በእንጅባራ ጠቅላላ ሆስፒታል ጉብኝት እና የውይይት መድረክ ተካሄደ፡፡

የእንጅባራ ዩኒቨርሲቲ ከፍተኛ አመራሮች የእንጅባራ ጠቅላላ ሆስፒታል እየሰጠ ያለውን አገልግሎት እና ሆስፒታሉ ያለበትን ሁኔታ በመጎብኘት የምክክር መድረክ አካሂደዋል፡፡

የዩኒቨርሲቲው ፕሬዝዳንት ጋርዳቸው ወርቁ(ዶ/ር) የጉብኝቱ ዓላማ እንጅባራ ጠቅላላ ሆስፒታል እየሰጠ ያለውን አጠቃላይ አገልግሎት እና የስራ እንቅስቃሴ፣ የመሰረተ ልማት፣ የህክምና ቁሳቁስ እና ሌሎች ግብዓቶችን ለማሟላት እንዲሁም ያሉበትን ሁኔታ ለመለየት እና በቀጣይ መፍትሄ ለማስቀመጥ የተካሄደ መሆኑን ገልጸዋል፡፡
የማህበረሰብ አቀፍ ጤና ዩኒቨርሲቲው የትኩረት መስኮች መካከል አንዱ መሆኑን ጠቅሰው እንጅባራ ጠቅላላ ሆስፒታል ሁሉንም ህክምናዎች እንዲሰጥ ለማድረግ ከ19 በላይ ስፔሻሊቲ እና ጠቅላለ ሀኪሞችን በመቅጠር በማህበረሰብ አቀፍ ጤና ላይ በትኩረት እየሰራ መሆኑን ተናግረዋል፡፡

እንጅባራ ጠቅላላ ሆስፒታል የዩኒቨርሲቲው አንድ አካል እንደሆነ አውስተው ሆስፒታሉ ያለበትን የግብዓት፣ የህክምና ቁሳቁስ (ሲቲ ስካንን ጨምሮ)፣ የመድሃኒት አቅርቦች ችግር ደረጃ በደረጃ እንዲፈታ ለማድረግ ከአጋር አካላት እና ከሚመለከታቸው የፌደራል እና የክልል ተቋማት ጋር በጋራ በመሆን ችግሩን መፍታት ያስፈልጋል ብለዋል፡፡   
https://www.facebook.com/100069178971700/posts/pfbid0yj6xYToNHM3D8Mg227JzWGLueKNeRgp5hLJz8fD1Nhn1L7sbcjzxT98uQf64oZ4Xl/?app=fbl