** የጠፍው **
የጠፋው ታሪኬ ለካስ አፍሮ ነበረ
    በራሱ ሲዋረድ አንገቱን የሰበረ
ሚስጥሩን ደብቆ ከአይን የተሰወረ
ጥበቤን አርክሼ አንኳስሼ አይቼ
የሰውን ሳዳንቅ ማንነቴን ዘንግቼ
በየዋሁ ልቤ ጥላቻን ቢሞሉኝ
ሂሊናዬ ታወረ ማስተዋሉ ከበደኝ
እራሴን ጠላሁ ሌላ መሆን ተመኘሁ
     ባለማወቅ መስሎኝ እድሜዬን
      በከንቱ የገፋሁ
ከቤቴ  አውጥቼ በር አፌን ዘግቼ
አባረርኩ ጥበቤን ክብሯን አዋርጄ
ይሉንታዬን ትቼ
ድንበርን ተሻግራ ዘምና ተራቃ
ስሟንም ለዉጣ ማንነቷን ለቃ
በባአድ ምድር ላይ ቁልፍ ስትሆን መክፈቻ
                    እኔ ያባረርኳት ንቄ በጥላቻ
ሳያት ጥበቤን ጊዜ እድል ሲወልድ
ወርቄን ማሰገሬ በክፋት ወጥመድ
የዘመን ስተቴ በዘመን ሲገለጥ
በቁጭት ወቂኖስ ሂሊናዬ ሲሰምጥ
የጠፋዉ ታሪኬ የእኔ ስልጣኔ
ይቅር በለኝ ባክህ ይሰማህ ሀዘኔ
አዉቂያለሁ ዛሬ ገብቶኛል ጥፋቴ
ዞርኩኝ ወደኋላ ጎዳኝ ማየት ፌቴ
ላልደርስ ዘላለሜን በከንቱም አልተጋ
        እራሴን ልፈልግ ጨለማዬ ይንጋ ::
©ከቢኒኦኔ ገብሬ

join  -   👇
💚  @binionae 💚
💛  @binionae 💛
 ❣    @binionae ❣