በጌቴ ሰማኔ

በጌቴ ሴማኔ በአታክልቱ ቦታ 2×
ለኛ ሲል ጌታችን (በአለም ተንገላታ 2×

አዳምና ሔዋን ባጠፉት ጥፋት 2×
እኛም ነበረብን(የዘላለም ሞት 2×

መስቀል ተሸክሞ ሲወጣ ተራራ(2×
ይገርፉት ነበረ (ሁሉም በየተራ(2×

ድንግል አልቻለችም እንባዋን ልትገታ(2×
እያየች በመስቀል( ልጇ ሲንገላታ( 2×

በአምላክነቱ ሳይፈርድባቸው(2×
እንዲ ሲል ፀለየ (አባት ሆይ ማራቸው(2×

በረቂቅ ስልጣኑ ሁሉን የፈጠረ
በረቂቅ ጥበቡ ሁሉን የፈጠረ
በሰው እጅ ተገሎ( ሞተ ተቀበረ(2×

ፍቅሩን የገለፀው ተወልዶ በስጋ(2×
ኢየሱስ ጌታ ነው (አልፋና ኦሜጋ(2×

በመስቀል ተሰቅሎ እንዲያ እየቃተተ(2×
አለምን ለማዳን (የማይሞተው ሞተ(2×

ከሞት ሊታደገን በመጣልን ፈጥኖ(2×
መስቀል አሸከሙት( ውለታው ይህ ሆኖ(2×

መከራውን ሳስብ ሳስታውስ ቀኑን(2×
ይቆስላል ይደማል (ልቤ በሀዘኔ(2×

መች ለራሱ ነበር ይህ ሁሉ መከራ(2×
መስቀል ተሸክሞ( የወጣ ተራራ(2×

ሲያጎሩሱት ሚናከስ ሰው ክፉ ነውና
እውሩን ቢያበራ ጎባጣን ቢያቀና
ጌታዬን ሰቀሉት (አይሁድ ጨከኑና(2×

ምነው አያሳዝን የአይሁድ ክፋት (2×
የዝናቡን ጌታ( ውሀ ሲነፍጉት(2×

በተንኮል በሀጢአት ቀሩ እንደሰከሩ(2×
ሙታን ከመቃብር( ተነስተው ሲያስተምሩ(2×

እናታችን ሔዋን ወየው በይ አልቅሺ
የአንቺን ህመም ታሞ ከሞት ሊያድንሺ
የህያዋን ጌታ (ተሰቀለልሽ(2×

አዬ ጉድ አዬ ጉድ አለም የኋላሽ(2×
መዳኒት ክርስቶስ (በግፍ ሞተብሽ(2×

በመስቀል ተሰቅሎ ስጋውን ሲቆርስ
በችንካር ተወግቶ ደሙንም ሲያፈስ
ዋለች በመከራ ድንግል ስታለቅስ
                    እናት ስታለቅስ

ሰውነትሽ ራደ ሀዘን ከበበሽ
ስቃይ ከመከራውም ዳግም ፀናብሽ
ተሰቅሎ ስታይው (አንድ አምላክ ልጅሽ (2×

ቢፈስም እንባዬ ሆኖ መንታ መንታ
መች ዋጋ ይሆናል ለአንዲቱ ጠብታ
ላለቀሽው ለቅሶ (ድንግል የዛ ለታ(2×

ባለቅስሽው ለቅሶ በልጅሽ ህመም (2×
ከሀጢያት ነፃሁኝ ዳንኩኝ ከገሃነም(2×

✝️ለባለ ማህተቦች✝️ሼር ያድርጉ↗️

✨✨✨✨✨✨✨
✝️#ኦርቶዶክሳዊ_ዝማሬ✝️
✨✨✨✨✨✨✨