤና ስንሄድ ከመርከዟ አመራሮች አንዱ የሆነውን ኤልያስ አወልን በጠንካራ አቋማቸው የማውቃቸውን ሰዎች ስም ጠቅሼ ለምን አልመጡም?፣ ለምን አልተሳተፉም ወይስ አልጠራችኋቸውም ነው አልኩት? ምንም እንኳን ጥያቄ ምቾት ባይሰጠውም ሳይመልስልኝ ማለፍ አልቻለምና "እነ ባህሩ ተካን ማለትህ ነው አለኝ?" አዎ፣ ሌሎችም ብዬ የአሁኖቹን የአዲሶቹን ሙመይዓዎችንም ስም ጠቃቀስኩለት። "እነሱ ቢመጡም አንግባባም፣ ይልቁንም ሌላውንም ያስበረግጉብናል" አለኝ። እኔም:- ታዲያ በዚህ መልኩ መጓዝ ይሻላል? አልኩት። "አዎ በተለያየ ጊዜ እንወያይ ብለን ስንገናኝ ትርፉ ጭቅጭቅ ነው፣ ዝም ብለን ስራ ብንሰራ ይሻላል" አለኝ። እኔም ትዝብቴን ይዤ በጭንቅላቴ የሚመላለሱ ጥያቄዎችን ከዚህ በላይ መቀጠል ስላልፈለግኩ ዝምታዬን መርጬ አየርጤና ስንደርስ አውርዱኝ ብዬ ወደ ፉሪ ጉዟቸውን ቀጠሉ።

የማንበብ ልምዳችንን እናዳብር!!
———
ብዙዎቻችን አጫጭር የማህበራዊ ሚዲያ ፅሁፎችን ከማንበብ የዘለለ በትግስት የምንጠቀምበትን ረዘም ያለ ፅሁፍ የማንበብ ልምድ የለንም። ምንም እንኳ ሰው ከጉድለት ባይፀዳም በአባባል ደረጃ "ማንበብ ሙሉ ሰው ያደርጋል" ይባላል፣ ይህ የማንበብን ደረጃ ለመግለፅ የተፈለገበት አባባል ነው። የሱንና ፅሁፎችን በዐረቢኛም ሆነ በሌሎች በምንረዳቸው ቋንቋዎች ማንበብ መልመድ ትልቅ ተሰጦዖ ነው። ጊዜያችን በአጋጉል ነገርና በማይረባ ነገር ስልክ እየጎረጎሩ ማቃጠል አላህ ፊት ከተጠያቂነት አያድንምና በሚጠቅሙ ት/ት ነክ በሆኑ የሱንና ፅሁፎችና መፅሃፎችን ከመጀመሪያ እስከ መጨረሻ በትግስት አንብቦ ሀሳባቸውን ለመረዳት መሞከር ለላቀ አስተሳሰብና ሸሪዓዊ ነጥቦችን በማስረጃ ለማወቅ ይረዳል።
ታላቁ ነቢይ (ሶለላሁ ዐለይሂ ወሰለም) اقرأ አንብብ ተብለዋል። ኢስላም የተስፋፋው በፅሁፍ ነው፣ ደጋግ ቀደምቶቻችን እነ ኢማሙ አሕመድ፣ ማሊክ፣ ሻፊዒይ፣ ቡኻሪ፣ ሙስሊም፣ ትርሚዚይ፣ እነ ኢብኑ ተይሚየህ… (ሁሉንም አላህ ይዘንላቸውና) የመሳሰሉት ሊቃውንቶች ዲኑን ያስተላለፉልን በፅሁፍ ነው። ማንበብ ካልቻልንና ለማንበብ ትግስት ከሌለን እንዴት ይህን ዲን በሚገባ ልንረዳ እንችላለን?!
በዚህን ጊዜ ሁሉም ነገር ተመቻችቷል፣ ዐረቢኛ የሚችል የተለያዩ የኢስላም ልሂቃን ሳይደክማቸው የተለያዩ ኪታቦችን ፅፈውልን ሄደዋል፣ ዐረቢኛ የማይችል በተለያዩ ቋንቋዎች የተዘጋጁ የሱንና መፅሃፎችን ማንበብ ይችላል። እነሱ ሲፅፉት ያልደከሙት እኛ ለማንበብ ደክመናል። በየ ደረጃው ለማንበብ ጥረት ማድረግ ግድ ይላል።
ስናነብ በማያሰላቸንና በሂደት ልምድ በምናደርገው መልኩ በትንሽ ትንሹ ሀሳቡን በደንብ እየተረዳን በማንበብ በሂደት ከፍ እያልን መሄድ እንችላለን።
🔸በዛው ልክ አጥፊ ከሆኑ ከጥመት ቡድኖችና ምንጫቸው ከማይታወቁ ልበ ወለድ የሆኑ የፈላሲፋ ፅሁፎችን ከማንበብ መጠንቀቅ ነው!! እንዲህ አይነት መፅሃፎችን ማንበብ የሚፈቀደው ለአንድ ነገር ብቻ ነው፣ እሱም ጠንካራ ሸሪዓዊ እውቀት ኖሮት ምላሽ (ረድ) መፃፍ ለሚፈልግ አካል ብቻ ነው።
"አንብብ" ተብለው የተላኩት የታላቁ ነቢይ ትውልድ (ኡማ) እንዴት አያነብም?!
የማንበብ ልምዳችንን እናዳብር!!
✍🏻ኢብን ሽፋ #join ⤵️ ቴሌግራም
https://telegram.me/IbnShifa
https://telegram.me/IbnShifa