ሁሉም ያልፋል | ዘማሪ ዲያቆን አቤል መክብብ

ሁሉም ያልፋል እግዚአብሔር ያሳልፋል /2/
ልጆቹን መቼ ይረሳል

አዝ

ብርሃን ይመጣል ጨለመው ተገፎ
ደስታ ይሆናል መከራው አልፎ
የምስራች ቃል ይሞላል በአፋችን
ሀዘናችን ጠፍቶ ይፈካል ፊታችን/2/

አዝ

በትር ነው ምርኩዝ ነው እሱን ላመኑበት
ባህር ውቅያኖሱን ከፍለው የሚያልፉበት
በእሳት መካከል በግፍ ለተጣሉ
ውሃ እየሆናቸው በድል ይወጣሉ /2/

አዝ

ማስተዋል ጥሩ ነው ትዕዛዛቱን ማክበር
ያኖራል በሕይወት በሰማይ በምድር
የማያልፍ ቀን የለም ታሪክ የማይሆን
በአምላክ አንድ ቀን ነው አንድ ሺ ዘመን /2/

አዝ

ይቅርታ እንዲሰጠን በደልን ሳይቆጥር
ማረን እንበለው ስለሆነ ፍቅር
ነገ ቀን ሲመጣ ብርሀኑ ሲያበራ
ፊታችን እንዳይዞር ወደ ክፉ ስራ /2/

@Orthodox_Mezmur_For_All
@Orthodox_Mezmur_For_All