የቭላድሚር ፑቱን ልጅ በማለት በተለያዩ የማህበራዊ ትስስር ገፆች የተጋራ ምስል እያነጋገረ ነው

ሾልኮ የወጣ የቭላድሚር ፑቲን 'ሚስጥራዊ ልጅ' ፎቶ መነጋገሪያ ሆኗል። ለመጀመሪያ ጊዜ የወጣው ፎቶ ኢቫን ቭላድሚሮቪች ፑቲን ወይም የቭላድሚር ፑቲን እና የቀድሞ የሴት ጓደኛው አሊና ካባኤቫ ልጅ ነው ተብሏል።

ኢቫን ቭላድሚሮቪች ከፍተኛ ጥበቃ በተደረገለት ቤተ መንግስት ውስጥ እንደሚኖር ተነግሯል። የቭላዲሚር ፑቲን "ሚስጥራዊ ልጅ" የ10 አመቱ ኢቫን ቭላድሚሮቪች የመጀመሪያው ፎቶ ሾልኮ ወጥቷል ሲል the mirror አስነብቧል።

ፎቶውን የተጋራው በሩሲያ ፀረ-ክሬምሊን የሆነው የቴሌግራም ቻናል አማካኝነት ነው። ፑቲን ከጂምናስቲክ ባለሙያ የሆነችው አሊና ካቤቫ ጋር ነበረው የተባለው ልጅ ከሩሲያውያን ተደብቆ እንደነበረ ይህ የቴሌግራም ቻናል ይፋ አድርጓል። ይህው የቴሌግራም ቻናል እጅግ ሚስጥራዊ እና የፑቲን ልጅ ፎቶ አግኝቷል ሲል the mirror ዘግቧል።

የፑቲን ልጅ ከሌሎች ልጆች ጋር አይግባባም፤ ሁሉንም ጊዜውን ከጠባቂዎች ፣አስተዳዳሪዎች እና አስተማሪዎች ጋር ያሳልፋል ሲል ዘገባው አመላክቷል። ሾልኮ በወጣው ፎቶ ላይ ያለው ልጅ ፑቲን ጋር እንደሚመሳሰል ተነግሯል። ኢቫን ከፍተኛ ጥበቃ በሚደረግለት ቤተ መንግስት ውስጥ ይኖር እንደነበር ተገልጿል። ይህ አፈትልኮ የወጣው ምስል ታድያ በማህበራዊ ሚዲያ ላይ መነጋገሪያ ሆኗል።

እንደ ቢዝነስ ኢንሳይደር መረጃ ከሆነ ፑቲን ከቀድሞ ሚስታቸው ሉድሚላ ሽክሬብኔቫ ሁለት ሴት ልጆችን ወልደዋል። ሁለቱም ሴት ልጆች በ30ዎቹ ዕድሜ ክልል ውስጥ እንደሚገኙ ተነግሯል። ማሪያ በ1985 በሴንት ፒተርስበርግ ከተማ የተወለደች ሲሆን ካትሪና ደግሞ በ1986 በጀርመን ተወልዳለች።

@ZenaAdis_Ethiopia