ፎቅ ገንብተዋል ያልከው : በቅድሚያ ይህን ሁሉ የስም ማጥፋት ዘመቻ የሚያካሄዱት ሙፍቲ ሀጅ ዑመር ከሚወክሉት የቀድሞው የዑለሞች መንገድ ጋር በሀሳብ የማይስማሙ አካላት ናቸው ፤ የስም ማጥፋቱ መነሻ የፊቅህና የዐቂዳ አስተሳሰብ ልዩነት መሆኑን በደንብ አስምርበት ፤ በአሁኖቹና በዱሮዎቹ ዑለሞች መካከል ያለውን ልዩነት አንተም በተወሰነ መልኩ አይተሀዋል ።

እነዚህ አካላት የሙፍቲን ስም ሲያጠፋ መነሻቸው ይህ ልዩነት እንጂ የምር ሙፍቲ ስልጣን ወዳድ ወይም ሌባ ስለሆኑ አይደለም ይህን ደግሞ ከርሳቸው ጋር በሀሳብ የሚለያዩት እነ አቡበከር አህመድ እንኳ መጀመሪያ አካባቢ የመሰከሩት ጉዳይ ነው።

አንድን ወገን በሀሳብ ስለተለያዩት ብቻ የውሸት ፍረጃዎችን መደርደር ከሙስሊም የማይጠበቅ ጉዳይ ነው ፣ ስለ ሀብታቸው ያነሳሀው ነጥብ የምር ይገርማል ፣ ዐሊም ደሀ ይሁን ፣ ሀብት አያፍራ ብሎ የወሰነው ማነው ? ሙፍቲ ነጋዴ እንደነበሩና የሀብታም ልጅ እንደነበሩ ደጋግመው ተናግረዋል ፣ ሰርተው ማግኘታቸው ምን ያስገርማል ?

የተወሰኑ ኢኽዋኖችን ጠቀስኩለትና እገሌ እገሌ በጣም የለጠጡ ባለሀብቶች ናቸዉ ነገር ግን እኔ በሀሳብ ስለምቃረናቸው ብቻ ይህን ሀብት ሰርቀው ፣ ህዝብ አጭበርብረው ነው ያገኙት ማለት አልችልም ።

በመጨረሻ የምመክርህ አንተ እንዲህ አይነት ነገር ውስጥ አትግባ ፣ ስራህን ስራ ፣ ሰላትህን ስገድ ፣ ከሀራም ተከልከል ፣ የቻልከውን ያክል ሱና ዒባዳ አብዛ ።

ፅሁፋ ረዘመ አይደል ? አፍወን ሰሞኑን ፈተና ላይ ስለሆንኩ እዚያ ላይ ለምዶብኝ ነው 😁