[ኢብን ሽፋ - Ibn Shifa]

አዎ! ሳዑዲ ውስጥም የተለያዩ ወንጀሎች ይሰሩ ይሆናል።
—————ክፍል 1
አንዳንድ ሰዎች ሳዑዲ ውስጥ አንዳንድ ወንጀሎች ሲፈፀሙ ሲያዩ ሳዑዲን ከሌሎች ሀገራት በተለየ መልኩ ሊጠሏት፣ ሊያብጠለጥሏት ይነሳሉ። ሳዑዲ ሀገር ማለት መላኢካ ነው ሚኖርባት ያለው ማን ነው?፣ የሳዑዲ ንጉሳን መላኢካ ናቸው አይሳሳቱም ያለውስ ማን ነው?፣ አላህ ፈጣሪያቸውን ብቻ እንደሚያመልኩና እንደማያምፁ የተናገረላቸው እኮ መላኢካዎች ናቸው።

ሳዑዲ ውስጥ የተለያዩ ወንጀሎች የንጉሳን ቤተሰብም ይሁኑ ህዝቦቿ ይፈፀሙ ይሆናል፣ ይህ ደግሞ ነቢዩ (ሶለላሁ ዐለይሂ ወሰለም) በነበሩበት ዘመንም አልፎ አልፎ ይፈፀም የነበረ ነው። ለዚህም ማሳያ አንዲት ሴት ዚና ሰርታ ነቢዩ (ሶለላሁ ዐለይሂ ወሰለም) ዘንድ መጥታ "የአላህ መልእክተኛ ሆይ! ከወንጀሌ አፅዳኝ" ብላ እጅ እግሯን ለሸሪዓው መስጠቷ ተጨባጭ አስረጂ ነው። ይህ እንደ ምሳሌ ነው እንጂ ሌሎች ተመሳሳይ ክስተቶችም ተፈፅመዋል፣ በኸሊፋዎች ጊዜም ሰርቆ እጁን የተቆረጠ አልጠፋም።
ከዚያን ዘመን ጋር ካሉ ደጋግ ትውልዶችና አሁን ካለው ትውልድ ጋር ካሉ ታላላቅ ልዩነቶች አንዱ ልዩነታችንም ይህ ነው፣ በዚያን ዘመን እንደዋዛ ወንጀልን (ኃጢያት) የሚዳፈር አልነበረም፣ ተሳስተው እንኳን ወንጀል ላይ ቢወድቁ ትክክለኛ የሆነን ተውበት ሳያደርጉ ጌታቸውን መገናኘት ስለማይፈልጉ ህይወታቸውን አሳልፈው እስከ መስጠት የሚያደርሳቸው ቅጣት ቢሆን እንኳን ከልባቸው አምነው ይቀበሉታል። ለዚያም ነው ይህች ድንቅ ሴት ነቢዩ (ሶለላሁ ዐለይሂ ወሰለም) "ተውበቷ ለአለም ህዝብ ቢከፋፈል በበቃ ነበር" ያሉላት ሴት ማንም ሳያያት የሰራችውን ኃጢያት (ሀድ) እንዲቆምባት ተቀጥቅጣ እንደትገደል ወስና ወደ መልእክተኛው "ሶለላሁ ዐለይሂ ወሰለም) ዘንድ መጥታ "አፅዳኝ" ያለችዎት። አሁን ላይ እንዲህ ለሸሪዓው ታዛዥ የሆነን ትውልድ ማግኘት ርቋል።

ሳዑዲም በዚህን ጊዜ በነቢዩ (ሶለላሁ ዐለይሂ ወሰለም) ጊዜ ሶሃቦች ይዳኙበት በነበረው ዘላለም እንድንዳኝበት በታዘዝንበት የሸሪዓ ህግ ህዝቦቿን ወደውም ይሁን ተገደው የምትዳኝበት ብቸኛ ሀገር ናት። በሳዑዲም የሚሰሩ ኃጢያቶች አሁን ከምናያቸው ከሌሎች የአለማችን ሀገሮች ኃጢያቶች ጋር ያለው ልዩነትም ይሄው ነው። ሌሎች ሀገራት ላይ አንዳንድ ሰዎች ለሙስሊሙ ተቆርቋሪ አድርገው የሚስሏት ቱርክን ጨምሮ ኃጢያት በመንግስትና በሀገሪቱ ህጋዊ ተደርገው ይፈፀማሉ። ሳዑዲ ውስጥ ግን ፍቃድ ሊያገኝ ይቅርና ኃጢያት የፈፀመ ሰው በሸሪዓችን የሚገባውን ቅጣት ተግባራዊ ያደርጉበታል። ይህ ማለት አልፎ አልፎም ቢሆን የሀገሪቱን ህግ በሚፃረር መልኩ በአንዳንድ ባል ስልጣኖች አማካኝነት አይከሰትም ማለት አይደለም።

ይህቺ ናት ሳዑዲ…
ያገባ ሆኖ ዚና የሰራ ሸሪዓው በሚያዘው መልኩ በአደባባይ ተቀጥቅጦ የሚገደልባት ሀገር ማን ናት?! ሳዑዲ ናት።
ሰው የገደለ በሸሪዓው መሰረት የሚገደልባት ሀገር ማን ናት?! ሳዑዲ ናት።
የሰረቀ በሸሪዓው መሰረት እጁ የሚቆረጥባት ሀገር ማን ናት?! ሳዑዲ ናት።
የደዕዋ ሚኒስቴር አቋቁማ ከራሱዋ አልፋ ለሌሎች ለአለማችን ሀገራት ደዒዎችን በመላክ ደዕዋ በማድረግ ተውሒድና ሱናን የምታሰራጭ ሀገር ማን ናት?! ሳዑዲ ናት።
የተለያዩ ኢስላማዊ ዩኒቨርሲቲዎችን አቋቁማ የዲን እውቀት ፍለጋ ከአለም ወደሷ ለሚጎርፉ ተማሪዎች ሙሉ ወጪያቸውን ችላ በነፃ ምታስተምር ሀገር ማን ናት?! ሳዑዲ ናት።
ታላላቅ የኢስላም ሊቃውንቶች የሚፈልቁባትና ከእኛ ሀገር ለሄዱት ሳይቀር አመቻችታ አስቀምጣ እየተንከባከበች እንዲያስተምሩ ምታደርግ ሀገር ማን ናት?! ሳዑዲ ናት።

የሳዑዲ ንጉሳን ሁጃጆችን "የአላህ እንግዶች" ብለው ገንዘባቸውን አፍሰው፣ ጊዜያቸውን ሰውተው ተንከባክበው ተቀብለው ሺርክን የሚያንኮታክቱ፣ ተውሒድን የሚያነግሱ ድንቅ ኪታቦችን ስጦታ ሰጥተው በሰላም ወደመጡበት ሀገራቸው ይሸኛሉ።

አንዳንድ ሰዎች ለተከታዮቻቸው የሚያቀርቡት የማጭበርበሪያ ውሸት አለ፣ እሱም "ሳዑዲን ንጉሶቿን እንጂ ሀገሪቷንና ህዝቦቿን አንጠላም" የሚሉት ውሸት ነው። ውሸታሞች ናቸው!። ንጉሶቿ ቀና ባይሆኑ ሀገሪቷ ላይ የሸሪዓ ህግ ተፈፃሚ እንዲሆን ባልፈቀዱ ነበር!፣ ንጉሶቿ ቀናነት ባይኖራቸው ኖሮ ሀገሪቷ ላይ ያሉ ኢስላማዊ ተቋማትን አዳክመው በበታተኑ ነበር፣ ንጉሶቿ የተውሂድና የሱና ጠላት ቢሆኑ ኖሮ ከሀገራቸው አልፈው አለም ላይ ለሚደረጉ ኢስላማዊ እንቅስቃሴዎች ገንዘባቸውን ባላፈሰሱ ተውሒድና ሱንና እንዲሰራጭ ትኩረት ሰጥተው ባልሰሩ ነበር።

ሌላኛው የቀጣፊዎች የቅጥፈት ክስ "ሳዑዲ ዑለማን ታስራለች" የሚል ወዳጆቻቸውንና ተጨባጩን የማያውቁ ሰዎችን የሚያጭበረብሩበት ቅጥፈት ነው። እስኪ ልጠይቅ፣ ሀገራችን ውስጥ ዓሊም ነኝ ብሎ የጠመጠመና ህዝቡን ከጠላቶቹ ጋር ሆኖ የሚያሰቃይ፣ አለያም ለጠላቶቹ አሳልፎ ሊሰጥ የሚችልበትን አይነት አካሄድ የሚሄድ ሁሉ ዓሊም ነውን?!፣ መልሳችሁ አይደለም! ከሆነ፣ አዎን! ሳዑዲም በዲን አስታከው ፖለቲካ ቀላቅለው ህዝቡን የሚያጭበረብሩ የሚያምታቱና ህዝብን ወደ ጥፋት የሚመሩ  የሸሪዓዋን ሀገር ለሌላ አደጋ ሊያጋልጣት የሚችል አይነት አካሄድ የሚሄዱ "ዓሊም ነኝ፣ ዳዒ ነኝ" ባዮችን ከጥፋታቸው እንዲመለሱ ታስራለች የተለያዩ ተመጣጣኝ እርምጃዎችን ትወስዳለች። የሚገባቸውን አይነት እርምጃ ባትወስድባቸውማ አሁን ያለችዋን ሰላም የሆነችዋን ሳዑዲን ማየት ይናፍቀን ነበር!። እንደ ቱኒስ፣ ሶሪያ፣ ኢራቅ፣ ሊቢያ፣ የመን ሆና እናገኛት ነበር። እነዚህ ሀገራት በእንዲህ ያሉ የዲን ነጋዴዎችና አጭበርባሪዎች ለራሳቸው ተንደላቀው ተቀምጠው ምስኪኑን ህዝብ በማነሳሳት ለዚህ ሁሉ እልቂት መዳረጋቸው ሲገባው ሳዑዲ የምትወስድባቸው እርምጃ እውነታው ቁልጭ ብሎ ይታየዋል።

ሳዑዲ ምንም እንኳ የውስጥና የውጭ (የእልምናን ጭንብል ያጠለቁና ሙስሊም ያልሆኑ) ጠላቶቿ ቢበዙም በሀቅ ሰዎች ልብ ውስጥ ናት። አውቀውም ይሁን ሳያውቁ ሳዑዲን ማብጠልጠል የሚፈልጉ ሰዎች በስሜትና በጭፍን ጥላቻ ታውረዋል። ሌላ መልካም ጎንዋን አይመለከቱም፣ ተራራ የሚያህል መልካም ስራዋን ጠጠር በሚያህል ስህተት ሊንዱት ይፈልጋሉ።

በእርግጥ! ጮሌና አዕምሮው ፈጣን የሆነ ሰው፣ የአለምንና የሳዑዲን ተጨባጭ ሁኔታ የሚያውቅ ሰው፣ ሳዑዲን የሚያጠለሹ ሰዎች ከጀርባቸው ምን ድብቅ አጀንዳ አዝለው እንደሆነ ጥቆማ ሳይፈልግም ይገበዋል። ቀጣፊዎች ሳዑዲ ላይ ያሻቸውን ሲቀጥፉባትና ጠጠር የምታክልን ስህተት እንደ ተራራ የሚያጋንኑትን ተግባራቸውን፣ አንዳንድ ሰዎች እውነት መስሏቸው የሚያምኑዋቸው ስለ አለምና ሳዑዲ ተጨባጭ ሁኔታዎችን በጭራሽ የማያውቁ አልያም ለነዚህ ቀጣፊ ሰዎች ጭፍን ተከታይ የሆኑ ናቸው።

ሳዑዲ!
ሱናን በማሰራጨት ቁ. 1
የደጋግ ቀደምቶችን መንገድ በመከተል ቁ. 1
የሸሪዓ ህግን ተፈፃሚ በማድረግ ቁ. 1
እስልምናን በማሰራጨት ቁ. 1
ፍልጤንን ጨምሮ አለም ላይ ላሉ ችግርተኛና ተጨቋኝ ሙስሊሞች ፈጥና በመድረስና በመንከባከብ ቁ. 1
ትክክለኛውን ሸሪዓዊ እውቀት በማሰራጨት ቁ. 1
ለሱንና ሊቃውንቶች ልዩ ትኩረት በመስጠት ቁ. 1
ለፍልስጤን ጉዳይ (ኢኽዋን በሚያጭበረብርበት መንገድ ሳይሆን) በትክክለኛው መንገድ ትኩረት በመስጠት ቁ. 1
ራፊዳዎችና ሺዓዎችን በማንበርከክ  ቁ. 1
የቢድዐ ሰዎችን እና ተክፊሮችን (ኢኽዋኖችን) በማንበርከክ ቁ. 1 ወዘተ…
✍🏻ኢብን ሽፋ (t.me/ibnshifa)
የቴሌግራም ቻናላችን ⤵️ #join በማድረግ ይቀላቀሉ
https://telegram.me/IbnShifa
https://telegram.me/IbnShifa

ከሱና በኋላ ቢድዐ እንጂ የለም!!
———
ኢብኑ ቁዳመህ አልመቅዲሲይ (ረሂመሁላህ) ኢንዲህ ይላሉ: -
“ ከሰለፎቹ መንገድ ሌላን መንገድ የተጓዘ ወደ መጥፊያው ታደርሰዋለች፣
ከሱና ያዘነበለ በእርግጥ ከጀነት አዘንብሏል፣
አላህን ፍሩት! ለነፍሳችሁ ፍሩ፣ ነገሩ ከባድና ውስብስብ ነው፣ ከጀነት በኋላ ጀሀነም እንጂ ምን አለ?
ከሀቅ በኋላ ጥመት እንጂ ምን አለ?
ከሱና በኋላም ቢድዓ (በሃይማኖት ፈጠራ) እንጂ የለም!! ”
[ተህሪም አን-ነዘር ፊኩቱቢል ከላም 71]
✍🏻ኢብን ሽፋ #join ⤵️
https://telegram.me/IbnShifa
https://telegram.me/IbnShifa

መንሀጀ-ሠለፍን እንዴት ተረዳሀው/ሽው?!
……  …… መንሀጀ-ሰለፍን በትክክል እንገንዘብ!!

🔹 መንሀጀ-ሠለፍን በትክክል ከተረዳን የሁሉንም ነገር ልክና ድንበር እናውቀዋለን።

መንሀጀ ሰለፍ ማለት:- ነቢዩ (ሶለላሁ ዐለይሂ ወሰለምን) እና ባልደረቦቻቸውን ጨምሮ እነሱንም በትክክል የተከተሉ የደጋግ ቀደምቶች መንገድ ማለት ነው።

መንሀጀ ሰለፍ ማለት:- አንዳንዶች እንደሚያስቡት ልክ እንደ ሌሎች የጥመት አንጃዎች ራሱን የቻለ አንጃ ሳይሆን ትክክለኛ (ንፁህ) ያልተበረዘው እስልምና ማለት ነው። ትክክለኛውና (ንፁህ) እስልምና ማለት ደጋግ ቀደምቶች ባመኑበት መልኩ ማመን ነው!።

አምላካችን አላህ በተቀደሰው ቃሉ እንዲህ ብሏል:-

فَإِنْ آمَنُوا بِمِثْلِ مَا آمَنتُم بِهِ فَقَدِ اهْتَدَوا ۖ وَّإِن تَوَلَّوْا فَإِنَّمَا هُمْ فِي شِقَاقٍ ۖ فَسَيَكْفِيكَهُمُ اللَّهُ ۚ وَهُوَ السَّمِيعُ الْعَلِيمُ

«በርሱ ባመናችሁበት ብጤ ቢያምኑ በእርግጥ ተመሩ፡፡ ቢዞሩም እነርሱ በጭቅጭቅ ውስጥ ብቻ ናቸው፡፡ እነርሱንም አላህ ይበቃሃል፤ እርሱም ሰሚው ዐዋቂው ነው፡፡» አል_በቀረህ 137

ትክክለኛ ሠለፊይ ማለት ደግሞ:- እነዚሁ ደጋግ ቀደምቶች ባመኑበት መልኩ አምኖ በአካሄድም ሆነ በአኽላቅ፣ ከከሀዲዎችና ከጥመት አንጃዎች ጋር በሚኖረን ግንኙነትም ሆነ በሌላ ደጋግ ቀደምቶችን በመልካም ሁኔታ ተከትሎ መጓዝ ማለት ነው።

ሠለፊይነት ማለት:- የመልካም ቀደምቶችን መንገድ ለራስህ ዝንባሌ በሚመችህ መልኩ ሳታሰናዳው አጥብቀህ በመልካም ሁኔታ መከተል ነው።

አምላካችን አላህ እንዲህ ብሏል:-

وَالسَّابِقُونَ الْأَوَّلُونَ مِنَ الْمُهَاجِرِينَ وَالْأَنصَارِ وَالَّذِينَ اتَّبَعُوهُم بِإِحْسَانٍ رَّضِيَ اللَّهُ عَنْهُمْ وَرَضُوا عَنْهُ وَأَعَدَّ لَهُمْ جَنَّاتٍ تَجْرِي تَحْتَهَا الْأَنْهَارُ خَالِدِينَ فِيهَا أَبَدًا ۚ ذَٰلِكَ الْفَوْزُ الْعَظِيمُ

«ከስደተኞቹና ከረዳቶቹም ሲሆኑ የመጀመሪያዎቹ ቀዳሚዎች እነዚያም በበጎ ሥራ የተከተሏቸው አላህ ከእነሱ ወዷል ከእርሱም ወደዋል፡፡ በሥሮቻቸውም ወንዞች የሚፈሱባቸውን ገነቶች በውስጣቸው ዘለዓለም ነዋሪዎች ሲኾኑ ለእነርሱ አዘጋጅቶላቸዋል፡፡ ይህ ታላቅ ዕድል ነው፡፡» አል_ተውበህ 100

መንሀጀ ሰለፍ ማለት:- የፖለቲካው ሁኔታ ሲቀያየር የምትቀያይረው ማለት አይደለም!!

መንሀጀ ሰለፍ ማለት:- የአንድ ሰሞን የግርግር አቋም አይደለም!!።

መንሀጀ ሰለፍ ማለት:- በዱኒያዊ ጉዳይ ከተወሰኑ የጥመት አንጃዎች (የቢድዐ) ሰዎች ጋር ስትገናኝ ለዱኒያዊ ጥቅም አልያም አንዳች ለዲን ይጠቅማል ብለህ ምታስበው ነገር እንዳይቀርብህ ብለህ በማላላትም ይሁን በማጥበቅ የምትቀያይረው አቋም ሳይሆን የትም ሆነህ በየትኛውም ሁኔታህ እስከ እለተ ሞትህ አጥብቀህ የምትይዘው የማይቀያየር የደጋግ ቀደምቶች መንገድ ነው።

መንሀጀ ሰለፍ ማለት:- ከሆኑ ግለሰቦች ጋር በዱኒያዊ ጥቅምም ይሁን በስነ-ምግባር ስላልተጣጣምክ ለመወነጃጀል ያህል የምትጠቀምበት አይደለም!!

መንሀጀ ሰለፍ ማለት:- ቢደላህም ቢቸግርህ፣ ከሆኑ ግለሰቦች ጋር በዱኒያዊ ጥቅማ ጥቅምም ሆነ በሌላ ብትጋጭም ሆነ ብትዋደድ፣ እስከ እለተ ሞትህ በክራንቻ ጥርስህ አጥብቀህ የምትይዘው የደጋግ ቀደምቶች መንገድ የሆነው ንፁህ እስልምና ነው!!

መንሀጀ ሰለፍ ማለት:- ሞቅ ሲልህ ምታወልቀው ሲበርድህ አንስተህ የምትለብሰው ጃኬት አይደለም!! ይልቅ ሞቅታህም መቀዝቀዝህም ትክክል ይሁን አይሁን የምትለካበት ትክክለኛው መነፅር ነው።

ስትቀዘቅዝ ለምን ቀዘቀዝኩ? ብለህ እንደ ሸሪዓ ራስህን የምትገመግምበት መንገድ ነው።

ሞቅ ሲልህ ደግሞ ይህ እንደ ሸሪዓ (እንደ ቀደምቶች አቋም) ተገቢ ነው አይደለም? ብለህ ራስህን ፈትሸህ ምታስተካክልበት ምንጊዜም ሊለይህ የማይገባ የደጋግ ቀደምቶች መንገድ እንጂ ሞቀኝ ብለህ አውጥተህ የምታስቀምጠው ልብስ አይደለም!!

ሠለፊይ (ሱኒይ) የሆነ ሰው የማይሳሳት ፍፁም አይደለም!!።
አንዳንድ ሰዎች እንዲህ ሲሉ ይደመጣሉ:- “ሰለፊይ ነው ብዬ ፂሙን አስረዝሞ፣ ሱሪውን አሳጥሮ፣ እንዲህ ሲያደርግ አይቼ ሰለፊይነት አስጠላኝ… ኒቃቧን ለብሳ እንዲህ አድርጋ እንዲህ ስትል… ደግሞ በዛ ላይ ቀሪኣ ነች (የቀራች ናት) ከዛ በኋላ አስጠሉኝ…” ወዘተ ይላሉ።
ሆነ ብለውም ይሁን አይሁን እንዲህ መሰል ፀያፍ ቃላቶችን በሰለፊይ ወንድምና እህቶች ላይ ከምላሳቸው የሚያወጡ ሰዎች አሉ።

እንዲህ የሚሉ ሰዎች ሶስት ነገሮችን ዘንግተዋል:-
1ኛ, ዲናችን የሚለካው በቁርኣንና በሀዲስ እንጂ በሰዎች እንዳልሆነ ዘንግተዋል።

2ኛ, እነዚህ ኢስላማዊ ምልክት የሚታይባቸውን ሰዎች ሰው መሆናቸውን ዘንግተው ልክ ምንም የማይስቱ እንደ መላኢካ (ፍፁም) አድርጎ መሳል አለ።

3ኛ, አንዳንዴም እነዚህ ሰዎች ጥፋት ነው ብለው የሚያስቡት ነገር በሆነ ባህል ተፅእኖ ወድቀው ስህተት መስሎ የታያቸው ነገር ግን ደግሞ እንደ ሸሪዓ ችግር የሌለው ነገር በመሆኑ ሌሎች ቀለል አድርገው ተግብረውት ይሆናል።

የሆነው ሆኖ ብቻ ግን አንድ መታወቅ ያለበት ነገር ቢኖር ሰለፊይ የሆነ ሰው ፍፁም አይደለም!! ይሳሳታል ከስህተቱ ግን ቶሎ ይመለሳል። እንዲሁም መንሀጀ ሰለፍ በሰዎች ሳይሆን የሚለካው ሰዎች ናቸው በመንሀጀ ሰለፍ የሚለኩት!!

ፈተናዎች በሚደራረቡበት ጊዜ እና የጥመት አንጃዎች ማእበል በሚበረታበት ወቅት እውቀት ያለው እንኳን ከመንሀጀ ሰለፍ ሲንገዳገድ ካየህ በጭላንጭል እውቀት መንሀጀ ሰለፍን የያዙ ሰዎች እንዴት ይሆኑ ይሆን?! ብለህ እንድታስብ ያደርግሃል።

መንሀጀ ሠለፍን በትክክለኛ እውቀትና በትክክለኛ ማስረጃ በሚገባ ተገንዝቦ መያዝ ግዴታ ነው!!

አለያ ግን ልክ ባህሩ በማእበል ሲናወጥ የጀልባዎች ሁኔታ እንደሚያሳስበው ሁሉ፣ በትክክለኛ እውቀት መንሀጀ ሰለፍን አጥብቀው ያልያዙ ሰዎች ሁኔታ አሳሳቢ ነው!!

ሳጠቃልል ሠለፊነት ማለት:- ቁርኣን እና ሐዲስን በደጋግ ቀደምቶች ግንዛቤ መገንዘብ ማለት ነው። እንዲሁም ደጋግ ቀደምቶች በተጓዙበት መጓዝና በቆሙበት መቆም ነው።
✍🏻ኢብን ሽፋ: (t.me/ibnshifa)
የተለያዩ ት/ቶችን ለማግኘት የቴሌግራም ቻናላችን ⤵️ #join በማድረግ ይቀላቀሉ
https://telegram.me/IbnShifa
https://telegram.me/IbnShifa