👀በስህተት የባንኩን ጠቅላላ ገንዘብ ወደ አንድ ሰው አካውንት የላከው የባንክ ባለሙያ

መቀመጫውን በዓለማችን ቁጥር አንድ የዲፕሎማሲ ማዕከል ኒዮርክ ያደረገው ሲቲ ባንክ ከሰሞኑ አነጋጋሪ ድርጊት ፈጽሟል፡፡

የባንኩ አንድ ደንበኛ 280 ዶላር ለመላክ በአካል መምጣቱን ተከትሎ የባንኩ አንድ ሰራተኛም አገልግሎቱን ይሰጣል፡፡

ይሁንና ይህ የባንክ ባለሙያ በስህተት በርካታ ዜሮ ቁጥሮችን በመንካት በጠቅላላው 81 ትሪሊዮን ዶላር ያስተላልፋል፡፡

ሂሳቡ እንዲዘዋወር መፍቀድ የነበረበት ሌላኛው የባንክ ሰራተኛም ትኩረት ሳያደርግ የመጀመሪያው ባለሙያ የሰራውን ስህተት አሳልፎታል ተብሏል፡፡

የተላለፈው ገንዘብ መጠን ገንዘቡ የደረሰው ሰው ባንድ ጊዜ የዓለማችን ቁጥር አንድ ባለጸጋ ይሆናል የተባለ ሲሆን የኢለን መስክን ጠቅላላ ሀብት 200 ጊዜ እጥፍ ሀብት ኖረዋል ይሆናል፡፡

የገንዘብ ዝውውሩ የሚያጸድቀው ሶስተኛው እና የመጨረሻው ባለሙያ እንደ ቀልድ ሊያሳልፈው ሲል ማየቱን ተከትሎ ባንኩ ከኪሳራ መዳኑን ዩሮ ኒውስ ዘግቧል፡፡

ይህ ባንክ ባሳለፍነው የፈረንጆቹ 2024 ዓመት ውስጥ 10 ጊዜ በስህተት አንድ ቢሊዮን ዶላር የሚገመት ገንዘብ በስህተት አስተላልፎም ነበር፡፡

እንዲሁም በ2023 ደግሞ 13 ጊዜ በስህተት ገንዘብ ልኮ የነበረ ሲሆን ከአምስት ዓመት በፊት ደግሞ 900 ሚሊዮን ዶላር በስህተት ከላከ በኋላ ገንዘቡ በህግ ክርክር ከተደረገበት በኋላ ገንዘቡ ቢመለስም የባንኩ ስራ አስኪያጅ ግን ስራቸውን አጥተዋል፡፡

የሲቲ ባንክ አጠቃላይ ሀብት 150 ቢሊዮን ዶላር ገደማ ሲሆን ሊልከው የነበረው ገንዘብ ግን ከዚህ በጣም ብዙ እጥፍ ነበር፡፡

@seledadotio
@sepedadotio