GhionMagazine ግዮን መጽሔት

በሞዛምቢክ ቺዶ በተሰኘው አውሎ ንፋስ የሟቾች ቁጥር 73 ደረሰ

በሞዛምቢክ ውስጥ በቺዶ አውሎ ንፋስ የሞቱ ሰዎች ቁጥር 73 መድረሱን የአደጋ አስተዳደር ባለስልጣናትማ አስታውቀዋል።
የሀገሪቱ ብሔራዊ የአደጋ ስጋት አስተዳደር ኢንስቲትዩት ሊቀ መንበር ሉዊዛ ሜኬ በሰጡት መግለጫ “አውሎ ነፋሱ በደቡብ አፍሪካ ሀገራት ላይ ያደረሰውን ጉዳት መጠን የሚገመግምው ሂደት ቢቀጥልም ተጨማሪ ስራዎች እየተለዩ ይገኛል። በአውሎ ነፋሱ ምክንያት የሞቱትን ሰዎች ቁጥር በትክክል ማወቅ አንችልም በየእለቱ የተጎጂዎች ቁጥር እየጨመረ መምጣቱን ግን መናገር እንችላለን ብለዋል።

ሁኔታው በጣም አስፈሪ እና አስጨናቂ ነው። ትክክለኛውን የሟቾች ቁጥር ለማወቅ ብዙ ድጋፍ እንፈልጋለን ፣ ካልሆነ ግን አስከሬን ለማግኘት በጣም ከባድ እየሆነብን ነው ፣ ምክንያቱም አንዳንዶቹ ህንጻዎች በላያቸው ላይ ከወደቁ በኋላ በጥልቅ የተቀበሩ ናቸው ብለዋል ።አውሎ ነፋሱ እየተረጋጋ በሄደ ቁጥር የጉዳቱን መጠን ስንገመግም የሟቾች ቁጥር ሊያሻቅብ የሚችልበት እድል አለ ሲሉ ሜኬ አክለዋል።

2.5 ሚሊዮን የሚጠጉ ሰዎች በአውሎ ነፋሱ ተጎድተዋል ተብሏል። የሞዛምቢክ የህፃናት አፍን ድርጅት የዩኒሴፍ ተወካይ ሉዊዝ ኢግልተን እንዳሉት 90 ሺ የሚያህሉ ህጻናት በአውሎ ነፋሱ “የከፋ ጉዳት” ደርሶባቸዋል። “በተጎጂው ማህበረሰብ ውስጥ ከሞላ ጎደል የተጎዱ ህጻናት ቁጥር እየጨመረ ነው። እነዚህ ልጆች ስንቅ እና መጠለያ ለማግኘት እየታገሉ ያሉ ናቸው። ልጆች የአውሎ ነፋሱን ጫና እየተሸከሙ ይገኛል።

አሁን በሀገሪቱ ያለው ሁኔታ ልብን የሚሰብር ነው ሲሉ ኢግልተን ተናግረዋል። እሮብ እለት የተባበሩት መንግስታት የሰብአዊ ጉዳዮች ማስተባበሪያ ፅህፈት ቤት ለአውሎ ነፋሱ የአደጋ ጊዜ ምላሽ 4 ሚሊዮን ዶላር ሰጥቷል። በአጎራባች ሀገር ማላዊ የሀገሪቱ የአደጋ እና አስተዳደር ጉዳዮች ዲፓርትመንት  እንደገለፀው የሟቾች ቁጥር 13 የደረሰ ሲሆን በደቡብ ማላዊ ክልል ውስጥ በሚገኙ አምስት ወረዳዎች 45,000 ሰዎች ቤት አልባ ሆነዋል። ባለፈው ሳምንት ቺዶ አውሎ ንፋስ ሞዛምቢክ ውስጥ ኃይለኛ ንፋስ ፣ ነጎድጓድ እና ከባድ ዝናብ አስከትሏክ። 24 ሰዓታት ውስጥ ከ250 ሚሊ ሜትር በላይ ዝናብ የጣለ ሲሆን ከዚያም አውሎ ነፋሱ ወደ ማላዊ ተሻግሯል።

ሩሲያ የዩክሬንን ዋና ከተማ በሚሳኤል እየደበደበች መሆኑ ተሰማ

ሩሲያ የዩክሬን ዋና ከተማ ኬቭን በሚሳኤል እየደበደበች መሆኑ የተገለጸ ሲሆን፤ በጥቃቱም በውል የማይታወቁ ሰዎች የተገደሉ እና የቆሰሉ እንዳሉ የዩክሬን ባለስልጣናት አስታውቀዋል፡፡

የሩሲያ ፕሬዝዳንት ቭላድሚር ፑቲን በትላንትናው ዕለት ዓመታዊ ጋዜጣዊ መግለጫ በሰጡበት ወቅት፤ "ሩሲያን ማሸነፍ እንደማይቻል ዩክሬንም ሆነች አጋሮቿ ደጋግማ ማሰብ አለባቸው" ሲሉ ተደምጠዋል፡፡

በዚህም በዛሬው ዕለት ሩሲያ ኬቭን በሚሳዔል ጥቃት እየደበደበች መሆኑ የተገለጸ ሲሆን፤ "ከ630 በላይ መኖሪያ ሕንጻዎችን ጨምሮ፤ ከ50 በላይ የጤና ተቋማት እና ትምህር ቤቶች አገልግሎታቸውን አቋርጠዋል ሲሉ" የኬቭ ባለስልጣን ክስ አቅርበዋል፡፡

የኪቭ ከተማ ወታደራዊ አስተዳደር ኃላፊ ሰርሂ ፖፕኮ በሰጡት መግለጫ፤ የሰዎች ሕይወት ማለፉን እና በርካታ መሰረተ ልማቶች በሩሲያ ጥቃት መውደማቸውን አስታውቀዋል፡፡

በዚህ ጥቃት ሩሲያ የባለስቲክ ሚሳኤሎችን ሳትጠቀም እንዳልቀረች ባለስልጣኑ ተናግረዋል፡፡

የዩክሬን አየር ሃይል የአየር መከላከያው ወደ ዋና ከተማው የተወነጨፉትን አምስት የኢስካንደር-ኤም ሚሳኤሎችን መትቶ ማክሸፉን አስታውቋል፡፡

በሌላ በኩል የሩስያ መከላከያ ሚኒስቴር ባወጣው መግለጫ፤ በሮስቶቭ ክልል የዩክሬን የሚሳኤል ጥቃት ምላሽ ለመስጠት በኪቭ ላይ የቡድን ጥቃት መፈጸሙን አምኗል፡፡

ጥቃቱ በተሳካ ሁኔታ የዩክሬን የደህንነት አገልግሎት (SBU) ኮማንድ ፖስት፣ የሉች ዲዛይን ቢሮ እና የሚሳኤል የጦር መሳሪያ የሚሳኤል ማማማቻዎችን ኢላማ ማድረጉን አስታውቋል፡፡

ሩሲያ እና ዩክሬን ወደ አውዳሚ ጦርነት ከገቡ ሦስት ዓመት ሊሞላቸው የወራት እድሜ የቀራቸው ሲሆን፤ ከሁለቱም በኩል በሺዎች የሚቆጠሩ ሰዎች የጦርነቱ ሰለባ ሆነዋል፡፡ በሚሊዮን የሚቆጠሩ ሩሲያዊን እና ዩክሬናዊያን ከመኖሪያ ቀያቸው እንደተፈናቀሉም ዓለም አቀፍ የሰብዕዊ የመብት ተሟጋች ድርጅቶች ያወጧቸው መረጃዎች ይጠቁማሉ፡፡