ቻይና በደርዘን የሚቆጠሩ ሰዎችን በመኪና ገጭቶ የገደለውን ሹፌር በሞት ቀጣች

በደቡባዊ ቻይና ስታዲየም ዙርያ የአካል ብቃት እንቅስቃሴ በሚያደርጉ ሰዎች ላይ መኪናውን በመንዳት በርካቶችን የገደለው ግለሰብ በሞት መቀጣቱን፤ ቅጣቱም ተግባሪዊ መደረጉን የቻይና መንግስት ሚዲያ ዘግቧል።

የ62 አመቱ ፋን ዌይኪው ህዳር 11 ቀን በቻይና ምድር ላይ በአስር አመታት ውስጥ ከደረሱት የትራፊክ አደጋዎች አስከፊውን አደጋ ያደረሰ ሲሆን በዝሁሃይ የአካል ብቃት እንቅስቃሴ ትራክ ላይ መኪናውን በመንዳት በትንሹ 35 ሰዎችን ገድሎ በደርዘን የሚቆጠሩ ሌሎች ደግሞ ማቁሰሉን ነው መረጃዎች የሚያሳዩት።

የ62 ዓመቱ ሰው የሞት ፍርዱ ዛሬ ሰኞ ተፈፃሚ የተደረገ ሲሆን የሞት ፍርድ በተፈረደ ወር ባልሞላ ጊዜ ውስጥ ፍርዱ ተግባራዊ መደረጉ በርካቶችን አስገርሟል። ፋን በሚል መጠርያ የሚታወቀው ግለሰቡ “የሕዝብ ደህንነትን አደጋ ላይ በመጣል” ጥፋተኛ ሆኖ መገኘቱን የገለፀው ፍርድ ቤቱ ነገሩን የፈፀመው “በልዩ ሁኔታ ጭካኔ በተሞላበት ዘዴ ነው” ሲል ገልጾታል።

በሚሊዮን ሙሴ
#ዳጉ_ጆርናል