የካዛኪስታን አማናት ፓርቲ አባል አዲስ አበባ ገቡ

አዲስ አበባ፣ ጥር 22፣ 2017 (ኤፍ ኤም ሲ) የካዛኪስታኑ አማናት ፓርቲ እና የሀገሪቱ ፓርላማ የታችኛው ምክር ቤት አባል ሳማት ኑር ታተዛ በብልጽግና ፓርቲ ሁለተኛ መደበኛ ጉባኤ ለመሳተፍ አዲስ አበባ ገብተዋል።

ሳማት ኑር ታተዛ ቦሌ ዓለም አቀፍ አውሮፕላን ማረፊያ ሲደርሱ የሰላም ሚኒስትር መሀመድ እድሪስ አቀባበል አድርገውላቸዋል፡፡

የብልጽግና ፓርቲ ሁለተኛ ጉባዔ ከጥር 23 እስከ 25 ቀን 2017 ዓ.ም ድረስ በአዲስ አበባ ይካሄዳል።

በጉባዔው ከ15 ሀገራት የተውጣጡ የጎረቤት ሀገራት እህት ፓርቲዎች እና የብሪክስ አባል ሀገራት እህት ፓርቲዎች 43 ከፍተኛ አመራሮች እንደሚታደሙ ይጠበቃል፡፡

ዛሬ ማምሻውን የጅቡቲ፣ ናይጄሪያ፣ ዚምባቡዌ፣ ታንዛኒያ፣ ቱርኬሚኒስታን እና የኩባ ገዢ ፓርቲዎች ተወካዮች በጉባኤው ለመሳተፍ አዲስ አበባ መግባታቸው ይታወቃል።