Статистика Избранное

ሳሙኤል አለሙ-Samuel alemu

Гео и язык канала: Эфиопия, Амхарский

Категория: не указана

ሌላ መገኛዬ...
facebook.com/samialemu

Связанные каналы | Похожие каналы

Гео и язык канала

Эфиопия, Амхарский

Категория

не указана

Статистика

Избранное

Фильтр публикаций

Скрывать удаленные

Скрывать репосты

ሳሙኤል አለሙ-Samuel alemu

15 Dec, 13:04

እንባሽን ቋጥሬ
ጌጣጌጥሽን አንጥሬ
ካይኖችሽ ብርሐን አቅርሬ
ቀስተ ደመና መኃል ተንጋልዬ
እንደ ጎበዝ
ስቄ ተንፈራፍሬ
አልቀር ተቀብሬ!

[ሰለሞን ደሬሳ]

Enjoy your ሰንበት❤️
@Samuelalemuu

72 0 1 2

ሳሙኤል አለሙ-Samuel alemu

10 Dec, 07:15

እንበልና...
በጨዋታሽ
መዳፍሽ የዋለች
ጎልያድን የጣለች
አንድ ጠጠር አለች

እንበልና...
ይች ጠጠር
አፍ አውጥታ ብትናገር
ትልቁ ታሪኳ ባጀብ የሚያስመካት
ጎልያድን መጣል ነው እጆችሸን መንካት?

[ HEnock Bekele ]

@Samuelalemuu

141 0 0 2

ሳሙኤል አለሙ-Samuel alemu

5 Dec, 20:58

|
መልክሽ ላይ....
ፊትሽ ላይ......
በተጣለ ድንኳን....
(በተቀለሰ ዳስ...)
ሳቅ የሚታደመው ---- ደስታ ተደግሶ፤
ና ብለን ሳንጠራው--- ለምን መጣ ለቅሶ?!
|
ለምን ታለቅሺያለሽ?
(እየሳቅሽ አልነበር!?)
ደስ ብሎሻል አይደል....?
(ሆድሽም ጥርስሽም--- ሳቅ ነው ያረገዘው)
ለምን እንባሽ መጣ--- ልብሽ ሳይጋብዘው?!
|
አየሽው ዓለሜ....?
እንባሽ ቀላዋጭ ነው....
(ድንኳን ሰባሪ ነው....)
ሳይጠሩት ይመጣል፣
(በደስታሽ ወንበር ላይ....)
ከሳቅሽ አጠገብ ---አብሮ ይቀመጣል።
|
እየሳቅሽ አልነበር....?!
እየሳቅሽ አልነበር....?!
(እንባሽ ከየት መጣ?)
በሳቅሽ መካከል -- ለምን ታለቅሺያለሽ?
(ምናልባት ማን ያውቃል...)
ደስታሽ የከለለው --- ድብቅ ሀዘን አለሽ....

[ በቃሉ ሹምዬ ]

@Samuelalemuu

207 0 1 4

ሳሙኤል አለሙ-Samuel alemu

4 Dec, 18:45

------------
የአንዲትን ሴት ዕድሜ
ወንድ ተሸክሞት
ወደ የትም ሄዶ ፣ ሲመለስ ወደ አንቺ ፣
ለምን መጣ ብለሽ
ለምን ሄደ ብለሽ ፣ ተይ አትመልከቺ ፣
.
ከብዙ ትዝታ
አንዷን አንጓ መርጠሽ

ብቻሽን መብሰልሰል
ብቻሽን መተከዝ
ብቻሽን መከፋት ፣
መሄድ ያረጠበው
ሽራፊ ሳቅ መልቀም ፣ ዘለላ እንባ መድፋት ፣

ተይው እባክሽን
.
የቆመሽበት አንጓ
ትዝታ እንዳቀፈ
ያለፈ ሕይወትሽ ፣ ከዛሬ ታሪክሽ እንደተኳረፈ ፣
.
አንድ ዘፈን መርጠሽ
የአንዱን አንገት አንቀሽ ፣
ምን እንደሚጠላ
ምን እንደሚያፈቅር ፣ ሁሉንም ጠይቀሽ ፣
.
አብረሽው እደሪ
ትናንት አለ ላንቺ ዛሬን ተበደሪ ።

ያለፈውን እርሽው
በአሁን ሳቅ ተርኩሽው

' ቅድም እንጃለቱ '
' ትላንት እንጃለቱ '
' ነገም እንጃለቱ '
.
ተስፋ አለኝ አትበይኝ
ሰው አለኝ አትበይኝ
ሁሉን እቅፍ ልመጅ ፣ ሁሉን እቅፍ ናቂ ፣
ከመጣው ተስማሚ ፣ ከሄደው ራቂ ፣
.
ከዛ ተመልከችው
ተመልከች ዓለሙን
ተመልከች ደመና
.
ሁሉን እርግፍ አርገሽ
የሃዘንሽን ክፍተት ፣ በአሁን ደስታ መርገሽ ፣

ባለፈ ዘላለም ሳታቀረቅሪ
ወደ ትናንት ሳትሄጅ ከነገ ሳትቀሪ

ፀሃይን ተመልከች
ተመልከች ሰማዮን
.
ብርሃን እንዳ'ይሰጥ ፣ እንደሸፈነው ጉም ፣
ምን አልባት ከገባሽ
አሁን ብቻ መኖር ፣ የሚሰጠው ትርጉም ።

[ ሶሎሞን ሽፈራው ]

@Samuelalemuu

189 0 1 1

ሳሙኤል አለሙ-Samuel alemu

1 Dec, 11:54

… ጊዜ ይፍታሽ ብለህ…
ዕድሜ ይፍታሽ ብለህ…
ስትሰናበተኝ ተሰናበትኳቸው ፣ ምግባሮቼን ሁሉ
ፍቅር የ‘ግዚአብሔር ነው፤
በጣም ማፍቀር ደግሞ ፣ የሰይጣን ተንኮሉ!

[ መዘክር ግርማ ]

@Samuelalemuu

281 0 2 1

ሳሙኤል አለሙ-Samuel alemu

26 Nov, 09:30

ባንተ ስም ተጠራሁ
በድፍረትህ ኮራሁ
ግን ልትለየኝ ነው
ብቻዬን ነኝ ፈራሁ ።

ለካ እንዲህ ብርቅ ነው
የአንድ ለሊት እንቅልፍ
ለካ እንዲህ ይሞቃል
የክንዶችህ እቅፍ
አይ የጦርነት ግፍ !

ምን ላ'ገር ቢዘምቱ ፤ ጠላትን ቢመቱ
ለሰንደቅ አላማ በክብር ቢሞቱ
ነገር ሁሉ ከንቱ !
የልብ አያደርስም
የአፍቃሪን ጥያቄ ፥ ጦር ሜዳ አይመልስም ።

መቼስ ልትሄድ ነው
ዝመት የአባትህ ነው
ኢትዮጲያዊ ሆነህ የተለመደ ነው
ግን "እንጋባለን" ብለሀል ለግንቦት
ነገርኩህ ! እንዳትሞት !

ሐብታሙ ሃደራ

285 0 2

ሳሙኤል አለሙ-Samuel alemu

22 Nov, 09:45

እንደምትወዳት ንገራት,

(በእውቀቱ ስዩም)
ሕይወት የብድር በሬ፥መቼ ሁሌ ይጠመዳል
ለጊዜው ብቻ የመጣ፥ ጊዜው ሲደርስ ይሄዳል
የተሰጠህ ጸጋ ሁሉ፥ ደሞ ካንተ ይወሰዳል::

ቀለበት፥ አምባር አይደሉም
እጅህ ላይ ሁልጊዜ የሉም
-ቀናት ሳምንታት ወራት
ዛሬውኑ ፥አሁኑኑ፥ እንደምትወዳት ንገራት::

አበቦች ሁሉ ሳይረግፉ
ምኡዝ ሽታዎች ሳይጠፉ
ያጸድ በሮች ሳይቆለፉ
በንቦች ጎዳና ላይ፥ተርቦች ሳይሰለፉ
በንፋስ ክንፍ ሳይመታ
ሕይወት የላምባ መብራት
አሁንኑ ዛሬውኑ ፥እንደምትወዳት ንገራት፤

ርቃ ሳትገሰግስ
ገና ስንቋን ስትደግስ
እንዲሁ እንዳማረባት
ቀልብህ እንደቀረባት
መቃብር በመዳፉ
እንደጠጠር ሳይቀልባት
አፈሩን ሳትዛመድ
ወደማትቀባው አመድ
ወደማትስበው አየር
ሳትቀየር
አንትም አንደበት ሳለህ፥ እሷም ጆሮ ሳያጥራት
ዛሬውኑ! አሁኑኑ! እንደምትወዳት ንገራት።

@Samuelalemuu

295 0 2 4

ሳሙኤል አለሙ-Samuel alemu

20 Nov, 16:49

"ክንፋም_ከዋክብት" በሚለው ከ50 ገጣሚያን ጋ በቅርብ ቀን የታተመው የግጥም መድብሌ ቀሪ መፅሃፍት እጄ ላይ ስላሉ መግዛት የምትፈልጉት:-
@samuelalemu5
ልታወሩኝ ትችላላቹ! አመሰግናለሁ🙏

@Samuelalemuu

259 0 0 4

ሳሙኤል አለሙ-Samuel alemu

19 Nov, 12:51

የነካካችኝን
ያስነካካችኝን
'ካንድ ከ'ሷ በቀር ሌላ ሰው ማን ያውቃል
ዕድሜ ካነደደው
ከሴት ገላ በልጦ ፎቶዋ ይሞቃል

ይሞቃል
ይደንቃል
ምስሏ ጎኔ ሲያድር
ልቤን እንደ ክብሪት
እሳት ትላንት አዝሎ እየተረኮሰው
እጅ አለው ፍሬሙ ያቅፈኛል እንደሰው

እጅ አለው ፍሬሙ
መነካካት ያውቃል
አይዞህ ማለት ያውቃል
በተለመደ አይነት ሲያዩት መመልከቱን
ብቻ አይናገርም የሄደችበቱን

መኖር ጉደ ብዙ
ደብር እንዳጣ ካህን
ዜማ እና ውዳሴ እንዳንሰፈሰፈው
እንደከዱት ወዳጅ
''ይሁን ይሁን'' ብሎ ሁሉን እንደሚያልፈው

እያብሰለሰለኝ
እያመናተለኝ
ሰው ለምዶ ሰው ማጣት
በቀን እዬቀጣኝ እዬናደው ቤቴን
ናፍቆት እሳት ሆኖ በላው ሰውነቴን

ከተራራው ማዶ
ሌላ አለ ተራራ
ዘመድ እዬሰራ
ወዳጅ እያፈራ
መልዕክት ይላላካል በንፋስ ደብዳቤ
ወቅት እዬጠበቀ
ሰማይ ይታጠናል በምድር እጣን ከርቤ

የሰማይ አሞራ
ምን ሲበር ቢውል
አያድርም ሌላ አገር
መንገድ ቀናኝ ብሎ አይከርምም በቆዬው
ወዳጅ ትቷል'ና
እመጣለሁ ብሎ ስሞ የተለዬው

ይሄን ሁሉ ምስጢር
አታውቅም አልልም ምንድነው ትርጉሙ
ብቻ ግን ብች ግን
ይቀናታል መሰል
ቀን ሃሳብ አርግዞ በሌት መታመሙ

''እከሳለሁ እንጂ እመነምናለሁ
ፍቅር ማንን ገሎ እሞትልሻለሁ''

እንደሚሉት አይነት
አልሞትኩም አልልም
አለሁም አልልም
እንደቆዬ ህመም እን'ዳደረ ግርሻ
ጠርዝ ላይ ሲቀጥሩት
ከመሃል መቅረት ነው ያፍቃሪ ሰው ድርሻ ።

#Amare_zewdu

@Samuelalemuu

227 0 0

ሳሙኤል አለሙ-Samuel alemu

17 Nov, 10:20

ሳይኮሎጂስቶች እንደሚሉት ሐዘን (grief ) አምስት ደረጃዎች አሉት ። የመጀመሪያው ደረጃ denial ይባላል ። የተፈጠረውን ነገር አልተፈጠረም ብለን የምንክድበት ደረጃ ነው ። ሁለተኛው ደረጃ anger ይባላል ። "ለምን ? ምን በደልኩ ?" እያልን የምንተክዝበት እና ከመሬት ተነስተን በሁሉም ነገር የምንነጫነጭበት ደረጃ ነው ። ሶስተኛው ደረጃ bargaining ይባላል ። እስከዛሬ ከሸሸነው ነገር ጋር ፊትለፊት የምንጋፈጥበት ደረጃ ነው ። አራተኛው ደረጃ depression ይባላል ። የተፈጠረውን ነገር አምነን የምናዝንበትና የምናለቅስበት ደረጃ ነው ። አምስተኛውና የመጨረሻው ደረጃ Acceptance ይባላል ። እዚህኛው ደረጃ ላይ ሐዘኑን ሙሉ ለሙሉ ተቀብለን እና "ለበጎ ነው" በማለት ተጽናንተን ወደፊት የምንጓዝበት ደረጃ ነው ።

ብቻ ምን ልል ነው እነዚህን ደረጃዎች ሳይኮሎጂስቱና ባለቅኔው በውቀቱ ስዩም በሚያምር አማርኛና አገላለጽ በውስን መስመር እንዴት እንደገለጻቸው ተመልከቱ ለማለት ነው

አዎ !
ለጊዜውም ቢሆን ፤ ግፍ ያደነዝዛል (denial)
በደል ያስተክዛል (anger)
ጊዜም ጠብን ሽሮ ፤ ወደፊት ይጓዛል
በልብ ሰሌዳ ላይ ፤ ቂም ይደበዝዛል (bargaining )
በነገ ያመነ
ልጁን ቀብሮ መጥቶ ፤ ሚስቱን ያስረግዛል ። (depression & acceptance)

Cc habtamu hadra

@Samuelalemuu

219 0 2

ሳሙኤል አለሙ-Samuel alemu

16 Nov, 16:44

ጉባዔ ዳር የበራች ጧፍ ፣
ወይን አምባ ላይ የታሰረች
ባለ ድባብ የወሎ ሰው ፣
የጌታ ልጅ የነበረች

ዝናብ መሃል ምጠልቅ ጸሃይ ፣
የሴት ልቧን እያባባት
በ'ጇቿ አፈር እየጫረች ፣
ጭንቅ ሃሳቧ እንዲቀላት

እጥፍ ኩርምት ፣ ካለችበት
ነበር ገጥሟት ፣ እንደዘበት
አፈር በ እጇ ፣ እየጫረች

[ ይህን አለች ... ]

« ከእጆቼ የተወው ቁስል ፣ አልነበረም
ለጎኔም ክፍተት ፣ አላስቀረም
ያዘነልኝ አባት ፣ ፈውሶኛል
ስለዚህ...
ነበር ማለት ተስኖኛል ።

የእጄን ቁስል መልስልኝ
ለጎኔም ሽንቁር አበጅልኝ

መበርታቴን ላሳይበት
ጠባሳዬን አትከልክለኝ ፤
ቀን ወጣልኝ እንድልበት

እፎይ ብለው ፣ እንዳረፉ
ጭንቅን ጥለው ፣ እንዳለፉ
ለጠባሳም ይደከማል
[ ለምን ? ]
ማሸነፍን አለመንገር ፣
ከመሸነፍ እኩል ያማል »

[ ይህች ነፍስ ... ]

ወይን አምባ ላይ የታሰረች
የጌታ ልጅ የነበረች
ወሎዬዋ ቅን አምሰልሳይ
ዝናብ መሃል ጀምበር መሳይ

እጥፍ ኩርምት ካለችበት
የመጣችው መንገድ ደክሟት
በ'ጇ አፈር ስትጭርበት

የሴት ልቧን ቢያባባትም
እትም ቁስል ባይኖራትም
ብዙ አልፋለች እንደዘበት ።

[ ቶማስ ትዕግስቱ ]

@Samuelalemuu

221 0 0 5

ሳሙኤል አለሙ-Samuel alemu

15 Nov, 07:21

እሺ ግን ጥላኝ ብትበርስ ?

[ Habtamu hadera ]

@Samuelalemuu

226 0 3 5

ሳሙኤል አለሙ-Samuel alemu

13 Nov, 19:52

በመኖር አጸድ ውስጥ
(በእውቀቱ ስዩም)

ጊዜ ከሰው መሀል- መርጦ ሲያቀማጥል
ማጣት አለ ደሞ፥
የወለዱትን ልጅ፥ ጉድፍ ላይ የሚያስጥል
በተፈሰከ ቀን፥ ጾምን የሚያስቀጥል::

እድልና ትግል በሚጫወቱበት
በደልዳላው ስፍራ
አለቃና ጭፍራ-
-ቃል ሲለዋወጡ፥ ውልና መሀላ
“አብረን እናድጋለን” ቢባል ለይስሙላ
ወንዙን ሳያጎድል ፥ሐይቁ መች ሊሞላ፤

ጸሐይ ብትወጣ
ፍጥረት በጠቅላላው ጸጋዋን ቢቀበል
የደመናም ጠበል፥
ለሁሉ ቢደርስም
አንደኛው አያድግም፥ አንዱን ሳያከስም::

@Samuelalemuu

276 0 1

ሳሙኤል አለሙ-Samuel alemu

12 Nov, 18:20

በቀን እንደሞትኩ...
(ሳሙኤል አለሙ)

ካፈሩ ላይ አፈሩን አራግፈነው
ከሰማዩቱ ሰማያቱን አልፈነው
ሄድን ሄድንና...
ከፈጣሪ የፍርድ መንበሩ ጋር ደረስን፤
ተረኛ ነበርና...
ደጃፉ ላይ ወንበር ስበን ተቀመጥን።
ተረኛ እስኪጠራ ፥ እስኪገባ ፈጣሪው ጋ
ትዝ ይለኛል ፥ ባንዲት ርዕስ ስናወጋ።

ሞትኩኝ...
የሚላስ የሚቀመስ አጥቼ
ሞትኩኝ...
"ትን" ብሎኝ ብፌ አሰናድቼ
ሞትኩኝ...
አልጋ ላይ ላመታት እንዳልነበርኩ ማቅቄ
ሞትኩኝ...
ስዝናና ውዬ ስመለስ ደክሞኝ መሪ ለቅቄ
ሞትኩኝ...
በተኛኹበት ወዳጄ ባልኩት በሰው ታንቄ
ሞትኩኝ...
ሞትኩኝ ሲሉ ፥ ኹሉ ኹሉም በየተራው
በቀኑ እንደሞተ ፥ ኹሉ ሰው ሚያወራው።

እኔ ግን...
እኔ ግን...
በቅጡ መኖሬን
በቅጡ መሞቴን ስላላወኩ
በቀኔ ሳይሆን በቀን እንደ ሞትኩ
አስታውሼ ነበር ፥ የተናገርኩ!

@Samuelalemuu

256 0 5

ሳሙኤል አለሙ-Samuel alemu

11 Nov, 20:34

እፈራለሁ
[ ]

ቆይ፥
መንፈስ ብትሆኚስ?
ለእኔ ብቻ የሚታይ ፥ ከህልም የተሰራ፥
'ዴልዩዥን' ብትሆኚስ?
የምኞት መዶሻ ፥ ጠራርቦ ያቆመሽ ፥ የልቤ ፈጠራ፤

ከጨዋታ መሐል ፥ ድንገት ብትጠፊብኝ፤
'የታለች?' ስላቸው፥
'ማን ናት ደሞ?' ብለው ፥ ሰዎች ቢስቁብኝ፤

ህልም ብትሆኚስ?
ስነቃ ብትቀሪስ?
ቆይ አሁን፥
ጭራሹን ባትኖሪስ?

ሞልተሽኝ በእቅፌ፥
እጆቼን ቀንፌ፥
ደስታዬ እንደድመት ፥ ልቤን እየላሰው፥
ሳቅ ሆዴን ሲያምሰው፥
ባዶዬን ቢሆንስ፥
ብቻዬን እንደእብድ ፥ የምታየው ለሰው?
እንደንፋስ ነክቶኝ ፥ ሲያልፍ ሰቀቀኔ፥
ከተዳከምሁበት ፥ ከውብ ሰመመኔ፥
'ቢሆንስ?' እያልሁኝ፥
ድንገት እየባነንሁ ፥ እፈራለሁ እኔ፥

መቼም፥
ነፍሱን መርጦ አጥቦ ፥ ውድ አካል ቢያለብሰው፥
ምን ያህል ቢወደድ ፥ ፍቅር ቢያንተርሰው፥
እንዲህ ሁሉ አምሮለት፥
በስጋና በደም ፥ አይገለጥም ሰው።

#ሚካኤል_ምናሴ

@Samuelalemuu

242 0 2 3

ሳሙኤል አለሙ-Samuel alemu

10 Nov, 11:47

የወደድሽኝ
የማትሸሺኝ
"ሀብ ይሙት" ካልሽ የማትዋሺኝ
ይመስለኝ ነበር እኮ...

የህይወት ትርጉም የገባሽ
ፍቅርን ከኑሮ ያግባባሽ
በእምነት ፥ በስክነት የሰባሽ
ይመስለኝ ነበር እኮ ...

እግዜር ከእንከን ያጠለለሽ
ከክፋት አይን የከለለሽ
እንኳን የራስሽ እግር ፥ የራስሽ መንገድ ያለሽ
ይመስለኝ ነበር እኮ ...

ለካ ሰው ነሽ
ለካ ሴት ነሽ
ልቤ ነበር ያገዘፈሽ
ላባ ገጥሞ ያከነፈሽ

ለካ ሰው ነሽ ... ያውም ተራ
ምስኪን አይቶ የማይራራ
በድን ገድለሽ የምትፎክሪ
በነውርሽ የምታቅራሪ
ፈሪ !

ለካ ሰው ነሽ ...
አለሁ ብለሽ የምትሄጂ
ቃል ሳይከብድሽ የምትከጂ
ነፍስሽን በልተሽ ጨርሰሽ
ዖና ስጋሽን የምትጎትቺ !

ለካ ሰው ነሽ ... እንደ ማንም
ሲገርም !

By Habtamu Hadera

@Samuelalemuu

250 0 0 4

ሳሙኤል አለሙ-Samuel alemu

8 Nov, 07:47

ጥለሽኝ ስቴጂ
ጩአት እሪታዬን እንደምን ላምቀው?
አስጩኦ አይደለም ወይ?
ሰይጣን የሚለቀው?

#Rediet aseffa

@Samuelalemuu

259 0 0 6

ሳሙኤል አለሙ-Samuel alemu

2 Nov, 07:50

ሲኖር የሚገርመኝ
አይደለም እንደ ሟች
ይሄ ሁሉ ተጓዥ ፣ ይሄ ሁሉ ዘማች ፤
ሁሉም ጥሬ አሳሽ ፣ ስብስብ ነው የዶሮ
አነር ያድነዋል ፣ እንደ ዱር መንጥሮ።
ከስብስቡ መኃል ፣ ባለቀን ሲነጠቅ
ሌላው ዶሮ ይጮኃል ፣ ፈርቶ በመሳቀቅ።
ሲሞላ ግን አፍታ
እየው አበክረህ
ወንድሙን የሸኘ
ያን አልቃሻ ዶሮ
ጥሬ ይናጠቃል
ዛሬም እንደ ዱሮ።
አይገርምም ?
አይደንቅም?
የሞት ማግስት ወጉ
አነርን ይረሳል የዶሮ ዝንጉ።
🐓

(ሚካኤል አ)

@Samuelalemuu

338 0 1 3

ሳሙኤል አለሙ-Samuel alemu

1 Nov, 12:35

ገነቴ
የልጅነቴ
ደስ የምትለኝ ፍርሃቴ
የምታሳደኝ ልክፍቴ
ገነቴ የኔዋ ገነት
የሰፈራችን እመቤት
አባዬ
ሊገርፈኝ
ለበጥ
ሲቆርጥ
በርሬ ወደ'ሷ ምሮጥ ።
በቀሚሷ የምትሸሽገኝ
በእቅፏ የምትከልለኝ
«በሞቴ» እያለች «በሞቴ»
ገነቴ
የልጅነቴ
እንደ ጥላ
እንደ ቡችላ
የማልጠፋ ከኋላዋ
«ማነው ?» «ምንሽ ነው ?» ሲሏት
ገልመጥ አድርጋኝ በኩራት
«ባሌ ነው» ምትል «የኔ ባል»
ያውም በሰዎች መሐል !
ድንብር - ድንብርብር ብዬ
ሮጬ የምሸሸጋት
ተሸሽጌ የምፈልጋት
እየወደድኩ የምሰጋት
ገነቴ
የልጅነቴ
የምታሳደኝ ልክፍቴ
የሆነ 'ለት
አንድ ጠዋት
ካለች ብዬ
እንደ ሁልጊዜዬ
( ሳላንኳኳ )
በሩን ከፈትኩ - የቤቷን
አየሁት - ጡቷን ክፍተቷን
ደንግጬ ሮጥኩኝ ወደ ቤቴ ...
ከዚያማ ...
ከዚያ ኋላማ ገነቴ
ገነቴ የልጅነቴ
እንደ ምትሃት
እንደ አስማት
ሐኪም የማያውቃት
ቃልቻ ዱዓ ያላስለቀቃት
ሳልወድ የግዴን የምታመናት
የሌት አድባሬ ፥ የህልሜ ዛር ናት ።

By Habtamu Hadera

@Samuelalemuu

293 0 0 1

ሳሙኤል አለሙ-Samuel alemu

27 Oct, 15:14

...እና፣ ትላንት እንደ እግዚአብሔር ፍቃድ፣ ከ50 ገጣሚያን ጋ የተሳተፍኩበት #ክንፋም_ከዋክብት እንደዚህ ባማረ መልኩ አለፈ።

በዚህ ግጥም ላይ ለደከማቹት #Seifu_worku እና #getachew_alemu ላቅ ያለውን ምስጋና ቶስዳላቹ፤ በተጨማሪ በግጥሜ ላይ በርታ፣ ይኼን አርመው ስትሉኝ ለነበረ በሙሉ ምስጋዬ የላቀ ነው።

በዝግጅቱ ላይ ትልቅ ሃላፊነት ከአንጋፋዎቹ አርቲስቶች፦
#አርቲስት_አዜብ_ወርቁ #ጋሽ_ስዩም_ተፈራ #ገጣሚ_ዮሐንስ_ሞላ ፣ #ጋሽ_ሀይለመለኮት_መዋዕለ እና ሌሎች ተጭኖብኛል። ከፈጣሪ ጋ እንግዲህ ጥሩ ነገሮችን ይዤ እመጣለሁ። አመሰግናለሁ!!

@Samuelalemuu

297 0 1 7

Показано 20 последних публикаций.

420

подписчиков

Статистика канала

Популярное в канале

እንደምትወዳት ንገራት, (በእውቀቱ ስዩም) ሕይወት የብድር በሬ፥መቼ ሁሌ ይጠመዳል ለጊዜው ብቻ የመጣ፥ ጊዜው ሲደርስ ይሄዳል የተሰጠህ ጸጋ ሁሉ፥ ደሞ ካ...

ባንተ ስም ተጠራሁ በድፍረትህ ኮራሁ ግን ልትለየኝ ነው ብቻዬን ነኝ ፈራሁ ። ለካ እንዲህ ብርቅ ነው የአንድ ለሊት እንቅልፍ ለካ እንዲህ ይሞቃል የክን...

… ጊዜ ይፍታሽ ብለህ… ዕድሜ ይፍታሽ ብለህ… ስትሰናበተኝ ተሰናበትኳቸው ፣ ምግባሮቼን ሁሉ ፍቅር የ‘ግዚአብሔር ነው፤ በጣም ማፍቀር ደግሞ ፣ የሰይጣን ተ...

"ክንፋም_ከዋክብት" በሚለው ከ50 ገጣሚያን ጋ በቅርብ ቀን የታተመው የግጥም መድብሌ ቀሪ መፅሃፍት እጄ ላይ ስላሉ መግዛት የምትፈልጉት:- @samuel...

የነካካችኝን ያስነካካችኝን 'ካንድ ከ'ሷ በቀር ሌላ ሰው ማን ያውቃል ዕድሜ ካነደደው ከሴት ገላ በልጦ ፎቶዋ ይሞቃል ይሞቃል ይደንቃል ምስሏ ጎኔ ሲያ...