ለሴቶች ክብር ቢኖርህ ኖሮ ከማንም ሴት ጋር አትተኛም!አንተ ፈሪ ወንድ ነህ።ደፋር ወንድ አንዲት ሴት ብቻ ይመርጣል።ከእርሷ ጋር በደስታ ይኖራል!ፈሪ ወንድ ግን ባለው ብር፤ዝና እየተጠቀመ ከተለያዩ ሴቶች ጋር ይማግጣል።እኔ ደግሞ ፈሪ ባል እንዲኖረኝ ከቶ አልፈልግም።ለሴት ክብር ያለው ወንድ ከተለያዩ ሴቶች ጋር አይማግጥም!አንተ ደግሞ ለሴት ክብር የለህም!!ስለዚህ በጭራሽ ለሴት ክብር የሌለው ወንድ ባሌ እንዲሆን አልፈልግም።በዚያ ላይ አንዲት ሴት ላንተ ዝና እና ችሎታ ወይም ምላስ በቀላሉ የምትንበረከክ ከሆነች ልክ እንደ አንተ ምላስ፤ዝና፤እና ችሎታ ላለውም ለሌለውም ወንድ ትንበረከካለች ማለት ነው።ስለዚህ ይቺ ሴት የሁሉም ናት ማለት ነው።የሁሉም የሆነ ነገር ደግሞ አስጠሊታና ርካሽ ነው!

እኔ እኮ ቆንጆ ነኝ! በጣም ውብ ከሚባሉት መካከል ነኝ ብፈልግ ስንቶችን ወንዶች እያተራመስኩ መኖር እችላለሁ።ግን ያ ተራነት..ያ ፈሪነት ነው።ያ ራስወዳድነት ነው።እኔ ደግሞ ተራም! ፈሪም! ራስ ወዳድም መሆን አልፈልግም።በዚያ ላይ ለወንዶች ትልቅ ክብር አለኝ።ስሜቴን መቆጣጠር እችላለሁ!ወሲብ በጣም እወዳለሁ ቢሆንም ወሲብ እጅግ በጣም ደስ የሚለው እና ጣፋጭ የሚሆነው ከአንድ ሰው ጋር ብቻ ስታከናውን እና የፈጣሪን ህግ የጠበቀ ሲሆን ነው

📚ለሚስቴ ባል ፍለጋ
✍️ አዘርግ

✅ @Bemnet_Library