አዶናይ

@thedayofpentecost

Гео и язык канала: Эфиопия, Амхарский

Категория: Религия

በዚህ ቻናል በኩል የታረደውን የእግዚአብሔር በግ እያከብረን ፣ በመንፈስ ቅዱስ መሪነት በውስጥ ሰውነታችንን በሀይል እንበረታለን።
መንፈስ ቅዱስ ከኛ ጋር ነው 🥰
@AdonaiComments_bot

Связанные каналы | Похожие каналы

Гео и язык канала

Эфиопия, Амхарский

Категория

Религия

Статистика

Избранное

Фильтр публикаций

Скрывать удаленные

Скрывать репосты

አዶናይ

1 Jan, 20:49

በዘመኔ ማንም ልቤን ሳይወስደው እንዲሁ እግሮችህ ስር እንደተንበረከኩ ዘመኔ ይለቅልኝ😭 የእኔነቴም መጨረሻ ያሳደጉኝ እጆች ላይ ይሁንልኝ...እኔ ቤት ጓደኛ ፣ ገንዘብና ዝና ካንተ እንፃር ሲታዩ ምን አይነት ዋጋ የላቸውም፤ ከፊት ቢሆን ከኃላ፣ መጨረሻም ላይም ቢሆን መጀመሪያ ላይ አንተ ካለ ብቻ ነው የኔ ህይወት ትርጉም የሚኖረው፤ የኔ አባት ዛሬ እንደ ልጅ እጠይቅሃለሁ ከእጆች መዳፍ እንዳልርቅ ጥብቅ አድርገህ በፍቅር ያዘኝና እጆችህ ላይ ዘመኔን ልጨርስ😭

661 0 19 4 87

አዶናይ

31 Dec 2024, 20:40

መሰማት ይፈልጋል

ብዙ ጊዜ በጌታ ፊት ተንበርክከን ስንፀልይ አንደ ልጅ ጌታን ብዙ ነገሮችን እንጠይቀዋለን፤ አባ ይሄን ነገር አድርግልኝ ፣ ካንተ ይሄን እጠብቃለው እንለዋለን፤ ነገር ግን ብዙዎቻችን እኛ ጌታን እንደ አባት የሚያስፈልገንን እንደምንጠይቀው ሁሉ የሚሰማንም አባት እኛ ልጆቹ እንድንኖርለት የሚፈልገው ህይወት እንዳለ አናስተውልም፤ አይታቹ ከሆነ የዛ የጠፋው ልጅ ትልቁ ጥፋት ንብረት መካፈሉ ላይ ሳይሆን ንብረት ከተካፈለ በኋላ አባቱን ምን አይነት ህይወት መኖር እንዳለበት አለመጠየቁ ላይ ነው፤ የተወደዳቹ የአባቴ ልጆች ፀሎታቹ የእናንተ ሀሳብ ብቻ የሚፀባረቅበት ስፍራ መሆን የለበትም፤ እኛ በፀሎት ስፍራችን ላይ ተንበርክከን አባታችን እንዲሰማን እንደምንፈልገው ሁሉ ጌታም በግሉ በልጆቹ መሰማትን ይፈልጋል፤ ይሄ አባት ምን አይነት ህይወት ልኑርልህ... እንደ ልጅ ከኔ የምትፈልገው ምንድነው እንድትሉት ይፈልጋል፤ ከጌታ ጋር የሚኖራቹ ህብረትም ፍሬያማ የሚሆነው በእናንተ ፍላጎቶችና ጥያቄዎች ላይ ብቻ ሳይሆን በእርሱም የልብ ፍቃድ ላይ የሚመሰረት ከሆነ ነው።

@thedayofpentecost
@thedayofpentecost

876 0 19 43

አዶናይ

29 Dec 2024, 20:50

በእረኝነቱ ለሚወዳቸው በጎቹ ሲል በአደባባይ ነፍሱን እስከመስጠት ድረስ ዋጋ ከፍሏል ፣ በማንነቱ ፍፁም ቅዱስ ሆኖም ሳለ እንደ ተራ ሰው እርቃኑን መስቀል ላይ ተሰቅሏል፤ ይሄ እረኛ ሁሉ ጊዜ በጎቹ ባሉበት ቦታ ሁሉ ይገኛል ፤ በለመለመም መስክ ይመራቸዋል ከእቅፉ የሚጠፉም በጎች ካሉ ፈልጎ ፈጥኖ ወደ ደረቱ ያጠጋቸዋል።

የሁል ጊዜ መልካሙ እረኛችን ኢየሱስ🥰

@thedayofpentecost
@thedayofpentecost‌‌

1.1k 0 7 56

አዶናይ

27 Dec 2024, 20:19

እንደ ኢየሱስ ሁኑባቸው

አንዳንድ ሰዎች እናንተ የደርሳቹበት ደረጃ ላይ መድረስ ሲከብዳቸው እናንተን ለማቆም ብለው ውጪው መልካም የሚመስል ውስጡ ግን ቅናት የሞላበት ምክር ይመክራቿል፤ "እኛም የሆነ ሰሞን እንዲህ ነበርን " ፣ "ብዙ አታካብድ/ አታካብጂ " ፣ "ትደርሳለህ ቀስ በል" የሚሉ ምክር መሳይ ቃላቶች ከቅርብ ከሚባሉ ሰዎች ትሰማላቹ...እነኚን ወደ ኃላ የሚጎትቷቹን ድምፆች አልሰማ ብላቹ ይበልጥ ከፍ ስትሉ ደግሞ እነኛው ሰዎች እናንተን በአካል ማግኘት ስለማይችሉ በጎን ለሚያውቋቹ ሰዎች በመጥፎ ተግባር ስማቹን ለማጥፍት ይሞክራሉ፤ እንደዚህ ዓይነት ሰዎች የግድ የእነርሱ ማንነት ለማተለቅ ሲሉ የሌሎችን ማንነት ማኮሰስ እንዳለባቸው የሚያምኑ ሰዎች ናቸው፤ ኢየሱስንም በዘመኑ የጠራቢው ልጅ ፣ አጋንንት ያደረበት እብድ መሪ የሚሉት ሰዎች ነበሩ ጌታ ግን ለእነርሱ ትችትና ስላቅ ምላሽ ከመስጠት ይልቅ በሽተኞችን እየፈወሰና ሙታኖችን እያስነሳ እርስ በርሳቸው ግራ እንዲጋቡ ማድረግን ነበር የመረጠው፤ ዛሬም በእናንተ ህይወት ውስጥ እንደዚህ አይነት ባህሪ ያላቸው ሰዎች ካሉ በእነርሱ ላይ ኢየሱስ ካደረገው የተለየ ነገር ለማድረግ አትሞክሩ፤ የእናንተ ዝምታ ብቻ ለእነርሱ ትልቅ ጥያቄ ነው፤ ዝም ብላቹ ጉዟቹን ቀጥሉ።

@thedayofpentecost
@thedayofpentecost

1.4k 0 15 1 43

አዶናይ

26 Dec 2024, 21:49

ላይህ ናፍቃለሁ Abraham Halake - - Layeh Nafekalew - New Ethiopian Gospel… — አዶናይ

06:17

🎙️ላይህ ናፍቃለሁ😭

መቼ ትሆን ያቺ ቀን ......

ድንቅ መዝሙር 🥰

@thedayofpentecost
@thedayofpentecost

1.3k 0 14 3 20

አዶናይ

24 Dec 2024, 20:18

እኛ በማናውቀውና ገና ባልተረዳነው ፍቅር ልክ ኢየሱስ ዛሬም ይወደናል🥰

ማንም ሊወዳቹ በማይችልበት ፍቅር መጠን ኢየሱስ ወዷቿል ይሄን መቼም አትርሱ

1.8k 0 12 104

አዶናይ

21 Dec 2024, 20:07

የት ነው ያ ስፍራ ?

ሁላችንም በመንፈሱ ጠንካራ የሆነ፣ ከውሳኔዎቹ በፊት ቆም ብሎ የሚያስተውል፣ ህይወቱንም እንደ እግዚአብሔር ሀሳብ የሚመራ ጠንካራ ማንነት ያለው ሰው መሆን እንፈልጋለን ነገር ግን መፈለግ ብቻ እንጂ ያንን የምንፈልገውን አይነት ሰው መሆን ይከብደናል 😔 ይህ የሁላችንም ችግር ነው ዛሬ ያንን የምትፈልጉት አይነት ማንነት አግኝታቹ የምቶጡበትን ስፍራ እጠቁማቿለሁ ይሄ ስፍራ በግላቹ ከጌታ ጋር ህብረት የምታደርጉበት ስፍራ ነው... አዎ ብዙዎቻቹ በቤተሰብ ወይም ከጓደኞቻቹ ጋር ትፀልዩ ይሆናል ነገር ግን ከዛ ባለፈ በየግላቹ ከጌታ ጋር ህብረት የምታደርጉበት የፀሎት ሰዓት ሊኖራቹ ይገባል፤ ብቻቹን ከጌታ ጋር ህብረት የማድረጊያ ጊዜ ሲኖራቹና ያንንም ደጋግማቹ ስታደርጉት የእናንተን ሙሉ ስብዕና የሚቀይር፤ እግዚአብሔርንም ደስ የሚያሰኝ አዲስ ማንነት በዛ ህብረት ውስጥ ታገኛላቹ። ዳንኤል ትዝ ይላቹ ከሆነ በቀን ሶስት ጊዜ ከአምላኩ ጋር የግል ህብረት ነበረው በዚህም ምክንያት ዙሪያው ካሉት ጓደኞቹ ሁሉ በላይ በጥበብና በማስተዋል የጠነከረ ፣ የእግዚአብሔርም ሞገስ ያረፈበት ሰው እንደነበር መጽሐፍ ይነግረናል፤ ልክ እንዲሁ እናንተም በየቀኑ ከጌታ ጋር የግል ህብረት የሚኖራቹ ከሆነ በመንፈስ አለም ብቻ ሳይሆን በሰዎችም ዘንድ ተፅዕኖ መፍጠር የሚችል ህይወት ይኖራቿል።

@thedayofpentecost
@thedayofpentecost

2.3k 0 19 3 63

አዶናይ

19 Dec 2024, 20:11

ባይህ ምናለ — አዶናይ

08:58

🎙️ ባይህ ምናለ 😭

የውስጤን ርሀብ የገለፀልኝ ድንቅ መዝሙር 🔥

@thedayofpentecost
@thedayofpentecost

2.4k 0 31 1 35

አዶናይ

17 Dec 2024, 20:52

የእውነት ያስብልናል ?

ሰው እንኳን እኛን በቀረበንና በወደደን መጠን ስለእኛ የሆነ መልካም ነገር ያስባል እግዚአብሔርስ ስለ እኛ ምን ያስባል ? እንዲህ ብላቹ ጠይቃቹ አታውቁም ? የእውነት እግዚአብሔር ምን ያስብልናል ካሰበስ ምን አይነት ሀሳብ ? መጽሐፍ ቅዱስ ላይ አንድ የምወደው ቃል አለ እንዲህ ይላል “ለእናንተ የማስባትን አሳብ እኔ አውቃለሁ፤ ፍጻሜና ተስፋ እሰጣችሁ ዘንድ የሰላም አሳብ ነው እንጂ የክፉ ነገር አይደለም።” — ኤርምያስ 29፥11 በየቀኑ ጥላት በእኛ ህይወት ክፉ ነገሮችን እንደሚያስበው ሁሉ እግዚአብሔርም በኛ ህይወት የሰላምን ሀሳብ በየቀኑ ያስባል፤ ታዲያ ለምን እንዲህ አታደርጉም 🥰 ጠዋት ከእንቅልፋቹ ስትነሱ በዛች ቀን ጥላት በእናንተ ህይወት ላይ ያሰበባቹን ክፉ ሃሳብ ከምታስቡና ከምትጨነቁ ለምን የሚወዳቹ ጌታ በዛች ቀን ለእናንተ ለልጆቹ ያሰበውን መልካም ሀሳብ እያሰባቹ ቀናቹን አታሳምሩትም🥰 የዛኔ በእርግጠኝነት እግዚአብሔር በዛች ቀን ለናንተ ያሰባትን ሀሳብ ማስተዋል ትጀምራላቹ።

@thedayofpentecost
@thedayofpentecost

2.8k 0 26 69

አዶናይ

13 Dec 2024, 20:14

ሸክላ ሠሪው

ሸክላ ሠሪ ሲሰራ አይታቹት ከሆነ ብዙ የሚያድበለብላቸው ጭቃዎች አሉት፤ ጥቂት የሸክላው ጭቃ ድብልብሎች ደግሞ እግሩ ስር ይወድቃሉ እነኚ የሸክላ ጭቃዎች ከስሩ ስለማይርቁ ዳግም ለመሰራት እድል ያገኛሉ፤ ድንገትም ፀሀይ አግኝቷቸው ሊደርቁም ካሉ በውሀ አርሷቸው ዳግም ጌጥ አድርጓቸው ከሸክላው እቃ ጋር ያገኛቸዋል፤ ከምድራዊው የሸክላ ሠሪ የሚበልጠው የኛ ህይወት ሰሪ ደግሞ ለኛ ለልጆቹ ከዚህ በላይ ያስባል፤ መድከም፣ መሰበር የሸክላው ባህሪ ነው ሰሪው ግን እንደወደደ አሳምሮ ያበጀዋው ፤ የተወደዳቹ የአባቴ ልጆች በዚህ ሰዓት በብዙ ድካም ውስጥ ሊትሆኑ ትችላላችሁ ነገር ግን ምንም ያህል ብደክሙም እዚው ዳግም ሰርቶ ሊያቆማቹ ከሚችለው ከኢየሱስ እግሮች ሥር በፍፁም አትራቁ፤ የጌታ እግሮች የብርቱዎች መሰብሰቢያዎች ሳይሆኑ የደካሞች መኖሪያዎች ናቸው።

@thedayofpentecost
@thedayofpentecost

3.6k 0 41 3 77

አዶናይ

11 Dec 2024, 20:32

በጣም የምወደው በረከት 🥰

መዝሙር 20
¹ እግዚአብሔር በጭንቅ ቀን ይስማህ፤
የያዕቆብም አምላክ ስም ይጠብቅህ።
² ከመቅደሱ ረድኤት ይላክልህ፤
ከጽዮንም ደግፎ ይያዝህ።
³ ቍርባንህን ሁሉ ያስብልህ፤
የሚቃጠል መሥዋዕትህን ይቀበልልህ።
⁴ የልብህን መሻት ይስጥህ፤
ዕቅድህን ሁሉ ያከናውንልህ።

እግዚአብሔር በነኚ በረከቶች ይባርካቹ 🔥

2.9k 0 36 10 116

አዶናይ

7 Dec 2024, 20:54

ለሁላቹም ይጠቅማቿል ብዬ የመረጥኳቸው ትምህርቶች ስለሆኑ ' ADONAI ' የሚለውን በመንካት የምትፈልጉትን ትምህርት ሙሉውን ማግኘት ትችላላቹ ።

✨ ስለ መንፈሳዊ እድገት
👉 ADONAI .... Part 1
👉 ADONAI .... Part 2
👉 ADONAI .... Part 3

✨ በህይወታቹ ጥያቄዎች ከበዙባቹ
👉 ADONAI .... Part 1
👉 ADONAI .... Part 2
👉 ADONAI .... Part 3

✨ ስለ ማህበራዊ ሚዲያ አጠቃቀም
👉ADONAI .... Part 1
👉 ADONAI .... Part 2
👉 ADONAI .... Part 3

✨ አጉል ስሜታዊነት በፍቅር ህይወት ውስጥ
👉ADONAI .... part 1
👉ADONAI .... part 2

✨ የእግዚአብሔር ጊዜ ስለመጠበቅ
👉 ADONAI .... Part 1
👉 ADONAI .... part 2

✨ ለሴት እህቶች የተሰጠ ምክር
👉 ADONAI .... Part 1
👉 ADONAI .... Part 2

✨ ከአዶናይ ቤተሰቦች የተጠየቁ ጥያቄዎች
👉 ADONAI .... Q 1
👉 ADONAI .... Q 2
👉 ADONAI .... Q 3

@thedayofpentecost
@thedayofpentecost

5k 0 30 2 24

አዶናይ

5 Dec 2024, 20:22

ጌታ በቅርቡ ሊወስደን ይመጣል

ለመሄድ ተዘጋጁ

3k 0 7 5 137

አዶናይ

3 Dec 2024, 20:26

የኛ ቤት ይስሃቅ

በተፈጥሮ የመውለጃዋ እድሜ ያለፈባት እናት ነው ያለችው አባቱ ቢሆን የመቶ አመት የእድሜ ባለፀጋ ነው፤ ልጅዬው በአጭሩ የተአምር ልጅ ነው ፤ በሽምግልናም ስለተገኘ የቤቱ ደስታም ጭምር እንጂ ልጅ ብቻ አልነበረም ወላጅ እናቱ ከልቧ መሳቅ የጀመረችው ይሄን የመጀመሪያ ልጇን ካገኘች በኋላ ነው፤ ይሄ ልጅ ይስሃቅ ይባላል 🥰
ይስሃቅ በዛ ቤት ቢጠይቅ የማይሰጠው ቢፈልግ የማያገኘው ምንም ነገር አይኖርም፤ ነገር ግን ምንም ያህል በተአምር የተገኘ የቤቱ ብቸኛ ልጅ ቢሆንም ከእግዚአብሔር ድምፅ በላይ ግን ተሰሚነት የለውም... እዚህ ቤት ከይስሃቅ ይልቅ ለእግዚአብሔር ነበር ምን ላድርግልህ የሚባለው ፤ አብርሃም ለአምላኩ ለእግዚአብሔር እንኳን ልቡ የሚሳሳለትን ውዱን ይስሃቁን እንኳን ይሰጠዋል ለዛውም መስዋአት አድርጎ 💯 የተወደዳቹ የአባቴ ልጆች አሁን ላይ ብዙ ሰዎች በየቤታቸው አንድ ትኩረት የሚሰጡት ጉዳይ አላቸው አንዳንዱ ጋር ቤተሰቡ፣ ሌሎቹ ጋር ደግሞ ስራቸው እና ገንዘባቸው ዋና ጉዳያቸው ነው እንደ አብርሃም ያሉ ሰዎች ጋር ግን የእግዚአብሔር ነገር በጣም ከጓጉለት ነገር በላይ ትኩረትና ተሰሚነት አለው፤ ለካስ የእኛ ቤት ይስሃቅ ፤ ነገ ላይ ህዝብ የሚሆነው ከእግዚአብሔር በታች የሚሰማ ከሆነ ብቻ ነው።

@thedayofPentecost
@thedayofPentecost

4.4k 0 41 2 75

አዶናይ

1 Dec 2024, 20:10

ግን ባንተ — Yidnekachew Teka

05:30

🎙️ ግን ባንተ

ይሄን መዝሙር ብዙ ጊዜ ሰምቸዋለሁ የሰሞኑ መነካቴ ግን ብሷል 🔥

ጋሻ ሆነ ግን ተወጋህ ጉንህን 😥
እረኛ የሆነከው ልክ እንደ በግ ተነዳህ 😔
ያለም ጌታ በምድር ጌታ ፊት ቆመሀል
ምንጭ የሆንከው አንተ የኔ የሱስ ተጠምተሀል😭
እንደ ፀሀይ የሚያበራ ፊት እያለህ
ግን እኔ እንዳበራ እንድደምቅ ተተፋብህ
ሰማይ ምድር ምጠቀልል ልክ እንደ ጨርቅ፤
ግን ኢየሱስ ለኔ ተጠቅልለህ መቃብር ሆንክ ፣
ይሁን ስትል ሚሆንልህ 💯፣
አንተ ላይ ይሁን አሉብህ 😔
ግን ዝም አልክ አልመለስክም ፣
አይተህ ነው እኔን ደስታህን

ለወጉ እጆች ሀይላቸው ነበርክ ፈጣሪ
ለሰደቡ አፎች አንተ ነህ የእነርሱ ሰሪ
ፈቀድክላቸው አልከለከልካቸውም
የምትሞተው በጦር ለወጉ ለነርሱም

ግን ባንተ የኔ ኢየሱስ 😭

@thedayofPentecost
@thedayofPentecost

3.2k 0 34 47

አዶናይ

29 Nov 2024, 20:21

ሰሞኑንን ጌታን አምርሬ አንድ ጥያቄ እየጠየኩት ነው... ተጠቀምብኝ ብዬ 😭 እድሜ ከሰጠህኝ ላይቀር ፣ ካሰነበትከኝ ላይቀር ለክብርህ የሚሆን እቃ እድርገህ በሙሉ መልክህ ታይብኝ እያልኩት ነው ... መኖርንማ ጌታን የማያውቁትም ይኖራሉ የኛ ኑሮ ግን ከስም ባለፈ እርሱን በማሳየት ሲኖር ነው ተኖረ ሚባለው፤ ካለዚያ በእድሜያችን ላይ የሚጨመሩልን ቀናቶች ዋጋ አይኖራቸውም።

በእኛ በኩል ኢየሱስ ራሱን ለሌሎች ይግለጥ🔥

3.3k 0 14 6 126

አዶናይ

27 Nov 2024, 19:54

ከሌለበትስ ?

የሆነ ሰዓት ላይ ሁላችንም ሽር ጉድ ያልንለት ፣ ልባችንን የሰጠነው የሆነ ጉዳይ ይኖረናል ብዬ አስባለው ነገር ግን ስንቶቻችን እንሆን በዛ በጓጓንለት ጉዳይ ውስጥ የጌታን መኖር ያስተዋልነው 🤔 ? ዳዊት ጥላቶቹን ድል የሚያደርገው በተዋጊዎች ብዛት ሳይሆን በእርሱ አብሮነት ምክንያት እንደሆነ ስለሚያውቅ፤ ከየትኛውም ጦርነት በፊት የእግዚአብሔርን መኖር ይጠይቅ እንደነበር መጽሐፍ ይነግረናል፤ የተወደዳቹ የአባቴ ልጆች እንዲሁ ገንዘቡ ስላለ ወይ ደግሞ ያሰባቹትን ነገር የማድረግ አቅሙ ስላላቹ ብቻ ራሳቹን አምናቹ ምንም ነገር አትጀምሩ... ከሁሉም በፊት " አንተ አለህበት ወይ " ማለትን ልመዱ።

እርሱ ያለበት ጉዳይ ነው ሚበጀን

@thedayofPentecost
@thedayofPentecost

4.7k 0 29 1 70

አዶናይ

24 Nov 2024, 20:06

“በሌላ ስፍራ ሺህ ቀን ከመኖር፣ በአደባባይህ አንዲት ቀን መዋል ይሻላል፤ “
መዝሙር 84፥10

ከእርሱ ጋር የዋልንባት ያቺ አንድ ቀን ብቻችንን ከኖርንባቸው ሺህ ቀናቶች በላይ ዋጋ አላት።

@thedayofPentecost
@thedayofPentecost

3.5k 0 13 63

አዶናይ

23 Nov 2024, 19:34

ሰውዬው አይነ-ስውር ነው፤ ስራውም ቢሆን ልመና እንደነበር መጽሐፍ ይነግረናል የሰፈሩ ሰዎችም ለምልክት ካልሆነ በስተቀር የእርሱን ስም መጥቀስ አይፈልጉም፤ ቢበዛ ያ የለማኙ ሰፈር ቢባልለት ነው ብቻ ምን ልበላቹ ሰውዬው ባጭሩ ብዙ ማማረሪያ ምክንያቶች ነበሩት ነገር ግን አንድ ቀን ኢየሱስ አይኖቼን ያበራቸዋል የሚል ተስፍ ነበረው ደስ የሚለው ተስፍውም ባዶ አልቀረም የሚፈልገው ኢየሱስ አንድ ቀን ይለምንበት በነበረበት ስፍራ በኩል አለፈ፤ እና ይሄም ሰው ይጠብቀው የነበርው እድል እንዲያመልጠው ስላልፈለገ የዳዊት ልጅ ሆይ ማረኝ ብሎ መጣራት ጀመረ 🗣️ የሰውዬውም ድምፅ ድንገት ባለመፍትሄው ኢየሱስ ጆሮ ደረሰ፤ ኢየሱስም አይነስውሩን ሰው አስጠርቶ አይተው የማያውቁትን አይኖቹን አበራለት ጉዳዩ ተአምር ተባለ ፣ የሚያውቁት ሁሉ ግራ ተጋቡ፣ ቀስ በቀስ የዚህ ሰው ታሪክ ከተማውን አዳረሰ... እድሜውን፣ ክብሩን ያጣበት ጉዳይ ኃላ ላይ የእግዚአብሔር ክብር የሚታይበት መንገድ ሆነ፤ የተወደዳቹ ጣፋጩ በለስ ሁሉ ጊዜ በመጥፎ እሾክ የተከበበ እንደሆነ አትርሱ፤ የትኛውም እናንተ የምታልፉባቸው መጥፎ የሚመስሉ ወቅቶች ሁሉ አንድ እግዚአብሔር የሚከብርበትን ጣፋጭ የምስጋና ርዕሶችን በውስጣቸው ይዘዋል።

የዛሬ ችግሮቻቹ ነገ ላይ ማመስገኛ ርዕሶቻቹ ይሆናሉ ።

@thedayofPentecost
@thedayofPentecost

3.3k 0 23 2 66

አዶናይ

21 Nov 2024, 20:09

ለፈገግታ ያህል 🤗

የጴጢፋራ ሚስት ...🗣️ዮሴፍ አብረን እንተኛ

ወንድም ዮሴፍ ... እንቅልፌ አልመጣም😁

እንደዚህ አይነት ነገር ጴንጤዎች አይገባቸውም ይሉናል ግን ምኑ ይሆን ያልገባን😁

በጉ ነው በግ ያደረገን እኛ ምን እናድርግ

3.2k 0 27 6 99

Показано 20 последних публикаций.

9 282

подписчиков

Статистика канала

Язык сайта

Курс по Telegram от TGStat Academy

Бесплатные уроки от TGStat Academy

Кот научит как «ловить рыбу»

አዶናይ

Гео и язык канала

Категория

9 282

Популярное в канале