ጥሩልኝ ዳዊትን | ዘማሪ አቤል ተስፋዬ

ጥሩልኝ ዳዊትን በገናውን ያምጣ
መንፈስ አስጨንቆት ሳኦል ስለመጣ /2/

አዝ

ምድር ግብሯን ትታ ሕግ እያፈረሰች
የሳኦልን መንገድ ስለ ተከተለች
ከህልም አለም ቅዠት እንድትረጋጋ
ያን ዳዊትን ጥሩት ይደርድር በገና

አዝ

የእርኩሰትን ሥራ ዓለም ስላበዛች
ያልተፈቀደውን ምርኮን ስለያዘች
በዝማሬው ጸጋ ፈውስን እንድታገኝ
ጥሩልኝ ዳዊትን በበገና ይቃኝ

አዝ

የአባቶቹን ትዕዛዝ መንገድ ስለሳተ
ፀያፍ የሆነውን ሕጉን ስለሻተ
ለንስሐ ደርሶ መንግስት እንዲቀና
ጥሩልኝ ያን ዳዊት ይደርድር በገና

አዝ

መለያየት በዝቶ ፍቅር ስለራቃት
ስላቀረቀረች መከራው ጸንቶባት
በጥልቁ ዝማሬ ምሕረትን እንድታይ
ዳዊት ይነሳና በበገና ይጸልይ
ዳዊት ይነሳና በበገና ትቃኝ

@Orthodox_Mezmur_For_All
@Orthodox_Mezmur_For_All