ሰሌዳ | Seleda

መረጃዎች በቴሌግራም እየተመዘበሩ ነው‼️

የኢንፎርሜሽን መረብ ደህንነት አስተዳደር በዛሬው ዕለት በቴሌግራም መረጃዎች እየተመዘበሩ በመሆኑ ተጠቃሚዎች ተገቢውን ጥንቃቄ እንዲያደርጉ አሳሰበ፡፡

አስተዳደሩ እንዳለው ከዛሬ ጀምሮ ብዙ የቴሌግራም አካውንቶች በተጠቀሰው የማስገሪያ (ፊሺንግ ሊንክ) እና ሌሎች ተጨማሪ ማስገሪያዎች አማካኝነት መረጃዎች እየተመዘበሩ ነው ፡፡

በዚህም ከማንኛውም የቴሌግራም ተጠቃሚ (ከሚያውቁትም ሆነ ከማያውቁት) ግለሰብ ሊንክ ቢላክ መክፈት ተገቢ እንዳልሆነ እና ወዲያውኑ ማጥፋት እንደሚገባ አሳስቧል፡፡

የአዲስ አበባ ከተማ እና ዙሪያዋ ያለው የፀጥታ ሁኔታ አስተማማኝ መሆኑን የፀጥታና ደኅንነት ጥምር ኃይል ገለፀ‼️

የፀጥታና ደኅንነት ጥምር ኃይል ታህሳስ 1 ቀን 2017 ዓ.ም ባስቀመጠው አቅጣጫ መሠረት በአዲስ አበባ ከተማ እና ዙሪያዋ ያለውን የፀጥታ ሁኔታን ገምግሞ በአጠቃላይ እንደ ሀገር በሁሉም ክልል በተቀናጀ መልኩ እየተሰራ ባለው የፀጥታ ስራ ከፍተኛ ውጤት መገኘቱን አንስቶ፤ በተለይም በኦሮሚያ እና በአማራ ክልል በኮማንድ ፖስት እየተመራ በተከናወነ የፀጥታ ስራ ጋር በቀጥታ በተቆራኘ መልኩ በአዲስ አበባ ከተማና በዙሪያዋ በተካሄደው ተከታታይ ኦፕሬሽን አሁን ላይ ህብረተሰቡን ስጋት ውስጥ የሚከቱ በጦር መሣሪያ በመታገዝ ተደራጅተው የሚፈፀሙ ወንጀሎች አለመኖራቸውን የፀጥታና ደኅንነት ጥምር ኃይሉ አረጋግጧል፡፡

በተመሳሳይ በአዲስ አበባ ከተማና ዙሪያዋ የፀጥታ ሁኔታን አስተማማኝ ለማድረግ በተካሄደው ኦፕሬሽን በህገ-ወጥ የጦር መሳሪያ ዝውውር፣ በኮንትሮባንድ፣ በህገ-ወጥ የሰዎች ዝውውር፣ በሀሰተኛ ሰነዶች፣ በእገታ እና በስርቆት ወንጀል ህብረተሰቡን ሲያማርሩ የነበሩ በርካታ ተጠርጣሪዎች በቁጥጥር ስር መዋላቸውን ጥምር ኃይሉ አስታውቋል፡፡

በተጨማሪም ሀገራችንን የአደገኛ ዕፅ ዝውውር መዳረሻ ለማድረግ በህገ-ወጥ መንገድ ወደ ሀገር ውስጥ በመግባት በአዲስ አበባ ከተማ ቤት ተከራይተው ሲሰሩ የነበሩ ስምንት የውጪ ሀገር ዜጎች እና አስራ አምስት ኢትዮጵያዊያን አምስት ኪሎ ኮኬይን አደገኛ ዕፅ፣ የሚዋጡ 189 የታሸገ ኮኬይን፣ የዕፁ ማሸጊያና መጠቅለያ ማሽን፣ የዕፁ መመዘኛ አነስተኛ ሚዛን እና በርካታ ዕፁን ለማሸግ ከሚያገለግሉ ቁሶች ጋር ተጠርጣሪዎች በቁጥጥር ሥር ውለው ምርመራ እየተጣራባቸው እንደሚገኝ ጥምር ኃይሉ ገልጿል።

በመተሃራ አካባቢ ንዝረቱ አዲስ አበባ ድረስ የተሰማ የመሬት መንቀጥቀጥ ተከሰተ ‼️

በዩኒቨርሲቲው የጂኦ ፊዚክስ ሕዋ ሣይንስና አስትሮኖሚ ተቋም የሴስሞሎጂ ትምህርት ክፍል ሃላፊ አታላይ አየለ (ፕ/ር) እንዳሉት፥ በአዋሽ ፈንታሌ ወረዳና በመተሃራ አካባቢ ከታሕሣሥ 10 ቀን 2017 ዓ.ም ጀምሮ የተለያየ መጠን ያለው የመሬት መንቀጥቀጥ እየተከሰተ ነው፡፡

ትናንት ከምሽቱ 4፡41 ላይም በመተሃራ ከተማ አቅራቢያ በሬክተር ስኬል 4 ነጥብ 9 የሆነ የመሬት መንቀጥቀጥ መከሰቱን ለፋና ዲጂታል ተናግረዋል።

ይህም ሰሞኑን ከተከሰቱት ከፍተኛው መሆኑን ጠቅሰው ፥ንዝረቱ አዲስ አበባ ድረስ መሰማቱን አስረድተዋል።

በአካባቢው የሚከሰተው የመሬት መንቀጥቀጥ ከቀን ቀን እየጨመረ መምጣቱን ጠቁመው ÷ ነዋሪዎች ላይ ችግር እንዳያስከትል የቅርብ ክትትል እንዲደረግ አሳስበዋል፡፡

በአፋር ክልል የዞን 3 ዋና አስተዳዳሪ አቶ አብዶ አሊ አቡበከር በበኩላቸው÷ከምሽቱ 4፡41 የተከሰተው የመሬት መንቀጥቀጥ ከበፊቱ በተለየ ሁኔታ ንዝረቱ መቆየቱን አንስተዋል።

እስከ ሌሊቱ 7 ሰዓት ድረስም በአካባቢው የተለያየ መጠን ያለው የመሬት መንቀጥቀጥ መከሰቱን ተናግረዋል።

ትናንት ከቀኑ 9 ሰዓት አካባቢም በፈንታሌ ተራራ በሬክተር ስኬል 4 ነጥብ 6 የሆነ የመሬት መንቀጥቀጥ መከሰቱ ይታወሳል።

ክስተቱ በቀጣይ በሰው እና ንብረት ላይ ጉዳት እንዳያስከትልም የሚመለከታቸው የፌደራልና የክልል አካላት በጉዳዩ ላይ በትኩረት እንዲሰሩ ጥሪ ቀርቧል።

አሜሪካ የራሱዋን ተዋጊ ጄት በቀይ ባህር ላይ መትታ ጣለች‼️

ትናንት ማምሻውን የአሜሪካ ባህር ኃይል F/A-18 ተዋጊ ጄት የሁቲ ዒላማዎችን ለማጥቃት በመጓዝ ላይ እያለ በዩኤስኤስ ጌቲስበርግ ተመቶ ወድቋል።

ሁለቱም አብራሪዎች በተሳካ ሁኔታ ተወርውረው በሕይወት ተርፈዋል፤ ነገር ግን አንደኛው ቀላል ጉዳት ደርሶበታል ሲል የአሜሪካ ማዕከላዊ እዝ ገልጿል።

የቱሩማን ኬሪየር ስትራይክ ግሩፕ አካል የሆነው ዩኤስኤስ ጌቲስበርግ ከሳምንት በፊት ወደ ቀጠናው የገባ ሲሆን አውሮፕላኑ ላይ ተኩስ ከፍቷል። F/A-18 አውሮፕላን የተነሳው ዩኤስኤስ ሂሪ ኤስ ትሩማን ከተሰኘው አውሮፕላን ተሸካሚ መርከብ ነው።

አሜሪካ ከዩናይትድ ኪንግደም ጋር በመሆን የሁቲ አማፂያን ለፈጸሙት ጥቃት የአጸፋ ምላሽ በየመን ሰነአ በቡድኑ ኢላማዎች ላይ ከቅዳሜ ጀምሮ የአየር ድብደባ አድርሰዋል።

ሁቲዎች ለፍልስጤማውያን ያላቸውን አጋርነት ለማሳየት ከእስራኤል ጋር ግንኙነት አላቸው ተብለው በሚታመኑ መርከቦች ላይ ጥቃት የመሰንዘር ፖሊሲ አውጀዋል።

የብልፅግና ፓርቲ ስራ አስፈፃሚ ኮሚቴ ስብሰባ፣ ዛሬ በአዲስ አበባ ይጀምራል

በመጭው ጥር ወር ላይ የሚደረገውን ጉባየና በወቅታዊ ጉዳዮች በቅርቡ በተገበረው የኢኮኖሚ ማሻያ ዙሪያ ይመክራል ተብሎ ይጠበቃል ሲሉ ምንጮቻችን ነግረውናል ።

ጠ/ሚ ዐቢይ (ዶ/ር) የኢትዮጵያ ጉብኝታቸውን ላጠናቀቁት የፈረንሳዩ ፕሬዚዳንት ሽኝት አድርገዋል‼️

ፎቶ፦ ጠ/ሚ ዐቢይ አህመድ (ዶ/ር) ለሁለተኛ ጊዜ ወደ ኢትዮጵያ የመጡትን የፈረንሳይ ፕሬዜዳንት ኢማኑኤል ማክሮንን ተቀብለዋል።

ጠቅላይ ሚኒስትሩ ማክሮንን " ወንድሜ እና የኢትዮጵያ የልብ ወዳጅ " ሲሉ ገልጸዋቸዋል።

" በሁለቱ ሀገሮች መካከል ያለው ግንኙነት የበለጠ በመጠናከር ላይ ይገኛል " ያሉት ጠ/ሚ ዐቢይ (ዶ/ር) ፕሬዚዳንቱ በኢትዮጵያ በሚኖራቸው ቆይታ ፍሬያማ ውይይት እንደሚኖር እምነታቸውን ገልጸዋል።

የማክሮንን ወደ ኢትዮጵያ መምጣት ተከትሎ ዋና ዋና የአዲስ አበባ መንገዶች ላይ የተተከሉ የማስታወቂያ ስክሪኖች " ፕሬዜዳንት ማክሮን እንኳን ወደ ኢትዮጵያ በሰላም መጡ " የሚሉ መልዕክቶች እየተላለፈባቸው ነው።

ማክሮን ፤ ጠ/ሚ ዐቢይ አህመድ (ዶ/ር) ወደ ስልጣን ከመጡ ወዲህ ኢትዮጵያ ለስራ ጉብኝት ሲመጡ በ6 ዓመታት ይህ ሁለተኛቸው ነው።

#Tecno_AI

ቴክኖ በቅርቡ ለዓለም ያስተዋወቀው የቴክኖ ኤ አይ አጋዥ መተግበሪያን እና አዳዲስ በኤይ አይ የታገዙ የቴክኖሎጂ ምርቶቹን በደማቅ ሁኔታ በስካይ ላይት ሆቴል አስተዋውቋል፡፡

በማስተዋወቂያ ፕሮግራሙ ላይ ጥሪ የተደረገላቸው እንግዶች፣ የቴክኖ ኢትዮጵያ ሃላፊዎች፣ ከፍተኛ የመንግስት ሀለፊዎች፣ ተፅዕኖ ፈጣሪዎች እንዲሁም የሚመለከታቸው አካላት ተገኝተዋል፡፡ በታዋቂው የቴኖሎጂ  ኤክስፐርት ሰለሞን ካሳ ስለ አዲሶቹ የፋንተም V2 የታጣፊ ስልኮች ከቴክኖ ኤ አይ ጋር አጣምረው ስለመጡት ቴክኖሎጂ  በምስል የታገዘ ሰፊ ማብራሪያ ለታዳሚው የተሰጠ ሲሆን በመድረክ የተዘጋጁ የተለያዩ ዝግጅቶች ጥሪ ለተደረገላቸው የዝግጅቱ ተሳታፊዎች ቀርበዋል፡፡ ታዳሚዎች የቴክኖ ኤ አይ ፣ አዲሶቹ የፋንተም V2 ታጣፊ ስልኮችን፣ የቴክኖ ፓድ፣ ላፕ ቶፕ እና ስማርት ዋቾችን በቅርበት የመመልከት ዕድልም እንዲያገኙ ተደርጓል፡፡

#TecnoAI #PhantomV2Series #ExtraFoldEasyFlip

የመስፍን ኢንዳስትሪያል ኢንጅነሪግ ሰራተኞች በመቐለ ከተማ ሰላማዊ ሰልፍ አካሄዱ።

ሰራተኞቹ ሰላማዊ ሰልፍ ያካሄዱበት ምክንያት ፤ እስካሁን እየተከፈልን ያለው ደሞዝ በቂ ስላልሆነ ይጨመርልን የሚል ነው።

ላለፉት 30 አመታት በትግራይ ክልል ተቃውመህ መሰለፍ አይቻልም ነበር

ሩሲያ በዩክሬን ላይ የሳይበር ጥቃት አደረሰች

የዩክሬን ምክትል ጠቅላይ ሚኒስትር ኦልሃ ስቴፋኒሺያ እንደገለጹት÷ በወሳኝ ኩነት መዝገብ ቤቶች ላይ በደረሰው በዚህ ጥቃት አገልግሎት ለጊዜው እንዲቋረጥ ተደርጓል።

በተመሳሳይ በዚህ ጥቃት ምክንያት በዩክሬን የፍትህ ሚኒስቴር ስር ያሉ የመንግስት አገልግሎት ሰጭ ተቋማትም ለጊዜው ሥራ ማቆማቸውን ሮይተርስ ዘግቧል።

የጥቃቱ ኢላማ የሆኑት ተቋማት እንደ ልደት፣ ሞት፣ ጋብቻ እና የንብረት ባለቤትነት ያሉ ስለ ዩክሬን ዜጎች ጠቃሚ መረጃዎችን የያዙ ናቸው ተብሏል።

የጥቃቱ ዓላማ የዩክሬን የመሠረተ ልማት ሥራዎችን ማደናቀፍ ነው ሲሉም ምክትል ጠቅላይ ሚኒስትሩ ገልጸዋል።

ስራዎችን ወደነበሩበት ለመመለስ ሁለት ሳምንታት እንደሚፈጅ ጠቁመው ነገር ግን ቢሮዎች አንዳንድ አገልግሎቶችን እንዲሰጡ ይደረጋል ብለዋል።

ጦርነቱ ከተጀመረ አንስቶ የዩክሬን እና የሩሲያ ተቋማት ከባድ የሳይበር ጥቃት ሲደርስባቸው ቆይቷል።

በሞስኮ በደረሰ የቦምብ ፍንዳታ የሩሲያ የኒውክሌር ኃይል አዛዥ ተገደሉ‼️

በሩሲያ ዋና ከተማ ሞስኮ አንድ አፓርትመንት ሕንፃ ላይ በደረሰ የቦምብ ፍንዳታ፤ የሩሲያ ጦር የራዲዮሎጂካል፣ ኬሚካል እና ባዮሎጂካል ኃይል አዛዥ ሌተናንት ጄኔራል ኢጎር ኪሪሎቭ ከረዳታቸው ጋር መገደላቸው ተገልጿል፡፡

ኢጎር እና ረዳታቸው የተገደሉት ከክሬምሊን በስተደቡብ ምስራቅ 7 ኪ.ሜ ርቀት ላይ ከሚገኘው የመኖሪያ አፓርትመንታቸው ውጭ በደረሰ ፍንዳታ ነው ተብሏል።

ጄነራሉ የተገደሉት በመኖሪያ ቤታቸው መግቢያ ላይ በኤሌክትሪክ ስኩተር ላይ በተጠመደና ቤት ውስጥ የተሰራ ቦንብ መሆኑን በሩሲያ መንግሥት የሚተዳደረው ታስ የዜና ኤጀንሲ ዘግቧል፡፡

ሌተናንት ጄኔራል ኢጎር፤ በኮስትሮማ ከፍተኛ ወታደራዊ ማሰልጠኛ የኬሚካል መከላከያ ትምህርት ቤት ወታደራዊ ትምህርታቸውን የተከታተሉ ሲሆን፤ ከፈረንጆቹ ሚያዚያ ወር 2017 ጀምሮ የጦር ኃይሉን እንዲመሩ ተሹመዋል።

ጄኔራሉ የሩሲያ ጦር የራዲዮሎጂካል፣ ኬሚካል እና ባዮሎጂካል ኃይል አዛዥ ጨምሮ ከአደገኛ ፈንጂዎች ጋር በተዛመደ በሩሲያ ወታደራዊ ኃይል ውስጥ በተለያዩ ሚናዎች አገልግለዋል። በትላንትናው ዕለት የዩክሬን የደህንነት አገልግሎት ዩክሬን ውስጥ የተከለከለ የኬሚካል ጦር መሳሪያ ተጠቅመዋል ሲል ጄኔራል ኢጎርን ከሶ ነበር፡፡የዩክሬን የደህንነት አገልግሎት በኪሪሎቭ መሪነት ሩሲያ 5 ሺሕ ያህል የኬሚካላዊ መሳሪያዎችን ተጠቅማለች ሲል ተናግሯል።

ሌተናንት ጄኔራል ኢጎር "በዩክሬን በሩሲያ ጦርነት ላይ አውዳሚ ኬሚካል ጦር መሳሪያዎች ተጠቅመዋል" በሚል በብሪታኒያ፣ ካናዳ እንዲሁም በሌሎች ምዕራባዊያን ሀገራት ማዕቀብ ተጥሎባቸው ቆይቷል።

በምስራቅ ቦረና ዞን የሰላም ጥሪውን የተቀበሉ ታጣቂዎች ወደ ካምፕ እየገቡ ነው

በኦሮሚያ ክልል ምስራቅ ቦረና ዞን የቀረበውን የሰላም ጥሪ የተቀበሉ የኦነግ ታጣቂዎች ወደ ካምፕ እየገቡ ነው።

በአካባቢው ሲንቀሳቀሱ የነበሩ የኦነግ ታጣቂዎች ለቀረበው የሰላም ጥሪ ምላሽ በመስጠት ወደ ካምፕ በመግባት ላይ መሆናቸው ተገልጿል፡፡

ታጣቂዎቹ በነጌሌ ቦረና ከተማ አቀባበል እንደተደረገላቸውም የክልሉ ርዕሰ መስተዳድር ጽሕፈት ቤት መረጃ አመላክቷል።

በኦሮሚያ ክልል መንግስትና በኦሮሞ ነጻነት ሰራዊት መካከል የሰላም ስምምነት መፈረሙ የሚታወስ ሲሆን ይህን ተከትሎም በክልሉ የተለያዩ አካባቢዎች ይንቀሳቀሱ የነበሩ ታጣቂዎች ወደ ካምፕ እየገቡ እንደሚገኙ ተጠቁሟል፡፡

ጠ/ሚ ዐቢይ (ዶ/ር) ከኡጋንዳ ህዝብ መከላከያ ሃይል ጠቅላይ አዛዥ ጋር ተወያዩ‼️

ጠቅላይ ሚኒስትር ዐቢይ አሕመድ (ዶ/ር) ከኡጋንዳ ህዝብ መከላከያ ሃይል ጠቅላይ አዛዥ ጀነራል ሙሆዚ ካይኔሩጋባ ጋር ተወያይተዋል፡፡

ጠቅላይ ሚኒስትሩ ከጀነራል ሙሆዚ ካይኔሩጋባ ጋር ዛሬ ማለዳ ተገናኝተው መመምከራቸውን የጠቅላይ ሚኒስትር ጽህፈት ቤት መረጃ ያመላክታል፡፡

ዶዶላ : በትራፊክ አደጋ የ12 ሰዎች ሕይወት አለፈ

#Ethiopia | በምዕራብ አርሲ ዞን ዶዶላ ወረዳ ኤዶ ከተማ በተከሰተ የትራፊክ አደጋ የ12 ሰዎች ሕይወት አለፈ በጣም ያሳዝናል፡፡

አደጋው የተከሰተው ሁለት በተቃራኒ መስመር ሲጓዙ ከነበሩ የሕዝብ ማመላለሻ ተሽከርካሪዎች አንዱ የአህያ ጋሪን ለማትረፍ ሲሞክር በመጋጨታቸው የተፈጠረ መሆኑ ተገልጿል፡፡

በተከሰተው አደጋም እስካሁን የ12 ሰዎች ሕይወት ወዲያው ሲያልፍ በተጨማሪም በ19 ሰዎች ላይ ከባድና ቀላል ጉዳት ደርሰው በቅርበት በሚገኝው ሆስፒታል ሕክምና እየተከታተሉ ይገኛሉ።