TIMRAN (ትምራን)

ለምርጫ ቦርድ አመራር ቦርድ እጩዎችን የማቅረብ ቀነ-ገደብ በፍጥነት እየቀረበ ሦስት ቀናት ብቻ ቀርተውታል!
ቀጣዩ ቦርድ ለሴቶች መብት እና ተሳትፎ ቅድሚያ እንዲሰጥ ድምፅ በመስጠት እናረጋገጥ! ድምፅዎት ልዩነት ይፈጥራል!
#ሴቶችን ማብቃት #ሴቶችበአመራርነት #የእጩነትጥሪ #ትምራን@5

The deadline for nominating candidates to the NEBE Management Board is fast approaching and left three days only!
Let’s ensure the next board prioritizes women’s rights and participation. Your voice matters!
#NominateNow #WomenInLeadership #NominationCall #TIMRAN@5

አራት ቀናት ቀረው
ለምርጫ ቦርድ አመራር እጩዎችን ለመጠቆም አራት ቀናት ብቻ ቀርተዋል።
ሴቶች ግንባር ቀደም መሆናቸውን እናረጋግጥ።
እጩዎችን በማቅረብ እንዲሁም የእጩዎችን ዝርዝር መረጃ በመስጠት ሴቶች የሚመሩበትን እድል ለመፍጠር ያግዙን!
#ሴቶችንእንምረጥ #ሴቶችበአመራርነት #የእጩነትጥሪ #ትምራን@5

Only four days left to nominate candidates for the NEBE Management Board.
Let’s make sure women are at the forefront. Share your nominees list and help us advocate for a future where women lead!
#VoteforWomen #WomenInLeadership #NominationCall #TIMRAN@5

ትምራን የሴቶችን ድምፅ በጥምረቱ በኩል ለማሰማት የሚያስችል የመግባቢያ ስምምነት ከኢትዮጵያ የሃይማኖት ተቋማት ጉባኤ ጋር ተፈራረመች

የጥምረት ለሴቶች ድምፅ በሀገራዊ ምክክር መድረክ ጽ/ቤት የሆነችው ትምራን ከኢትዮጵያ የሃይማኖት ተቋማት ጉባኤ ጋር በጋራ ጉዳይ ላይ በትብብር ለመሥራት የሚያስችል የመግባቢያ ስምምነት ሚያዚያ 14 ቀን 2017 ዓ.ም በጉባኤው ጽ/ቤት ተፈራረመች።

በመግባቢያ ስምምነት መርሐ ግብሩ ላይ የተገኙት የኢትዮጵያ የሃይማኖት ተቋማት ጉባኤ ጠቅላይ ጸሐፊ ሊቀ ትጉኃን ቀሲስ ታጋይ ታደለ፣ ትምራን ከጉባኤው ጋር በመቀናጀት በጋራ ጉዳይ ላይ ለመሥራት በመምጣቷ ለአመራሮቿ ምስጋና አቅርበው ያለንን የተቋማት ሀብት በማቀናጀት ውጤታማ ሥራ ለመሥራት አስፈላጊውን ሁሉ ማድረግ ይገባናል ብለዋል።

አክለውም ትምራን የሴቶችን ድምፅ በጥምረቱ በኩል በማቀናጀት የሴቶችን የመምራት አቅም ለማሳደግ እና ሴቶች ተገቢውን የሓላፊነት እና የሥራ ደረጃ እንዲያገኙ የምትሠራ ድርጅት በመሆኗ፣ በጉባኤው በኩል አስፈላጊው ትብብር እንደሚደረግላት ተናግረዋል።

አያይዘውም ሴት እናት፣ ሚስት፣ እኅት እና ልጅ ነች የሚለው አባባል ትልቅ ትርጉም ያለው በመሆኑ፣ ሴቶችን መደገፍ እና ማብቃት የራስን አካል መደገፍ እና ማብቃት ነው፤ ሴቶች በሁሉም መስክ ትርጉም ያለው ውክልና እና ሓላፊነት ያገኙ ዘንድ በጥምረቱ በኩል የሚደረገውን ጥረት በመደገፍ ውጤታማ ሥራ ለመሥራት ሁሉን አቀፍ ጥረት እንደሚደረግ ገልጸዋል።

የትምራን ሥራ አስኪያጅ ወ/ሮ ኢየሩሳሌም ሶሎሞን በበኩላቸው፣ ትምራን የሴቶችን የአመራር ተሳትፎ ትርጉም ባለው ደረጃ ማረጋገጥ ይቻል ዘንድ ሁሉንም የጥምረቱን አባላት በማሳተፍ፣ የሴቶችን አቅም በማጎልበት እና ድምፃቸው ከፍ ብሎ እንዲሰማ የምትሠራ ሀገር በቀል ድርጅት መሆኗን ገልጸው፣ የሴቶች ተሳትፎ በሀገራዊ ምክክር ሂደት እና ውጤት፣ በሀገር ልማት እና እድገት፣ በኢኮኖሚው ዘርፍ፣ ወዘተ ሁሉ በተገቢው ሁኔታ ይታይ ዘንድ ከተለያዩ ባለድርሻ አካላት ጋር በመተባበር የምትሠራ ድርጅት እንደሆነች አብራርተዋል።

በተጨማሪም የሴቷ አጀንዳ ማለት የባለቤቷ፣ የአባቷ፣ የልጇ፣ የወንድሟ አጀንዳ በመሆኑ፣ የሴቶችን አጀንዳ መደገፍ የሁሉንም ማኅበረሰብ አጀንዳ እንደ መደገፍ የሚቆጠር ነው። በዛሬው ዕለት በተፈራረምነው የመግባቢያ ስምምነት መሠረት ከኢትዮጵያ የሃይማኖት ተቋማት ጉባኤ ጋር በመተባበር ሴቶች በመሪነት፣ በሰላም ግንባታ፣ በሥራ፣ በትምህርት፣ ወዘተ መስኮች ያላቸው ተሳትፎ ትርጉም ያለው ይሆን ዘንድ አቅም የፈቀደውን ሁሉ ለማድረግ ዝግጁ ነን ብለዋል።

#TIMRAN@5