የእንጅባራ ዩኒቨርሲቲ ሴኔት መደበኛ ስብሰባውን በማካሄድ የተለያዩ አጀንዳዎችን አጸደቀ፡፡
--------
ታኅሳስ 8/2017 ዓ.ም፤ እንጅባራ ዩኒቨርሲቲ

የዩኒቨርሲቲው ሴኔት በዛሬው እለት መደበኛ ስብሰባውን በማካሄድ የተለያዩ አጀንዳዎችን ገምግሞ አጽድቋል።
ለሴኔቱ የቀረቡ አጀንዳዎች
1. የተሻሻለውን ሴኔት ሌጅሽሌሽን ማጽደቅ
2. PhD in Applied linguistic ስርዓተ ትምህርት (curriculum) ማጽደቅ የሚሉ ሲሆን ሴኔቱ በእነዚህ አጀንዳዎች ላይ ሰፊ ውይይት በማካሄድ የቀረቡትን አጀንዳዎች አጽድቋል፡፡
ቀደም ሲል ተግባራዊ ሲደረግ የነበረው የዩኒቨርሲቲው ሴኔት ሌጅሽሌሽን በአዲሱ መዋቅር መሰረት አንዳንድ ጉዳዮች ላይ ማሻሻያ ማድረግ በማስፈለጉ እና እንጅባራ ዩኒቨርሲቲ አጠቃላይ ዘርፍ ዩኒቨርሲቲ ከመሆኑ አንጻር የተለያዩ ዩኒቨርሲቲዎችን ልምድ መነሻ በማድረግ የተሻሻለ ሴኔት ሌጅሽሌሽን ማዘጋጀት አስፈልጓል፡፡ ሰኔቱም ተሻሽሎ በቀረበው ሌጅስሌሽን ላይ በሰፊው በመወያየት እና ግብዓቶችን በመጨመር በሙሉ ድምጽ አጽድቋል፡፡

ሁለተኛው አጀኝዳ የ3ኛ ዲግሪ ስርዓተ ትምህርት (Curriculum ) ማጽደቅ ሲሆን ቀደም ሲል በዩኒቨርሲቲው ከሚሰጡ ድህረ ምረቃ ፕሮግራሞች (PhD in Developmental psychology and Teaching English as a foreign language) በተጨማሪ PhD in Applied linguistics ለመጀመር የሚያስችል ስርዓተ ትምህርት ተዘጋጅቶ ቀርቧል። ሂደቱም አስፈላጊ ቅድመ ሁኔታዎች የሚባሉት የፍላጎት ዳሰሳ ጥናት እንዲሁም የውስጥ እና የውጭ ግምገማዎች የተካሄዱበት መሆኑም ተገልጿል። ሴኔቱም የቀረበውን ስርዓተ ትምህርት አግባብነት በመገምገም PhD in Applied Linguistics ትምህርት እንዲጀመር በሙሉ ድምጽ አጽድቋል፡፡