"Dachee kana irratti wanta hin dulloomne fi kan barri itti hin dabarren arge."

Wanti bifa hin jijjiiramne, kan barootaan humna guddaa fi haaraa ta'een nama waliin/keessa jiraatuuf jaalatu tokko ni jira

Barri deemee fagaatee qaari'uu danda'a garuu kan hin dulloomne, wanti haaraan hedduun darbee moofa'uu danda'a garuu, kan barri itti hin dabarre,

Haalluu hedduun babbareedan jiraachuu danda'u garuu, wanti haalluu addatti bareedu qabu ni jira.

Gaarummaan addaa kan daangaan hin daangessinee fi haalaan olitti darbee kan jiru/jiraatu jaalala dha.

Jaalalli dugugguruu dugdaa namni tokko nama ta'uu isaaf qofa kennameefi dha.

Hiikaan jireenya inni jalqabaa fi xumuraa jaalala dha. Hiikaan jireenya jaalala keessa jira. Jireenya jechuun jaalala jechuu hin ta'u. Jaalala jechuun garuu jireenya dha.

Tokkoon tokko namaa keessa jaalalli ni jira. Jaalalli akka sanyii midhaaniitti waan facaasamu dha. Firiin jaalalaa tokko jireenyaa hundeen isaa jaalala ta'an hedduu uumuu danda'u. Jaalalli humna waa baayyisuu qaba.

Jaalalli guddaan/hangafaa kan Waaqa ti.

Coba Yaadaa 💧✍️