👉🏽👉🏽👉🏽 የ #ገና #ጾም (የ #ነቢያት ጾም) #ወቅት በ #ቤተክርስቲያን እንዴት ይገለጻል?

(ክፍል 1)

✍በኢትዮጵያ ኦርቶዶክስ ተዋሕዶ ቤተክርስቲያን የዘመን አከፋፈል መሠረት

👉ከኅዳር 6 ጀምሮ እስከ ታኅሣሥ 7 ወይም 13 ቀን ድረስ ያለው ወቅት ዘመነ አስተምሕሮ (አስተምህሮ) ይባላል፡፡

👉ከኅዳር 13 እስከ ኅዳር 19 ቅድስት ይባላል

👉ከኅዳር 20 እስከ ኅዳር 26 ምኩራብ ይባላል

👉ከኅዳር 27 እስከ ታኅሣሥ 3 መፃጉዕ ይባላል

👉ከታኅሣሥ 4 እስከ ታኅሣሥ 6 ደብረ ዘይት ይባላል (ለሦስት ቀናት ብቻ ነው)።

👉ከታኅሣሥ 7 እስከ ታኅሣሥ 13 ዘመነ ስብከት ይባላል

👉ከታኅሣሥ 14 እስከ ታኅሣሥ 20 ዘመነ ብርሃን ይባላል

👉ከታኅሣሥ 21 እስከ ታኅሣሥ 27 ዘመነ ኖላዊ ይባላል

👉ታኅሣሥ 28 እና ታኅሣሥ 29ልደት ተብለው ይጠራሉ።

✍ዘመነ አስተምህ(ሕ)ሮ፦ ስለ እግዚአብሔር ቸርነትና ርኅራኄ እርሱ በደላችንን ሁሉ ይቅር እንደሚለን እኛ ምእመናንም እርስ በእርስ ይቅር መባባል እንደሚገባን ትምህርት የሚሰጥበት ጊዜ ነው፡፡

✍ዘመነ አስተምሕሮ፦

👉ቤተ ክርስቲያን ስለ ልጆቿ ይቅርታ የምትጠይቅበት፣

👉ምእመናንንም ስለ በደላቸው ይቅርታ የሚጠይቁበት፣ስለዚህም በስፋት ትምህርት የሚሰጥበት ዘመን ነው፡፡

✍በዘመነ አስተምሕሮ የሚገኙ ሰንበታት፦ በቅዱስ ያሬድ የዜማ መጻሕፍት እንደተቀመጠው በዘመነ አስተምሕሮ ውስጥ የሚገኙ ሰንበታት (እሑዶች)፦

👉 አስተምሕሮ (ኢተዘኪሮ)፣

👉አስተምሕሮት (ሎቱ ስብሐት)፣

👉ምኵራብ (አምላክ ፍጹም በሕላዌሁ)፣

👉መጻጉዕ (ይቤሉ እስራኤል) እና

👉ደብረ ዘይት (ሠርዐ ሰንበተ ለሰብእ እረፍተ) ተብለው ይጠራሉ፡፡

✍ስለ አስተምሕሮ (አስተምህሮ) ትርጉም የተሰጠ ትምህርት በዚህ ሊንክ ይገኛል👇

✍https://t.me/yeyohannesneseha/160136

✍ሳምንታቱን በዚህ መልክ የከፋፈለውም ሊቁ ቅዱስ ያሬድ ነው (ድጓ ዘአስተምህሮ)፡፡ ከመጀመሪያው ሳምንት (ከአስተምሕሮ) በቀር የአራቱ እሑዶቹ ስያሜ ከዐቢይ ጾም ሰንበታት ጋር አንድ ዓይነት ነው፡፡

👉የሰንበታቱ ስያሜ ከዐቢይ ጾም ጋር ተመሳሳይ ነውን? 

✍የዘመነ አስተምህሮ ሰንበታት (እሑዶች) ስያሜ ከዐቢይ ጾም ሰንበታት ስያሜ ጋር ተመሳሳይ ይሁን እንጂ በእነዚህ ሳምንታት ሌሊት፦

👉 የሚዘመሩ መዝሙራት፣

👉በቅዳሴ ጊዜ የሚነበቡ ምንባባትና

👉የሚቀርቡ ትምህርቶች ግን በይዘትና በምሥጢር ይለያያሉ፡፡

✍ትምህርቶቹ በምስጢር ይለያያሉ ስንልም በዚህ ወቅት የሚነገረው ምሥጢርና ይዘት በወቅቱ ላይ የሚያተኩር መሆኑን ለመግለጽ ነው እንጂ በየትኛውም ጊዜ በቤተክርስቲያናችን የሚቀርበው ትምህርት አንዱ የእግዚአብሔር ቃል ብቻ ነው።

ይቀጥላል (ክፍል 2)
    👇

ወስብሐት ለእግዚአብሔር ወለወለዲቱ ድንግል ወለመስቀሉ ክቡር!!!

@Sewsinor