🌺ዳዕዋቱል አንቢያ 🌺

ማስመሰል ይቻል ካልሆነ በቀር ቤት ውስጥ ክፉ ባል ሆኖ ውጪ መልካም ኡስታዝ መሆን አይቻልም።

"መልካም ኡስታዝ" የመሆን ትግል ከምንም በፊት የሚጀምረው ቤት ውስጥ ነው። ውጪ ምትሰጠው ቤት ያፈራውን ነው።

ኡስታዞች ሌላውን መልካም ከማድረጋቸው በፊት ለውጡን ቤት ሊኖሩት ይገባል።

በአላህ ስም እጅግ በጣም ሩህሩህ በጣም አዛኝ በሆነው።

የአላህ ባሪያ መሆን እንዴት ይጥማል! እንዴት ደስ ይላል አስቡት ወላህ!

እንደ ሰው ያሰብከው ሲሳካልህም ሆነ ስትደናቀፍ የምንጊዜም መጠጊያህና መሸሻህ አላህ ብቻ ነው።ይሄንን የማያውቅና ዕድሜ ልኩን የርሱ ጉዳይ በእጁ የሆነውን የአላህን ስም አንድ ጊዜ እንኳን «ያ አላህ!» ብሎ ሳይጠራ ዱንያን የሚሰናበተውን እድለ-ቢስ ብዛት አስተውል!።መዓዘሏህ!።

አላህ ነው የነገሮችህ ሁሉ ቁልፍ በእጁ ያለው፣የፈጠረህ፣ሙስሊም ያደረገህ፣በአንተ ላይ ፀጋዎቹ መች ተዘርዝረው ያልቁና።አስተውላቸው፣አመስግነውም።

ሰዎችማ ስኬት ላይ ሆነህ ካዩህ፣ወዳንተ ለመጠጋት ወደ ራሳቸውም ሊያስጠጉህ ብዙ ይጥራሉ።«እርሱ እኮ ዘመዴ ነው፣ጓደኛዬ ነው፣ወዳጄ ነው...ወዘተ» ይሞግታሉ።ለምሳሌ በዱንያ ጉዳዩ ከፍ ያለ የሚመስለን ሀብታምና ባለ-ስልጣን ሆኖ የሁሉም ዘመድ ያልሆነ ማን ኣለ?።

ስትደናቀፍ፣ስትከስር፣በሙከራህ ላይ ስትወድቅ፣ከስልጣንህ ስትባረር...ወዘተ ከአንተ ጋር ዝቅ የሚሉት የቅርብ ቤተ-ሰቦችህና ትክክለኛ ወዳጆችህ ብቻ ናቸው።

አምላክህ አላህ ግን በከፍታህ ጊዜም ሆነ በዝቅታህ ጊዜ ለርሱ ሂክማ(ያንን የፈለገበት ጥበብ) ኣለው።ሁሌም በአንተ ጉዳይ ላይ የርሱ ውሳኔ ነው የሚፈፀመውና አብዝተህ ተጠጋው፣ውደደው፣ተማፀነው፣መቼም ቢሆን ጥሎ አይጥልህምና።ቆንጠጥ ካደረገህም ዱንያ ኣኺራህ እንዲሳካ፣ረስተሀው ከነበረም ታስታውሰው ዘንድ፣በጀነት በስራህ የማትደርሰውን ከፍታ ያጎናፅፍህ ዘንድ...ወዘተ ሂክማዎች ኣሉት ረቡና።

ይሄኔ ነው የርሱ ባሪያ የመሆንን ጣዕም የምታጣጥመው።ይሄንን አይነቱን አማኝ አስመልክተው ነቢዩ ሰለላሁ አለይሂ ወሰለም ሙስሊም በዘገቡት ሀዲስ የሚከተለውን ብለዋል፦ «የሙዕሚን ጉዳይ ምንኛ ያስደስታል ያስደንቃል፣መልካምን ነገር ካገኘ አላህን ያመሰግንና ለርሱ ኸይር ይሆንለታል፣መጥፎ ነገር ከነካውም ይታገስና ኸይር ይሆንለታል።ይሄ ለሙዕሚን እንጂ ለሌላ ሰው የማይገኝ እድል ነው።»

ታድያ የዝህ ሩሕሩህና እጅግ መልካም፣በመውደቅም ሆነ በመነሳት፣በማግኘትም ሆነ በማጣት ውስጥ ደረጃህን ከፍ የሚያደርግልህ አምላክ የአላህ ባሪያ መሆን በጣም አያስደስትምን?።

ዛሬ በዙሪያህ ያሉ፣ቤተ-ሰብ፣ወዳጅ፣ዘመድ ሌሎችም በሞት ይለዩሃል።እድለኞች ከሆንን በጀነት መገናኘት ቢኖርም።አላህ ግን ዱንያም ሆነህ፣በርዘኽ(ጣረሞት ይዞህ ሞተህ ከተቀበርክበት ለሂሳብ እስከምትቀሰቀስበት) ባለውም፣ተቀስቅሰህ በአርደልመሕሸር፣በአረሷቱ የውሚልቂያመህ፣ተሳክቶ ጀነቱን አስወርሶህም፣አያድርገውና በሌላም ሁኔታ ሆነህ ለዘልዓለም ከርሱ የማትብቃቃ፣ሁሌም የሚያስፈልግህ፣ሁሌም ጉዳይህን ፈፃሚ፣ውለታውን ከምንም ልታነፃፅረው የማትችል...በቃ በጥቅሉ አስገኚህና አምላክህ እርሱ ነው።
አልሐምዱሊላህ ዓላ ኒዕመቲልኢስላም!

ያረብ ሙስሊም አድርገህ እንጂ ኣኺራ አትውሰደን።

አቡ አብዲላህ
አልመዲነቱልሙነወረህ
ጁማደልዑላ 1446 ዓ.ሂ።

“አንድ ሰው ተመልክቻለሁ.....
ያማረ እና የፈካ ውበት ያለው....የአይኖቹ ብሌን በጣም ጥቁር የሆኑ.... ሽፋሽፍቶቹ የረዘሙ ....ቅንድቦቹ ግጥም ያሉ....ፀጉሩ የጠቆረ....ፂሙ የበዛ እና ዘለላው ወፍራም የሆነ....ሆዱ እና ደረቱ አንድ አይነት መጠን ያላቸው....ድምፁ ውስጥ ሰኪና ያለ .....

በመልካም ስነምግባር ላይ ያለ...
ዝም ባለ ጊዜ ፊቱ ላይ እርጋታ የሚታይበት....
በተናገረም ጊዜም ወሬ የማያበዛም የማያሳንስም የሆነ...
ሲናገር ንግግሩ በደንብ የሚሰማ...
በንግግሩ ላይ የተዋበ እና ብልህነት የሚታይበት ....

ከሩቅ ሲታይ ከሰዎች ሁሉ ቆንጆ የሆነ...
ከቅርብ ሲሆን ደግሞ .... ይበልጥ መልከ-መልካም እና ምርጥ የሆነ ውበት ያለው...
አጭርም ረጅምም ያልሆነ....

ለሱ የሚከላከሉለት ባልደረቦችም አሉት....ሰዎች የሚሰባሰቡለት የሆነ ....
አንዲትን ቃል ባወራ ጊዜ በጥሞና ያዳምጣሉ....ትዕዛዝን ባዘዛቸው ጊዜ ደግሞ ለመፈፀም ይቻኮላሉ..!!
ያ ሰው አንድም ቀን ፊቱን አጨፍግጎ ተመልክቼው አላውቅም..... በሰዎች ላይ ወቀሳን ሲያበዛም አይቼው አላውቅም.....
ተንኮል የተባለ ነገር ሁሉም ደግሞ ከጠገቡ የራቁ ሰው ነበር..!!

ኡሙ መዕበድ አቲካ ቢንት ኻሊድ ረሱል ﷺ ስትገልፃቸው 😊❤

"وَليسَ يُشبِههُ في النَّاسِ من أحدٍ
فهُو الكريمُ رفيعُ الخَلْقِ والخُلُقِ"‏ ﷺ
صلو عليه وسلموا تسليما
የተቀዳ
Te:https://t.me/dawatulanbiya

ቢስሚላህ!

ከሰዎች የሚኖርህ መስተጋብር ፍፁም በሆነ ኢማናዊና ሰብዓዊነት ላይ የተመሰረተ ይሁን።
ዛሬ ባለህ የስልጣን ወይም የሀብት ደረጃህ ግን አይሁን።ውስን ስኬቶችህ ብዙ አያንጠራሩህ፣ለለውጥና ስኬት የምትተጋበት ትክክለኛው ሀዲድ ላይ እስከሆንክ ድረስ ቁሳዊ ውስንነትህም አንገትህን አያስደፋህ።አላህ የፈጠረህ መማርና ማወቅ የምትችልበትን ስብዕና ሰጥቶህ እንጂ ከቁስ አጣምሮህ አይደለምና።

ምናልባትም የነገ የአንተ ስኬት ዛሬ ቀድመውኝ ተሳካላቸው የምትላቸውን ሁሉ የሚልቅ ሊሆን ይችላልና፣በአላህ እጅ ያለውን እንጂ በመኽሉቃት እጅ ያለውን አትመልከት፣አትከጅልምም።
በሌላ መልኩ ደግሞ፣ከነርሱ ይልቅ የተሳካልኝ ነኝ ብለህ የምታስብ ወገኖች፦
ዛሬ የቀጠርካቸው የነገ ቀጣሪዎችህ፣ዛሬ የምታዛቸው የነገ አዛዦችህ፣ዛሬ የምታስተምራቸው የነገ ገዢዎችህ፣ሓኪሞችህ፣አማካሪዎችህ...ወዘተ ሊሆኑ ስለሚችሉ፣ሰዎችን በሰውነታቸው እንጂ በቁሳዊ ማንነታቸው አትመዝናቸው።

ሰው ማለት ከቁስ ከፍ ያለ፣ከፍ ላለ ዓላማም የተፈጠረ፣ደጉንም ይሁን ክፉውን ባህሪ መቀበልም ሆነ ማንፀባረቅ የሚችል ህሊና የተሰጠው፣የተዘራበትን የሚያበቅል ፍጡር ነው።ስለዝህ ሰዎች ዘንድ መልካምን እንጂ ክፉን አትዝራ።የዛሬ ስራህ ነገ በአለማዊ ነገሮችህ ከፍም በል ዝቅ፣ዬትም በምንም ሁኔታ፣ከማኑም ብትገናኝ የማታፍርበት አይነት ይሁን።

ስለዝህ!
ይሄንና ሌሎችንም ምርጥ ስብዕናዎችን በሙሉ የምታገኘው ኢስላም ውስጥ በመሆኑ ዲንህን በሚገባ እወቅና ኑረውም።
አልሀምዱ ሊላሂ አላ ኒዕመቲልኢስላም!!!

ዒድኩም ሙባረክ 🌹🌹
الله أكبَرُ يا عظيم شعائِرِنا
‏الله أكبَرُ أطلَّ صباح العيد🎈.

🫧🎉